تجمع الجزائريات الغاليات المتأخرات في الحمل ‏

[أمة الرحمان السلفية]

وصفة للحمل جربوها ونجحت معاهم

والله العظيم هذه الوصفة غير جلابتها بنت خالت راجلي ونجحت معاها وراهي عندها 7شهور وعندها خمس سنين ما حملت وزوجت خوها 3 سنين اقسم بالله اني ما نكتب حاجة الا نكون متاكدة منها ودورك راهي تعمل فيها زوجة عمي ومازال مابان ولو زيد انو غير مكلفة ولا ضارة
طولت المهم نبداو على بركة الله
كاس عسل حر
كاس ماء المطر الي ينزل من السما مباشرة
كاس لبا يعني حليب الاول تاع البقرة هذاك الي يجي كيما الماء كيما المراة كي تولد يخرج منها بعني الاول تاع البقرة وإذا ماوجتوش لبا ديرو الحليب تاعها اي تاع البقرة لاخطارش بنت خالتو استعملت حليب ونجحت معاها بصح الي توجد لبا من الاحسن تستعملو
خلطي الكل مع بعض تمديهم لوحدة كبيبرة مثل يماك ولا عجوزتك تخلطهم للبركة
تبعي معايا مليح
كي يتخلطو يوم الي تنظفي من العادة الشهرية بقاي يومين وبدايها عبري بفنجان تاع اتاي
ذيك الخلطة اشربي نص منها واعطي راجلك يشرب النص ثاني طيلة ايام التبويض حتى تنتهي ايام التبويض واذا جات العادة كرريها ورانا في الشتا يعني مطر راهو كاين جربوها اذا مانفعت ما تضر والله المستعان والله صدقوني عن تجربة

[كميليا]

المشاركة الأصلية كتبت بواسطة صبورة

كاميليا تعيشي قوليلي الطبيب انتاع عين ازال مختص في طب النساء والتوليد او مختص في العقم...على خاطر عين ازال نقدر نروح ليها..و الف مبروك على سلفتك لعقوبة ليك..كيفاش كانت رحتها بعد 7 سنين...على بالك القصص هادو انتاع الحمل اللي نسمع بهم حملوا ديما يقولوا داوينا عند الطبيب الفلاني ..الرجال متمكنين في هذا المجال اكثر من النساء حقيقة..

اختي صبورة اسمو دكتور سعد مختص في امراض النساء والتوليدبالنسبة لسلفتي طبيب ماخلاتو لتروح عندو واحد قلهاكيس دارت عملية نحاتو منبعد منشطات ودوفاستون هاكي تعرفي كرهت حبست العلاج خلاص ثم راحت للطبيبة في باتنة خلعتها مسكينة قالتلها كيس لازم تنحيه قلنالهابدلي الطبيب وشوفي راحت عندسعد هادا قلها ماعندك والو عطالها تراتمو قتلك شهرين هزت.

[صبورة]

جيجي
ايه راني مانيش بعيدة عليكم..و عين ولمان راحلها راجلي قالي فيها الشواء بزاف..قالي كاش نهار نديك تذوقي الشوا انتاعهم بنين

[صبورة]

المشاركة الأصلية كتبت بواسطة bara

راني اليوم شفت الارشيف زين حبيبتي ولله قلت لزوجي عليه قالي الرجال متروحيلهمش متاكدة ميقلبش المراءة من تحت خاطر زوجي هذا سبب لمانعو من دكاتر

bara
شوفي هو المبدا انتاعوا ما يقلبش المراة من تحت روحي على ضمانتي..هو محترم و حاج بيت ربي..و النساء طايحين عليه ماعندكش وين توقفي..يجيوه النساء الحوامل يديرلهم ايكو بصح مايقلبهمش من تحت يبعثهم عند الطبيبة..وانا رايي الرجال الاطباء متفوقين احسن من النساء في علاج العقم ..وانا رحت عند اكثر من طبيب ولا واحد قلبني من تحت يهمهم الاشعة والتحاليل و الايكو..اخر طبيب رحت لعندوا كان في خنشلة هو سوري يخدم في العيادة الكبرى الخاصة مزداوات..رحت لعندوا اكثر من 3 مرات ولا مرة قلبني من تحت يركز على الاشعة والتحاليل..و المراة اللي يقلبوها من تحت اللي عندها الالتهاب او بالحمل و هاديك تروح من الاحسن عند الطبيبة تفهمها...

