تجمع الجزائريات الغاليات المتأخرات في الحمل ‏

[AMAL JADID]

المشاركة الأصلية كتبت بواسطة احلى شيء الاموموة

اختي لامية ربي يفرحك ويعوضك ان شاااء الله....
انا راني مع سورة البقرة نقراها كل يوم ربي يقدرني ان شااء الله على المداومة....
واذكار الصباح والمساء ....ورقية تثبيت الحمل ...هزيتها من اليوتيوب والرقية لي عطاتهالي صبورة ربي يفرحها ان شاء الله....والدعاء والذكر والاستغفار ....ربي يقبل مني ان شااء الله ربي يكمل فرحتي ويتمم على خير....ربي يفرح كل محرومة يااا رب
الاخت امل ...انا نعطيك الحق في كل ما قلتيه اي واحدة فينا لازم تاخذ احتياطها ما فيها والو هاذي وربي يعطينا على قد نيتنا مي انا نضمن في هذا التجمع بنات لي فيه الكل ما شاء الله ربي يجمعنا بالناس الطيبين ويبعد لينا اولاد الحرام لي ما يخافوش ربي...
عبير انا تاني راني معاك لبنات الكل ربي يفرج علينا ويفرحنا وربي يجمعنا في الاخرة حنا تجمعنا على وجه ربي وما عندنا حتى مصلحة والا نية خاسرة ....وكلهم كلامهم موزون واخلاق عالية وكلام طيب ...من يوم دخلت هذا المنتدى ما شفت واحدة كتبت كلام فاحش والا خاسر ....ان شااء الله نكونوا طيبين عند ربي ...
ربي يدوم العشرة الطيبة بيناتنا ....ويفرح قلوبنا بللي نتمناوه....

صح الذكر و المداومة عليه مليح بصح لازم تعرفي سبب توقف النبض 3 مرات بزاف و الحالة راهي تتكرر معاك
اذا كنتي من سكان الجزاءر جربي تروحي و تابعي حالتك مع البروفيسور كابويا تلقاي رقم تاعو في الانترنات
واذا كنتي من سكان مدينة الورود نعطيك رقم طبيب طايبي هادو كامل اطباء ملاح الله ابارك و قدام في هادا المجال

يقدر يكون سبب توقف النبض المشيمة في بعض المرات الغذاء ميوصلش للطفل الطبيبا تمد صاشيات اسبيجيك تاع الدراري باش تزيد تميه الدم و تنحي الشك بلي الغذاء ميوصلش

واذا كان سبب مرض روحي تماك تشوفي في مرات بزاف احلام مفزعة من بينها قطط و نسا و دراري و مرات الدورة تماك لازم تروحي لراقي ثقة و على السنة يرقيلك
وربي يكون معاك

[alma021]

لبنات نغسل الماعن ونرجع واااااااااااااااااااااااااااااااااااعععععععععععععع شكون تجي تغسل فبلاصتي

[ندى الوردة]

مساء الأنوار بنات ماتقولوليش رقدتو برك

[AMAL JADID]

المشاركة الأصلية كتبت بواسطة alma021

شكرا اخت امل على التنبيه وكيما قالت عبير رانا في عالم افتراضي وتبادل المعلومات الشخصية حرية كل واحد فينا وعلى الوصفات اللي يذكروهم هنا يا اختي كل واحد و ثقافتو و قناعتو الشخصية انا كي يقولولي ديري هديك الوصفة مش راح يسيفو عليا بسيف نديرها على العموم بارك الله فيك علابالنا بللي بزاف يصراو كيما راكي تقولي ربي يبعدهم علينا وخلاص
انا مللي دخلت هنا للتجمع الحمد لله قاع لبنات ماشاء الله عليهم اخلاقا ومكان حتى وحدة خسرت مع اختها

لالا اختي امل انا دايما تبقى درجة الحرارة تاعي مرتفعة حتى لنهار اللي تهبط الدورة باه تهبطلي وعندي تقريبا عام نقيس فيها جامي ماهبطتلي قبل الدورة مش معناتها كي ماتهبطش درجة الحرارة صرا حمل

درجة الحرارة تهبط قبل الدورة ماشي في الدورة مثلا دورة تاعك فيها 28 تلقايها تهبط في 26 و 27
ونهار 28 تهبط الدورة

