مدونتي الخاصه

[خيال ثلاثيني]

يا قطوع المواصل ليه دايم تغيب ؟ ،،
كل ما اسقيت وصلك لين غصنك روى

والله انك حبيبٍ غير أية حبيب ،،
مير يذبحني غيابك و طول النوى

أخذني من عناي انت الدوا والطبيب ،،
كم عطوني دواي وقلت ما ابغى دوا

كان ما انت الدوا يجعل جرحي عطيب ،،
لجل اموت فـ غيابك حشمةٍ للهوى

[خيال ثلاثيني]

لاقلتلك خلّني تكفا تخليني
النفس ظاقت وتعرف من مظيقها

ماني بحاجه علومك لو تسليني
بعّد عن العين واحسن لو تفارقها

لاظقت انا حتى روحي ماتدانيني
واذا هدا البال غربها و شرقها

لو كان غيرك حرام انه يحاكيني
لو كان كل الدروب البيض يطرقها

تدري...؟ وش اللي ذبحني والبلا فيني
بعرف عروق الغلا وشلون تسرقها

[خيال ثلاثيني]

اخيرا

اتمنى المعذره من الجميع في حالة وضع اي بيت او صورة بالصفحة غير مناسبة لذوقه الشخصي واتمنى بأن تبقى هذه الصفحات ذكرى للابد


اخوكم : خيال ثلاثيني 21/09/2012

تحيــاتي