تجمع الجزائريات الغاليات المتأخرات في الحمل ‏

[بسمة روجينا]

المشاركة الأصلية كتبت بواسطة حياتي قمراتي

الحمد لله لاباس
اوكي دوك نحكيلك على ولادتي
انا ملي كنت فالشهر السادس فبدايتو تحل الكول و دايمن معايا الوجاع و لاطونسيوت تهبطلي
و مرة هكذا انا فالكوزينة مع العشي جوايه 6 طاختلي السقية و الوجع ماكانش بصح بداني في ظهري مع الطريق ايا 9 و نص كنت فسبيطار و القابلة طلبتني فالراديو تاع التاسع عطيتها غير السابع و انا كانت خبرتني الطبيبة ديالي بلي الطفلة التانية مراهيش نتخدة الوضعية الصحيحة بصح حبت تزيد تشوف بالاك سقمت روحها امالا زادت بعتتني مع الفرملية ندير راديو تما عندهم يا يما درتو و انا طالعة فالدرووج الوجع يقتل و انا فاشلة خلاص
ايه طلعتني للطابلة شافتني و كان الكول ديجا فاتح 6 و الوجع يجي يجي بالقوة و مبعد يبرد يروج خلاص و انا حاشاك من هديك الصالة للتواليت رايحة جاية تبانلي تحصرت و كي نخرج منلقى والو ... يجي السطر القاوي نروح عندهم ولدوني ولدوني ايا يشوفوني شوية و يعاودو يرجعوني يقولولي روحي دوري ,,,, يا يما الرحمة كي يخف السطر و يبرد طول يجيني النعاس عيني تجي تنعس و السطر يولي ايا و مبعد طلعتني للطابلة للمرة الاخيرة ايا ركبتلي السيروم و قالتلي اتكلي على ربي عاونيني و نعاونك ,, قلت بسم الله و خليتها على ربي ,, بدات تخلط تخلط و انا مع هداك الوجع ميمبا فقت بلي راهي تقطع فيا ,,,صح توجعت بصح و الله ماشي بزاف شغل متحسيش ثالمون الوجع,, المهم بدات تقولي ادفعي ادفي و انا معاها دفعت مليح مليح كنت قاوية مليح و قسما بالله انا نفع و ندعي لاخواتي كل وحدة باسمها ربي يرزقهم الحمل و الحمد لله دفعت حتى خرجت جنى حبيبتي
ايا هي خرجت و انا فشلت ,, قالتلي ارتاحي شوي دوك نرجع بعدها رجعت و قالتي ميلي على جنبك اليسار و عاودي ولي ,,, دارولي 2 حقن باه نتعاون رجعت بيهم دفعت شويا و الطفلة التانية جات برجليها ,, ايا دفعت شوية و زدت حبست و فشلت كااامل حتى ولات القابلة تعيط باعلى صوت زيدي زيدي وشبيكي الطفلة خنقتيها ,, علابالك هادي الهدرة مزالت في ودنيا ..علابالك هي قالت هكدا و انا هزيت روحي عصرت عصرت حتى خرجت العميرة رنا المهم خرجت و مبكاتش زادت خلعتني مي فطنوها الحمد لله
ايه داتهم لهيكا و خلاتني هكداك و كنت صايي بردت ,, يا يما على الخياطة يا يما مت مت علابالك
كملت كلش و جات عندي مبروك مادام و طلبت مني الاسماء
مسكينة هديكك القابلة هايلة يعني محبتش تقولي على الاسماء كما كنت نولد علابالها قادرة نخلط ههههه
جابتلي الاولى قالتي هيلك الاولى سميها قلتلها جنى و زيد لتانية رنا
ايه داوني طول فكرسي متحرك للغرفة و البنات مجابوهمليش طول داوهم للاكوافوز

الحمد لله والله لحمي تشوك وانا نقرا المهم صبرت وفي الاخير نلت الله يبارك زوج بنات ربي يحفظهوملك وربي يرزق لبنات كامل بالضنايا ولعقوبة ليا نولد انا تاني

[كميليا]

صباح الخيراخواتي ان شاء الله صبحتو لاباس والصحة تمام والمورال طالع علابالي نص نص هههه اسمحولي البارح ضربت طلة وهربت راسي كان يسطر والمبيض تاني مازال يوجع قريت فالارشيف
حياتي قمراتي مبروك على مرت سلفك لعقوبة ليناكامل
امة ياربي تكوني انت وصبورة بالحمل ياربي ياربي والله قلبي
روجينا ربي يصبرك على الضرسة ان شاءالله تكون حبست عليك
لا حضت انو 20 سنة نور يعني الما امومة اخت جميلة سمراء ام نهى عندهم مدة مادخلوش للتجمع ان شاء الله يكون المانع خير حياتي قمراتي علابالك مت بالخلعة وان نقرا كيفاه نفستي حتا ناضلي لوجاع المهم النهاية جميلة جنى ورنا ربي يخليهملك بوسيهملي تعيشي نموت على البيبيات الصغار.

