تجمع الجزائريات الغاليات المتأخرات في الحمل ‏

[سهام فرنسا]

حق عبير ماراكيش تخمي في الأسماء يعني مادتي حتى واحد في راسك من قبل ما تعرفي بلي عند طفل ؟
البارح راجلي قالي كون تزيد عندنا طفلة نسميوها بلقيس ههههههه قتلو عيشك كيفاش خبطلك في راسك

[سهام فرنسا]

أسومة اهلا وسهلا بيك وش راكي ؟

[عبير الحرية]

ههههه شفتي سهام الله يعينها امة علينا و يعطيها على قد قلبها

قلبها كبييييييييييييير يهزنا كامل

اسومة على سلامتتك اا ندخل و انت تخرجي و العكس واش راكي

[عبير الحرية]

ان شاء الله يرزقك اميرة صغيرة و تسميها بلقيس

سهام علاه ما شفتيش درت موضوع هنا في هذا السياق تموتي بالضحك كل واحد واش ردلي اخرهم خوخة القرعاجة

ههههههه قاتلي راني على بالي العجب ما يعجبكش

و الله كاين اسماء بزاف عجبوني من قبل و ما نعرف واش رايح يكتبله ان شاء الله

راجلي قالي اتفاقنا اذا طفل يسمي هو قتله ايه بالصح ضرك درت في هدرتي ما كانش منها ههههه شريرة

قوليلي رايك

يزن يامن براء اثير اسيف تيم تميم ابي

[أمة الرحمان السلفية]

السلام عليكم
اخوتي اسمحولي كنت مع جارتي نعطيلها في لاغوسات تع الحلويات عندها عقيقة نهار الخميس لوستها ولدت وجبت طفلة

[كميليا]

صباح الخير اسما عبير سهام لاباس عليكم امة يعطيك الصحة على ليغوسات كفيتي ووفيتي ركي اكثر من حالتي علابالك راجلي ولا يقولي ماكرهتيش من الجرائم المطبخي
عبير حنا ماما الرمان كي يكون وقتوا تيبسو فالشمس حتى تيبس القشرة نتاعو من برة بالصح تاكدي انو الحبة ماتكونش مقيوسة باه مايفسدش للداخل .

[عبير الحرية]

يا امة يامة ما راهمش مخلينك حتى في بلاصة ربي يعطيك على قد قلبك

[أمة الرحمان السلفية]

سهام يعطيك الصحة كيكة اليمون خرجتلك تهبل البرح دخلت على الوحدة تاع اليل قريت الارشيف وخرجت ماقدرتش انرد عليك

[عبير الحرية]

كميليا حنونتي يعني ما نقشروش معليش تسقسيها و قداه يقدر يقعد خاطر انا ان شاء الله نولد في جوان

يعني يبقى صالح للاستهلاك حتى لثم

[سهام فرنسا]

عبير عجبني يزن وتيم و على موضوعك مالقيتوش