تجمع الجزائريات الغاليات المتأخرات في الحمل ‏

[سهام فرنسا]

أمة ربي يعيشك طلعتيلي المورال ههههههههههههه
عبير انا نشفا وحد المرة صاحب راجلي جابلنا حبة رمان من لبلاد في جويلية وصح كاميليا عندها الحق لقيت القشرة تاعها ياااااااابسة قلت سير يبسوها في الشمس

[أمة الرحمان السلفية]

والله يعبير غير من كل جيها الحمد له جارتي تع العمارة كل يوم يعيطولي واش كاش جديد في الحلويات اخوات زوجي وحدة عيطتلي قتلي اعطيني انوع الحلويات وقترحي عليا واش ندير لوستها ريحا تولد عندها زوج بنات توائم ربي يسلكها على خير وجارتي وحدة اخر ا طبيبة تريح غير الجمعة عيطتلي قتلى اعطيني قاطو ساهل يكون كعور ومد لعور ضحكتني لخطرش هيا خدمة تتعب ماتحبش ليكون يشد اليد وخلى لفامي في المنسبات يعيطولي ويقولولي انتي الكادو نتعك القاطو ماظروش روحم وزيد اروحي على بكري باش الطيبي انا يحبونيى ندخل للكوزينة نهنبر كل وحدة تقلي اروحي طيبلي قلي زوجي و لله غير الى مرضك يدويك قلي روحي اخدمي وبعد اروحي تبكي من عرق النسا واش ندير وامي مسكينة ريحا تفتل الطعام تع العرس تع خويا انا قلتلهم الله غالب يد مكسرة ويد زتد كملت عليها انجي نطيبلكم برك وهيا وخواتتي يفتلو

[أمة الرحمان السلفية]

عبير حنونة مانعرفش كيفاش تخبي االرمان جامي خبيت هذ الحويج اسمحيلي حنونة

[كميليا]

المشاركة الأصلية كتبت بواسطة عبير الحرية

كميليا حنونتي يعني ما نقشروش معليش تسقسيها و قداه يقدر يقعد خاطر انا ان شاء الله نولد في جوان

يعني يبقى صالح للاستهلاك حتى لثم

عبورة ايه ماتقشريهش علابالك ماما عيتلها سقسيتها قاتلي علاش نتومة تخليو الحاجة تقعد للجوان هههههه بصح قاتلي مانضنش يفسد المهم مايتنداش وتتاكدي من الرمان للشرتيه مايكونش فاسد.

[أمة الرحمان السلفية]

بسومة اسمحيلي طولت عليك بصح ماعرفتش واش من نوع القريوش تحوسي كاين انواع بزاف

[سهام فرنسا]

أمة حنونة معليش مليح الخير و الواحد باش عندو يكسب الاجر و انت الله يبارك ماشاء الله عليك قلبك كبيييييير والله يبارك فحلة مرا و نص و 25 كيما نقولو حنا ربي يعطيك حتى يرضيك يارب

[أمة الرحمان السلفية]

العجينة
1كلغ فرينة
علبة مارغارين نتاع250غ
1مغرف كبيرة خميرة الخبز
1خميرة نتاع القاطو ..كيميائية
مغرف كبيرة مليانة خل
1مغرفة فاني
1بيضة كاملة
مزيج من ماء الزهر والماء العادي يكونو دافيين حسب الحاجة
الزيت والعسل
طريقة التحضير
تذوبي كمية الزبدة وتصبيها فوق الفرينة وتخلطي مليح حتى تولي مثل حبيبات الرمل تزيديلها البيضة وقرصة ملح والفاني وتخلطي شوية وتزيدي الخميرة نتاع الحلوى ونتاع الخبز تخلطي شوية وتزيدي الخل والماء وتلمي حتى تتحصلي على عجينة ماشي طرية بزاف
وتخليها ترتاح ساعة كاملة
قسميها لقطع متوسطة وحليها بالرلو ثم بالمشينة نتاع العجين رقم5 حتى تتحصلي هلى شريط قطعي منو حبات بطابع المارغوريت المتوسط والكبيروالصغير كي تكمليها حطي مارغوريت كبيرة وادهني الوسط بشوية بياض بيض وهدا هو السر في انها ماتتنحهاش الحبات من بعضها وقت القلي وزيدي فوقها حبة من نفس الحجم لكن حطيها بطريقة معاكسة وادهني الوسط بياض البيض ولصقي حبة المارغوريت المتوسطة وادهني الوسط بياض البيض وزيدي فوقها حبة صغيرة لكن حطيها معكوسة واخيرا اغطسي حبة لوز من الجهة الرقيقة في بياض البيض وارشقيها مليح
ولما تكملي جميع العجينة اقليها بلون ذهبي ثم عسليهاوديري فوقها البيستاش او الجلجلان وكانت النتيجة رائعة لكل من شافو وذاقو وعطاوني

[أمة الرحمان السلفية]

[أمة الرحمان السلفية]

[أمة الرحمان السلفية]