تجمع الجزائريات الغاليات المتأخرات في الحمل ‏

[أمة الرحمان السلفية]

السلام عليكم حبيباتي

اليوم جبتلكم تحلية رائعة من مطبخي ذوقها رائع و منعشة و تنحي السخانة و تبرد العطش

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

تأخذي عصير الخوخ (عصير رامي ذوق خوخ) حوالي نصف لتر و تزيدي السكر حسب الذوق (للأمانة أنا ما زدتش السكر جاني حلو العصير) و تزيدي 02 ملاعق نشاء (إذا تحبي تجيك عاقدة بزاف زيدي النشاء نص ولا مغرف كاملة) و تخلطي كلش بارد بالخلاط اليدوي و تحطيه على نار متوسطة و تخلطي حتى يخثار الخليط و يصبح كالكريمة ضعيه في أكواب تكوني قصيتي فيها شوية فواكه (أنا استعملت الخوخ المعلب) و حطيه في الثلاجة يبرد مليح و اذا حبيتي تقلبيه و تزينيه بأي شيء متوفر عندك مكسرات أو فواكه
ان شاء الله تجربوها و الله ذوقها رائع جدا و تصلح خاصة مع سهرات رمضان

[أمة الرحمان السلفية]

فلان بالبرتقال من مطبخي
أعطتني هذه الوصفة إحدى قريباتي، سأنقلها لكن كما هي وفي الأخير ستجدن بعض التعديلات التي رأيتها مناسبة
أترككن مع المقادير:
(04) أربع حبات كبيرة برتقال
(3/4) ثلاثة أرباع كأس ماء
(01) علبة فلان بنكهة الفانيلا
(02) ملعقتين سكر
نكهة الفانيلا
(02) ملعقتين ماء الزهر

إضغط هنا لرؤية الصورة بحجمها الطبيعي.
.................................................
إضغط هنا لرؤية الصورة بحجمها الطبيعي.
نعصر حبات البرتقال ثم نضيف لها الماء و السكر ثم الفانيلا وماء الزهر ثم الفلان ونخلط ثم نضع المزيج فوق النار حتى يثقل قليلا
إضغط هنا لرؤية الصورة بحجمها الطبيعي.

ثم نضعه في صحون مناسبة ونضعه في الثلاجة حتى يجمد.

إضغط هنا لرؤية الصورة بحجمها الطبيعي.
بالصحة و الراحة
أنا جربتها بهذه المقادير لكن نكهة الفانيلا كانت قوية جدا، فألغيت نكهة الفانيلا
هذه الوصفة لأربعة أشخاص أو خمسة أشخاص إذا كانت الصحون صغيرة
نتمنى تجربوها هي وصفة منعشة تصلح كثيرا في شهر رمضان

[أمة الرحمان السلفية]

السلام عليكم
اليوم جبتلكم تحلية فرنسية لذيذة جداااااااا

إضغط هنا لرؤية الصورة بحجمها الطبيعي.

المقادير
لتر حليب
7 مغارف سكر عادي
5 مغارف مايزينة اي نشاء
شويا فانيلا
2 صفار بيض و ادا كان المح كبير استعملي وحدا فقط
3 ملاعق كاكاو مغربلة
التحضير
في كسرونة نحط لتر حليب و 7 ملاعق سكر و5 ملاعق مايزينة وشويا فانلا وصفار البيض ونخلط مليح امبعد نديرهم يطيبو مع التحريك المستمر كي تبدا تعقد وتثقال الكريمة نجيب كسرونة ثانية و نقسم الكريمة على 2 و نترك واحدا بجنب والاخرة نذيفلها كاكاو مغربل فوق صفاية ونحرك مليح امبعد نديها كيب مدة 2 دقايق لاكتساب لون البني الغامق
و نجيب قوالب التقديم ونشد كسرونة بكريمة بيضا بيد وكسرونا بكريما كاكاو و بيد ونفرغهم في ان واحد ونخليها تبرد وتقدم جيكم مقسومة كما دانات

[alma021]

نداء عاجل الى اصحاب القلوب الضعيفة كي حالتي نداء عااااااااااااااااااااااااجل من فصلكم يحضرعليكم الدخول الى المنتدى اليوم وقد اعذر من انذر


السبب هو لي غوسات تاع امة

[أمة الرحمان السلفية]

القرنبيط او الشوفلار المحشي لسموحة وصفة ناجحة

المقادير

-راس قرنبيط-شوفلار-

-لحم مفروم+بصل+ثوم مفرومين

-فلفل اسود+بيضة+بقدونس+ملح

-مايونيز+جبن مبشور

الطريقة

-في اناء نضع القرنبيط يغلي لمدة 10دقائق

-نتبل اللحم المفروم بالثوم والبصل والفلفل الاسود

والملح والبقدونس والبيضة

-نملا فراغات القرنبيط باللحم المفروم المتبل

ونضعه في صينية ثم في الفرن

-بعد 20دقيقة نخرجه من الفرن ندهنه بالمايونيز

ثم نضيف الجبن المبشورونرجعه ليتحمر

ثم نضيف الجبن المبشورونرجعه ليتحمر

[أمة الرحمان السلفية]