[أمة الرحمان السلفية]

وصفة الحمل اللي نجحت معايا

اخواتي بعد عام و نصف انا بالحمل انشالله ربي يتمم بخير المهم تناولت عدة ادوية و عملت إبر تفجيرية بدون جدوى و عملت تحاليل و طلع عندي نسبة البرولاكتين كبيرة و يأست إلا ان جربت و صفة عجوز قاتلي عليها و هي
* الخزامى
* الزعتر
* الشهيبة
* النعناع العادي اليابس
* الخنجلان
* ازير الجبل
بكميات متساوية ***كأس ليموناد لكل وحدة
و مين تجيك الدورة الشهرية تبداي كل ليلة تغلي لمدة 3 الى 4 دقائق كمية منهم في الماء قيس ما تشربي
تخليها تدفا و تصفيها زيديها شوية سكر و شربي منها فالليل قبل النوم و في الصباح اللي تبقا .....تواصلي حتي اللي من بعد ما تتنقي بخمس أيام ..و ربي يفرحكم

[bara]

المشاركة الأصلية كتبت بواسطة صبورة

baraروحي على ضمانتي و ما تخافيش. .طبيب كي اللويز محترم وحاج بيت ربي. .و قاري فالخارج ومنين داك يروح للخارج يقرى. .النساء طايحيين عليه غاشي كبير ماعندكش وين تقعدي. .حتى انا راجلي مايحبش الطبيب اللي يقلب من تحت. .و زيد اي طبيب تعالجي عندوا مايقلبش من تحت الا في حالة التهابات وهذا يرجع للمريضة اذا تقبل او لا. .انا رحت في خنشلة عند طبيب سوري يخدم في العيادة الكبرى مزداوات. .رحت عندوا اكثر من3مرات و لا مرة قالي نقلبك من تحت. .على خاطر يهمهم الاشعة والنحاليل. .ماعندهم علاه يقلبوا المراة من تحت. ..و الطبيب بن عجيلة يجيوه النساء الحوامل يديرلهم ايكو بصح مايقلبهمش من تحت. .يبعثهم للقابلة او الطبيبة اللي يتعامل معاها. .روحي لعندوا والله ما تندمي. ..

انشاء الله حبيبتي لاني انا كنت حابى اغير دكتورة
صبورة انت من اي ولاية

[أمة الرحمان السلفية]

تجربت صديقتي يعد 3سنوات انتضار ادخلو......

سلام عليكم اخواتي عندي صديقتي عندها 3سنوات اوهي من طبيب لي اخر ......وفي الاخير وجدت عجوز اعطت لها وصفة وهي الان حامل الحمد لله لعقوبال لكل محرومة يارب لم اطيل عليكم الوصفة وهي ....................عشبة هي مريوت تشدي حزمة صغيرة تهرسيها وظعيها في المقلات مع 3ملاعق زيت الزيتون خليهم واحد 5 دقائق يطبخو بعدها خلوها تدفي وحطيها في قطعة قماش تكون نقية خطي الخليط فيه وظعيها في فرج ونامي بيها كل يوم مدة 5 ايام وتبداي ديريها في اليوم الاخير من الدورة الشهرية احسبي 5 ايام او حبسي وانتضر ان شاء الله فيها خير يارب ولي تحمل بيها تدعلي وتخبرني انا تاني رني ريح نجربها ونردلكم لخبر يلربي انشاء الله لي تجربها تحمل ي رحمان.....اعذروني علي الكتابة

[صبورة]

المشاركة الأصلية كتبت بواسطة كميليا

اختي صبورة اسمو دكتور سعد مختص في امراض النساء والتوليدبالنسبة لسلفتي طبيب ماخلاتو لتروح عندو واحد قلهاكيس دارت عملية نحاتو منبعد منشطات ودوفاستون هاكي تعرفي كرهت حبست العلاج خلاص ثم راحت للطبيبة في باتنة خلعتها مسكينة قالتلها كيس لازم تنحيه قلنالهابدلي الطبيب وشوفي راحت عندسعد هادا قلها ماعندك والو عطالها تراتمو قتلك شهرين هزت.

