تجمع الجزائريات الغاليات المتأخرات في الحمل ‏

[نور اليقين]

المشاركة الأصلية كتبت بواسطة مريم13

الله يجعل الشفاء لشيخك نور اليقين
ايه سميتو يانيس ما طهرت ما درت عقيقة مسكين صغير على الطهارة مسكين مدولو تحاليل على خاطر كان عندي ظغط الدم غضني ما قدرتش نديرهملو هههههههههه
وانا راني تعدبت بزاف خاطر في اول يوم في التاسع دخلوني للمستشفى خاطر طلعتلي لاطونسيون تعدبت بزاف ملي دخلت وهوما يديرولي في الديكلونشمو
دارولي 3 سوند يدخلوهم لداخل حاشاكم ويعمريهم بالسيروم باش يحلو الكول والله قتلوني ديرلي منهم الشخانة اخر وحدة طرطقت فيا لداخل ومن عد دارولي 6 ابر تاع سانطو وليت نسوطي كي لحصان وما تفتحش اكتر من 5 اصابع والسقية طرطقت وبدات تخضار ويانيس بدا قلبو يتراجع هبطوني نجري لغرفة العمليات على جال القيصرية يعد 8ايام من العذاب
المهم دارولي القيصرية ويانيس كي خرجوه ما عيطش وراحو يجريو بيه تم مريت باصعب لحظة في حياتي الحمد لله زربو بيه ونفسوه اسطناعيا والحمد لله بعد 3ايام خرجوني
وعد اربع ايام ولات العملي تخرج الماء كي وليت للمستشفى حكموني و حلوهالي وخلاوني 7 ايام عندم العملية مفتوحة وهوما كل يومينشفوها بالكومبيريس موت حمراء كيما يقولو المهم كي نشفت خيطوني بدون انيسطيزي واش نقولك الم مبرح ولحد الان مازال ما نحيت الخيط وكل يوم الصباح نروح للمشفى يعصروني درك العملي شاحت بصح مازال 6 ايام اش نحي الخيط
والحمد لله على كلش

يامريومة ياعمري سوفريتي ربي يعيشلك انس ويحفظولك يارب ويشفيك ويحميك والحمد لله على سلامتك انت راكي ماولدكش مرة برك ولدوك سبع ولدات وانت العملية لاه تحلتلك كاش مادرتي جاست ورفدتي حاجة تقيلة وديريلها لعسل دوك تتغلق بالخف وتروح السيكاتريس والخيط راه ساهل ماتخافيش والجنة راهي تحت اقدامك عرفتو لاه الجنة تحت اقدام الامهات مي والله ياختي غير عذاب راكي انت برك شفت اللي زيدو بالعمليات وعندهم لاطونسيو والسكر وماصرالهمش واش صرالك المهم الحمد لله اللي وليتي للدنيا وسلكتي بخير وعلى خير وبلاكي من التقيل

[oum abderaouf]

انا تاااااااااااااااااني توحشتك خوله
مرحبا بيك بسومة
كاااش جديد؟
راني نخمم في غدوة ان شاء الله والفت الدار و الخدمة جات

[حياتي قمراتي]

نور اليقين ختي مرحبا بيك ... واش اخبارك ؟
سارة ختي شفتي ؟ ربي يعينكم

[oum abderaouf]

خولة انا ام عبد الرؤوف ان شاااااااااااااااااء الله
نور اليقين اهلا
يادرا فهمت واش قتلك على قياس درجة الحرارة؟

[نور اليقين]

لبنات واش راكم كامل راكم لباس بسومتي واش راهي المموشة انتاعنا لباس ؟؟
لبنات المربح ان شاء الله غدوة رايح يقعد مع باباه وبلاكش نزيد نغيب رايح يقعد معاه فاسبيطار وما علاباليش اذا يديني ولالا قلتلو خليني هنا فالدار قالي من بعد نشوف ومانعرف

[حياتي قمراتي]

ايه نتي سارة مرت معلاباليش ههه ام عبد الرؤوف و اخوه و اخواتاتو انشاء الله

[حياتي قمراتي]

الحمد لله اختي نور اليقين رانا بخير و نتي واشك ؟ ربي يعاونكم و يشفي شيخك و يهسل اموركم يارب

[ميمي 17]

يسعد مساءكم ليكم وحشة اخباركم

[rayhana05]

سلام عليكم لبنات وشراكم توحشتكم بزاف و طولت الغيبة تان
السمانة الي فاتت مدخلتش باسكو كان عرس سلفي
جاء نهار الجمعة الي فاتت قاللنا وجدو رواحتيكم الخميس الجاي عرسي
علابالكم تشوكينا
قالنا كلشي واجد انتوما عليكم غير الشطيح هههههههههههههه
تعبنا بزاف بصح جاز هايل
اليوم رانا مع القضيان في دار شيخي
هربت قلت ندخل نطل على حباباتي الغاليات توحشتكم بزاف
بالاك اليوم العشسة ندخل و نقرا الارشيف
ان شاء الله تكونو كامل لاباس و نسمع عليكم كامل اخبار طيبة
تهلاو في رواحتيكم
لعشية و الا غدوة ان شاء الله
باي

[نور اليقين]

المشاركة الأصلية كتبت بواسطة oum abderaouf

انا تاااااااااااااااااني توحشتك خوله
مرحبا بيك بسومة
كاااش جديد؟
راني نخمم في غدوة ان شاء الله والفت الدار و الخدمة جات

ام عبد الرؤوف انت ماعندكيش عبد الرؤوف ربي يفرحك بعبد الرؤوف ومحمد واحمد وحميد وكل الاسامي اللي في خاطرك يارب