السلام عليكم ورحمة الله وبركاته
أتمنى تكونو بخير عزيزاتي
دائما مع تحلية من liégeois و لكن هذه المرة بالبرتقال.... هي وصفة سهلة سريعة إقتصادية مافيهاش البيض و لذيذة و منعشة مناسبة جدا لفصل الشتاء
المقادير
1/2 لتر عصير برتقال إستعملي لي يجي حامض و أصفر لأنه قريب من العصير الطبيعي
1 ملعقة أكل و نصف نشاء مغربل
2 ملاعق أكل سكر عادي و إذا كان العصير حلو بزاف ألغي السكر
كيس فانيليا
للتزيين : كرية شانتيي مخفوقة جيدا و متماسكة و برش برتقال أو أي شيء عندك للتزيين
هنا أنواع العصائر أنا إستعملت لي في الباطة طبيعي حامض أما القارورات من البلاد يجي حلو
إضغط هنا لرؤية الصورة بحجمها الطبيعي.

في طاوة حطي عصير البرتقال + السكر +الفايليا +النشاء و خلطي بارد في بارد
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ممبعد شعلي النار و أبقاي تحركي بدون توقف حتى يغلي و يعقد و راح تتحصلي على هذا القوام إضغط هنا لرؤية الصورة بحجمها الطبيعي.

فرغيه في الكؤوس دائما نستعمل الجوتابل و لكن إذا عندك ضيوف إستعملي الزجاجية الشفافة ثم حطيه يبرد إما في الثلاجة أو في البالكون على الهواء حتى يبرد تماما
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
كي يبردو أمسحيلهم هذاك الندى في الحواشيي خطرش يهبط الشانتيي
و تكوني موجدة كريمة الشانتيي حطيها في جيب حلواني و شبحي الكؤوس ثم زيني ببرش البرتقال و الكراميل أو أي شيء آخر و عاودي دخليه الثلاجة يبرد قبل التقديم
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
نتمنى تجربوه لأنه فعلا رائئئئئئئئئئئع و يشهي
فقط ملاحظة ماتكثروش النشاء باش ماتجمدش الكريمة بزاف لأنها تقعد كأنها جولي خفيفة لكن متماسكة قليلا فقط هكذا
إضغط هنا لرؤية الصورة بحجمها الطبيعي.

[أمة الرحمان السلفية]

السلام عليكم اخواتي
المقادير:

لتحضير الجينواز نحتاج الى

3بيضات،90غ سكر،90غ فرينة،م ص خميرة كيميائية،فاني

اولا نشعل الفرن على180درجة

بواسطة الخلاط الكهربائي نخلط البيض مع السكر والفاني جيدا من بعد نضيف الفرينة والخميرة المغربلين وبواسطة ملعقة نضيف الفرينة على دفعات ونحرك من فوق لتحت
ناخذ المول الخاص بالكيك يكون متحرك يعني لي يتفتح ندهنه بالزبدة والفرينة ونفرغ فيه الخليط

http://إضغط هنا لرؤية الصورة بحجمها الطبيعي.

ندخل الكيكة للفرن تطيب نخليها في المول حتى تبرد تماما

نحضر في هذا الوقت الفلان انا استخدمت هذا النوع ذوقه هايل ويجمد بالخف ولي حابة تستخدم فلان نوارة تضيف للخليط شوية نشاء

http://إضغط هنا لرؤية الصورة بحجمها الطبيعي.


نحتاج الى 2كيس من الفلان من هذا النوع +1لتر حليب+سكر حسب الذوق نخلط المقادير ونحطهم فوق النار

من بعد نفرغهم فوق الكيكة غير بالشوية

http://إضغط هنا لرؤية الصورة بحجمها الطبيعي.

بعد ما يجمد نحط في الثلاجة يبرد مليح
عند التقديم نزينها حسب الرغبة بالفواكه انا استخدمت الموز والعنب والكيوي ندهنهم بشوية من لاجولي ونقدمها وهذا شكلها

http://إضغط هنا لرؤية الصورة بحجمها الطبيعي.



http://إضغط هنا لرؤية الصورة بحجمها الطبيعي.


هنا كي قطعتها لاحظو شكلها امممممم

http://إضغط هنا لرؤية الصورة بحجمها الطبيعي.