[jiji belle]

صباح الخير حبيباتي
واش احوالكم؟ كيفاش صبحتو
ان شاء الله تكونو لاباس
ام نهى غايبة عندها بزاف ان شاء الله المانع خير

[كميليا]

جيجي صباح الفل لاباس عليك صحتك لاباس كيفاش الجو ثم حنا راها الشتاء الدنيا كالم

[jiji belle]

المشاركة الأصلية كتبت بواسطة كميليا

جيجي صباح الفل لاباس عليك صحتك لاباس كيفاش الجو ثم حنا راها الشتاء الدنيا كالم

صباح الخير كاميليالاباس الحمد لله و نتي؟
هنا الجو مليح ربييييييييييييع تاع تحواس

[بسمة روجينا]

صباح الخير لبنات

[كميليا]

جيجي هذاك ماخص التحواس والتقلاش وما شريار ماكاش ههههه روجينا صباح الورد واش صبحتي من ضرستك ؟

[بسمة روجينا]

المشاركة الأصلية كتبت بواسطة كميليا

جيجي هذاك ماخص التحواس والتقلاش وما شريار ماكاش ههههه روجينا صباح الورد واش صبحتي من ضرستك ؟

هههههه والله ضحكتيني كاميليا لوكان صبنا التحواس مانقولوش لالا
اما على ضرستي البارح خلاتني نرقد لاباس

[كميليا]

الكوناكسيون صدعتني منبعد ادا قدرت ندخل نرجع نتهلاو في رواحكم باي.

[حياتي قمراتي]

المشاركة الأصلية كتبت بواسطة بسمة روجينا

الحمد لله والله لحمي تشوك وانا نقرا المهم صبرت وفي الاخير نلت الله يبارك زوج بنات ربي يحفظهوملك وربي يرزق لبنات كامل بالضنايا ولعقوبة ليا نولد انا تاني

ايه الحمد لله انشاء الله بعد 4 شهور ياك تجي و تحكيلي قصة ولادتك ربي يعطيك وقفة ساهلة

المشاركة الأصلية كتبت بواسطة كميليا

صباح الخيراخواتي ان شاء الله صبحتو لاباس والصحة تمام والمورال طالع علابالي نص نص هههه اسمحولي البارح ضربت طلة وهربت راسي كان يسطر والمبيض تاني مازال يوجع قريت فالارشيف
حياتي قمراتي مبروك على مرت سلفك لعقوبة ليناكامل
امة ياربي تكوني انت وصبورة بالحمل ياربي ياربي والله قلبي
روجينا ربي يصبرك على الضرسة ان شاءالله تكون حبست عليك
لا حضت انو 20 سنة نور يعني الما امومة اخت جميلة سمراء ام نهى عندهم مدة مادخلوش للتجمع ان شاء الله يكون المانع خير حياتي قمراتي علابالك مت بالخلعة وان نقرا كيفاه نفستي حتا ناضلي لوجاع المهم النهاية جميلة جنى ورنا ربي يخليهملك بوسيهملي تعيشي نموت على البيبيات الصغار.

اهلا حبيبتي الله يعيشك راهم وصلو البوسات و ربي يرزقك انتي و قاع بنات التجمع و انشاء الله فالقريب تدخلو تحكولنا قصة ولادتكم ,, امين يا رب يا حنين يا كريم

المشاركة الأصلية كتبت بواسطة jiji belle

صباح الخير حبيباتي
واش احوالكم؟ كيفاش صبحتو
ان شاء الله تكونو لاباس
ام نهى غايبة عندها بزاف ان شاء الله المانع خير

صباح الخير جيجي صبحت مع الميناج و البنات هذا وين كملت
ملي نضت على 6 مع راجلي مارجعتش نرقد طول بديت فالغدا و المسيح قبل ما ينوضو بناتي و بنات سلفي و سقمت الدار وجدت البيتة لي تتنفس فيها مرت سلفي راهي اليوم تخرج نشاء الله .. ما جيت نكمل كانو بناتي ناضو بدلتلهم و رضعتهم و الحمد لله حطيتهم كملوها ساكتين معذبونيش , ايا ثواني و بداو ينوضو بنات سلفي ههههه صح طولت معاهم بصح و الله غير نعمة نغسلهم و نبدلهم و مبعد نزيد نمشطلهم شعراتهم يا عملللي

المشاركة الأصلية كتبت بواسطة بسمة روجينا

صباح الخير لبنات