و الحرارة تبع هرمون البروجسترون و هو هرمون الدافء هو الي نتحسسوه بدرجة الحرارة
كي يهبط في الدم تهبط معاه الدورة
بصح الي حيرني انها الحرارة مرتفعه و تهبط الدوره
معطيك مثال درجة الحرارة 37.5 و تهبط الدروة وانتي مامريضة ماراكي في جو ساخن

[ندى الوردة]

المهم البنات الي راهم حوامل حابة نسقسيكم وياربي تجاوبوني على خاطر المرة الي فاتت وحدة ما قيمتني المرة هضي راني نخرج بلا رجعة هههه
المهم انا راني في أيام التبويض المفروض دورتي فيها 32 يوم واليوم هواليوم 16 من آخر دورة يعني نورمالمون التبويض يكون في 18 من الدورة بسح الي لاحضته انو خلاص اليوم راحو الافرازات نتاع التبويض
انا شريت تست التبويض استعملته 4 أيام مكانش اباضة واليوم الخامس نكنت نستعمل فيه وتبولت وانتو بكرامة بوسط الجهاز بدون قصد وخلتص فسدته يعني ولا ما يمشيش عيطتلهم قلتلهم ماحبش يمشي قالولي نبعثولك واحد آخر بعد 3 ايام يعني طفرت فيا منهذيك مازدتش شفت والجماع يوم بيوم
المهم اليوم عندي ألم بالمبيض الأيمن يعني واش تقولو بشرى خير ولا مازال الحال

[lamia zina]

امل جربي الرقية بلاك عندك سحر الارحام .
امة الرحمان و نور الهدى طلو علينا

[امال3]

مساء الخيرات بنات امل خوفتني واش كاين كاش ماشفتي انا ما عنديش بزاف بصح عجبوني لبنات ايبانو محترمين هدرتهم احلوا او مفيهاش حتي اغلاط و لبنات قد ما يعرفو اعليك محى يقدرو يوصلوليك

[ندى الوردة]

أختي عبير بالنسبة للكيس الي كنتي تهدري عليه وفيه نقطة دم من الداخل نلقاه مقسوم قطعتين ولونه مثل جلد شفاف صراتلي مرتين نلقاه في سارفيات الله يعزك
يعني حمل ونزل صح

[ندى الوردة]

أمل جديد يعطيك الصحة ع النصيحة فعلا لازم الوحدة تنتبه لروحها والكلام عنده حدود في النت ربي يبعد عاينا أولاد الحرام

[احلى شيء الاموموة]

المشاركة الأصلية كتبت بواسطة amal jadid

صح الذكر و المداومة عليه مليح بصح لازم تعرفي سبب توقف النبض 3 مرات بزاف و الحالة راهي تتكرر معاك
اذا كنتي من سكان الجزاءر جربي تروحي و تابعي حالتك مع البروفيسور كابويا تلقاي رقم تاعو في الانترنات
واذا كنتي من سكان مدينة الورود نعطيك رقم طبيب طايبي هادو كامل اطباء ملاح الله ابارك و قدام في هادا المجال

يقدر يكون سبب توقف النبض المشيمة في بعض المرات الغذاء ميوصلش للطفل الطبيبا تمد صاشيات اسبيجيك تاع الدراري باش تزيد تميه الدم و تنحي الشك بلي الغذاء ميوصلش

واذا كان سبب مرض روحي تماك تشوفي في مرات بزاف احلام مفزعة من بينها قطط و نسا و دراري و مرات الدورة تماك لازم تروحي لراقي ثقة و على السنة يرقيلك
وربي يكون معاك

اختي بارك الله فيك ....انا رحت لشحال من طبيبة والكل قالولي تحاليلك وتحاليل زوجك سليمة والحمد لله....وما عرفولش سبب توقف نبض الجنين ..في المل الثاني والثالث ناخد البيبي اسبيرين من قبل حدوث الحمل ما نحبسوش كااامل..والفوليك اسيد... في الحمل الثالث بعد الحمل باسبوعين اخذت ابر مسيلة للدم مضادة للتخثر قالت الطبيبة اقوى من الاسبيرين بيبي...وكبر حجمه شوية مقارنة بالاول والثاني... وهذي المرة قالت اول ما نلقى التاست بوزيتيف نبدا نضرب الابر...ونحبس الاسبيرين....وان شااء الله خير
وكان على الرقية الحمد لله رقيت وما كاين حتى مشكل ....ونسمع الرقية كل يوم....حتى الاحلام المزعجة ما كانش....
واخيرا قطعت عند شيخ....قالولي التابعة لازم تقطعي عليها وربي يكتب الخير ان شاااء الله