نتمنى تعجبكم الكيكة وتجربوها لانها ساهلة وبنينة

[أمة الرحمان السلفية]

السلام عليكم اخواتي
حلوى اليوم اسمها بساط الريح جديدة وبنينة وساهلة وتقطع كمية مليحة
المقادير:
250غ مرقرين،2بيضات،نصف كاس سكر عادي،نصف باكي خميرة،اقل من نصف كاس نشا،فاني فرينة،نصف كاس عسل
الحشو:
3كيلات كاوكاو محمص ومرحي وممكن لوز،نصف كيلة سكر ونلمها بماء الزهر
الكريمة:
علبة نسلي ،125غ زبدة انا استعملت فلوريال،2م ك حلوة الترك،2 مك حليب غبرة
الطريقة:
نخلط المرقرين والسكر جيدا نضيف البيض ونحرك ثم النشا والخميرة والفاني والفرينة حتى نتحصل على عجينة تشبه في عجينة الصابلي نرش طاولة العمل بالفرينة ونبسطها بالحلال
ندهن البلاطو انا استعملت بلا اقل من نتاع الفرن ندور العجينة عالحلال ونهزها باه تجينا ساهلة ونحطها في البلاطو ونسقمها وندخلها تطيب
http://إضغط هنا لرؤية الصورة بحجمها الطبيعي.
نسخن نصف كاس عسل نزيدلو شوية ماء زهر لازم يبقى خاثر وفور اخراجها من الفرن نسقيها
http://إضغط هنا لرؤية الصورة بحجمها الطبيعي.
نغطيها ونخليها ليلة كاملة
نحضر الحشو بخلط المقادير حتى نتحصل على حشو مثل حشو البقلاوة نبسط عالعجينة لي خاليناها طابت
http://إضغط هنا لرؤية الصورة بحجمها الطبيعي.
نحضر الكريمة
نطيب نسلي في الكوكوطة لما تصفر نحسب45د نخليها تبرد تماما ونستعملها او نشريها جاهزة راهي متوفرة يكون احسن واسهل وهذي الصورة لعلبة نيسلي كراميلزي
http://إضغط هنا لرؤية الصورة بحجمها الطبيعي.
نخلط الزبدة مع نسلي كرامليزي وباقي المقادير بالباتور ونحطها فوق الحشو
http://إضغط هنا لرؤية الصورة بحجمها الطبيعي.
ونبسطها
http://إضغط هنا لرؤية الصورة بحجمها الطبيعي.
نحطها في الثلاجة على الاقل24 ساعة نقطعها مربعات ونزين كل مربع بنصف حبة جوز
http://إضغط هنا لرؤية الصورة بحجمها الطبيعي.
وهذي عن قرب لاحظو الطبقات اممممممممم
http://إضغط هنا لرؤية الصورة بحجمها الطبيعي.
ملاحظة:
انا البلا لي استخدمت 30على28 المهم
في امان الله </B></I>
__________________

[أمة الرحمان السلفية]

جينواز بالطبقات والالوان
نحليكم مع الصور
المقادير
هاددا النوع يستحق 12بيضة لكل طبقة تدي 3بيضات ركزو معايا مليح
في الباتور نطلع 6بيضات +135غ سكر+فاني حتى يتضاعف حجم الخليط "واذا معندكش باتور طلعي البياض مع نصف كمية السكر والصفار مع الكمية الباقية "
بعد ميتضاعف الحجم الخليط نضيف 135غ فرينة +مغرفة لحظة للذوق مع وحدة خميرة ونخلط باليد وبالعقل ومنكترش التخلاط
.ونقسم الخليط الى زوج 2 نلون القسم الاول بالملون الاخضر +معطر لكيوي وتقدري تستغناي عليه
ونفرش ورق الزبدة ونحط يطيب لمدة 10د فقط على درجة حرارة 180
ونلون القسم الثاني بدوق فريز +معطر
ونحطو يطيب
ونكرر نفس العملية
مع الطبقات الطبقتين لي بقولنا وحدة ندير معاها الكاكاو +الموكا
والاخرى نلونها بالاصفر
وهكا يعودو عندنا 4 طبقات لكل وحدة لون وذوق
بعد ما طيبناهم .ونكونو حضرنا من قبل الشاربات او يكون عندنا jus اي ذوق ميهمش المهم نسقي جينواز نتاعي
نبداو في وضع الطبقات
نحط الطبقة 1 ونسقيهاوندير فوقها لكرام شونتي ولا كرام اوبارولا كونفتير نتاع التفاح انت وش حبيتيونزيد فوها الطبقة 2 ونسقيهاونسقيهاوندير فوقها لكرام شونتي ولا كرام اوبا رولا كونفتير نتاع التفاح ونزيد فوها الطبقة 3ونسقيهاونسقيهاوندير فوقها لكرام شونتي ولا كرام اوبار ولا كونفتير نتاع التفاح ونزيد فوها الطبقة 4 ونسقيها غير شوي ونحط فوقها بلاوطو ونضغط عليها باه تحكم روحها ونحطها في الثلاجة 2سا باه كي نقطعها متخرجش لي شيت بزاف
بعد منخرجها من التلاجة ندير فوقها لاكرام شونتي ونصب فوقها super cremeونزين بالفواكه كيما نحب
وانشاء الله نكون وفقت في الشرح
انا منقدرش نصور الخطوات لاخطر نخدم وحدي في الدار اسمحولي خياتي
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

وهادا رولي
إضغط هنا لرؤية الصورة بحجمها الطبيعي.^

إضغط هنا لرؤية الصورة بحجمها الطبيعي.
وهاهي سوبر كرام

[alma021]

امة حلوة بساط الريح درتها في عيد الاضحى ممممممممممممممممممم روعة اللي ماجربتهاش غير تجربها والله شكلا ومذاقا روعة