تجمع الجزائريات الغاليات المتأخرات في الحمل ‏

[ندى الوردة]

المشاركة الأصلية كتبت بواسطة nourelhouda

ايه ندى شفتي حتى انا شكيت هكذا على خاطر الطبيبة قالتلي كي يكون السبارم ماشي مليح مايشدش الجنين على خاطر مخصوص ،،،،، و يطيح،،،،،
ايه ندى العين واعرة و انا تانيت كل عرس او مناسبة نلبس و نبيش و نروح عروسة و هما مبهدلين نهار كامل و يضبحو عليا ،،،، حتى عجوزتي يقولولها جبتي عروسة هايلة كو غير عندنا كيما هي،،،،،،،،
حتى لحقت مرت عمو كي تبريزونتيني للناس تقوللهم عروستي و عجوزتي تولي تنطح ههههههههههههه،،،،،،حتى داوست معاها مرة قالتلها هذي عروستي ماشي عروستك ههههههههه،
كي تزوجنا جداد انا و راجلي راجلي جاب روحو تبنبن و رجع يبيش و نتهلى فيه الله يبارك رجع هايل شافوه في العيد الصغير روحنا لدار عمو نقبلو عليهم شافتو بنت عمو قالتلو ابابببباااااا شحال سمنت و وليت هايل و تبنبنت و تسقمت و رجع تلبس غير الماماي انا تماك نطقت قولتلها على الاقل قولي الله يبارك تان تضربيه بعين ،، قالتلي ايه الله يبارك ماتخافيش مانضربوش بعين،،،،، مسكين موراها مرض و شافوه شد ليبورجي و بدا يطلع في خدمتو نهار كامل يضبحو علينا ايه هو خدام مرتو خدامة حتى سرقوه و صرالو مشاكل في الخدمة تاعو يالطيف من ساعتها ما بحناش ورادلنا مشكل الدراري الله يسترنا،،،،

هههههه عاد الواحد يخاف حتى يلبس ولا يعدل الحمد لله هكذا ولا كثر في الأخير الابتلاء كله من عند ربي سبحانه المهم الواحد يحصن روحو والباقي على ربي سبحانه

[mounira]

المشاركة الأصلية كتبت بواسطة bassouma

منيرة قريت موضوعك تاع أختك ولله راهي كيما خالتي ربي يكون معاها بصح خالتي أكثر من أختك لي دروهلها حتى واحد مايديره

كاين اكثر من ينحولك وليدك ... و المشكل لوسها راح يرحل لوهران يعني ياخدو الولد معاهم .. و اختي راهي راح تهبل

[mounira]

سلام لبنات .. تبقاو على خير

[barbi alg]

مساء الخير بنات
شكون لي هنا

[bassouma]

منيرة أنا خالتي تزوجت في 1992 و جابت بنت في 93 و قالها راجلها نمدها لختي محبتش خته كانت مطلقة و جابت بنت و ماتتلها هوما كانو من قبل مقرين كي هو يجيب بنت يمدهالها زيرت روحا بصح كي دارت 6 أشهر داوهالها و هي تولد غير بعملية قالولها راكي صغيرة و زي ولدي و منبعد زدت 2 ولاد و قعدت بلا بنت و في 2002 تزوجت خته في فرنسا و داتها و في 2007 خوه عنده غير لبنات 6 الله يبارك مدلها وحدة و كبرتها و دخلتها تقرا و سمنا لي فاتت دارو عليها عجوزتها و مرت خوه و دوهالها أنا وغاظني لحال شفتني خالتي بزاف

[سلسبيل الجنه]

هلا بكن اخواتي
و بارك الله فيها التي عرضت موضوع التجمع اللهم يارب يجمعنا في الجنة
انا جديدة اسمي سلمي عمري 24 سنة متزوجة عندي قريبا 4 سنوات و لم انجب اطفال قدر الله كان حيض غير مضطرب جيد لكن بعد زواجي مضطرب جدا حتي اصل الي شرب الدواء لنزوله ذهبت عدة مرات للطبيبة تقول ليس عندي اي تكيسات و الحمد لله لكن لا اعرف لما التأخر هذا و عندي مرض الغدة الدرقية و الطبيبة المختصة تقول هذا ليس سبب لاتأخركي في الحمل او اضطربات في الحيض فنصحوني ان اعمل تدليك عملت التدليك في الشهر فيفري و في هذا الشهر جاء في موعده و الحمد ان شاء الله اتحسنت بسبب التدليك اتي بدون شرب الدواء و لله الحمد فاللهم يارب يرزقني بالذرة الصالحة و يرزقكم و اسمع فرحكم عن قريب اعرف انني طولت عليكن لكن اريد ان تتعرفن علي و معرفة خير ان شاء الله .. نصحتني الاخت حياتي قمرتي ♥♥♥ الله يجزيها خير عجبني كثيرا المنتدي

[ندى الوردة]

يعني انا نحير كيفاش يقدرو يمدو ولادهم ان شاء الله نطلق على ولادي ومانمدهمش ربي يفرج عليهم

[ندى الوردة]

المشاركة الأصلية كتبت بواسطة سلسبيل الجنه

هلا بكن اخواتي
و بارك الله فيها التي عرضت موضوع التجمع اللهم يارب يجمعنا في الجنة
انا جديدة اسمي سلمي عمري 24 سنة متزوجة عندي قريبا 4 سنوات و لم انجب اطفال قدر الله كان حيض غير مضطرب جيد لكن بعد زواجي مضطرب جدا حتي اصل الي شرب الدواء لنزوله ذهبت عدة مرات للطبيبة تقول ليس عندي اي تكيسات و الحمد لله لكن لا اعرف لما التأخر هذا و عندي مرض الغدة الدرقية و الطبيبة المختصة تقول هذا ليس سبب لاتأخركي في الحمل او اضطربات في الحيض فنصحوني ان اعمل تدليك عملت التدليك في الشهر فيفري و في هذا الشهر جاء في موعده و الحمد ان شاء الله اتحسنت بسبب التدليك اتي بدون شرب الدواء و لله الحمد فاللهم يارب يرزقني بالذرة الصالحة و يرزقكم و اسمع فرحكم عن قريب اعرف انني طولت عليكن لكن اريد ان تتعرفن علي و معرفة خير ان شاء الله .. نصحتني الاخت حياتي قمرتي ♥♥♥ الله يجزيها خير عجبني كثيرا المنتدي

أهلا وسهلا أختي مرحبا بيك معرفة خير
والله انا كانت تتأخرلي وكل مرة تزيد طول كثر وقالتلي الطبيبة اضطراب هرموني بلاما تعملي تحاليل وهاذ الشهر الثاني وانا بيه ولله الحمد
ربي يفرح قلبك بالحمل التام عاجلا غير آاجل

[ندى الوردة]

انا نروح نبدأ نطيب لعشا قبل ماتجي
مع السلامة

[lamia zina]

البنات شحال تقعد الدورة باش جي وراء شرب الدوفاستون انا اليوم 30 يوم من الدورة يعني يوم الخمس من الدوفاستون بصح ما عندي حتى اعراض