كميليا
سبحان الله ربي جاب الشفاء على يديه..العقوبة ليك حنونة..

[أمة الرحمان السلفية]

درجة حموضة المهبل وعلاقتها بتأخر الحمل
____________
توجد عده معلومات فى هذا الشان يجب الالمام بها
_________________
المعلومة الأولى:السائل المفرز من غدة البروستات:
وهو يفرز عند العملية الجنسية ووظيفتة هي:

1-يخفف من حموضة المهبل عند المرأة وهي الحموضة التي تعيق حياة الأمشاج المنوية للرجل.
2-تغذية الأمشاج المنوية للرجل وإمدادها بالطاقة التي تساعد على حركة الأمشاج للوصول إلى مكان تواجد البويضة في رحم المرأة.
______________
المعلومة الثانية:سرعة الحوين المنوي :
إن سرعة الحوين المنوي حوالي 25 ماكرون في الثانية (حوالى 1 مم فى الدقيقة).
ويصل أنابيب فالوب خلال ساعتين. وتعتمد السرعة على:
1-نسبة حموضة المهبل.
2-وجود التهابات من عدمها.
3-التشوهات الخلقية.
4-ميلان المهبل.
وقد وجد أن السرعة تزداد في الوسط القلوي للمهبل، لذلك يُنصح أحياناً بعمل دوش مهبلي ببيكربونات الصوديوم او الصودا والذي يعطي وسطاً قلوياً قبل الجماع.
__________________
المعلومة الثالثة:حموضة المهبل:
تعمل حموضة المهبل على القضاء على الجراثيم وإضعافها، وهذه الحموضة تأتي بسبب وجود الهرمونات الأنثوية.
وحمضية افرازات المهبل تتأثر بوجود البكتيريا اللبنية ( صديقة المهبل ) والتى تفرز حامض اللبنيك الذى يمنع نمو أى أنواع ضارة من البكتيريا وبالتالى يمنع دخول أى بكتيريا ضارة الى المهبل ومنه الى بقية الجهاز التناسلى مسببة الالتهابات
وتنخفض الحموضة المهبلية في بعض الأحيان لأسباب متعددة منها اختلاف الهرمونات كما هو الحال أثناء الدورة الشهرية أو أثناء الحمل .
وزيادة حموضة المهبل تسبب رفض المهبل للحيوانات المنوية وإعاقتها وبالتالي عدم حدوث الحمل،
وتسبب أيضآ هذه الزيادة في نمو البكتيريا وحدوث الإلتهابات المهبلية.
__________________

وللأسف فهناك بعض السيدات يمارسن تطبيقات خاطئة بهذا الشأن وهنا نحذر من بودرة بيكاربونات الصودا الموجوده في السوبر ماركت أو الصيدليه بهدف عمل دوش
مهبلي قبل الجماع من أجل تحويل وسط المهبل من حمضي إلى قلوي

وأقول هنا أن الموضوع لا يصلح لكل السيدات وفيه محاذير وهي:
__________________
1-لا يجب الإكثار من غسيل المهبل بغسول قلوي أو حمضي لأنه يسبب الإلتهابات المهبلية.
2-لايجب على كل زوجة إستخدام بيكربونات الصودا أو الصوديوم طالما أن حموضة المهبل في درجنها الطبيعية.
3-عند عدم حدوث الحمل لزواج دام عليه أكثر من سنة يجب مراجعة الطبيب لكشف السبب وليس دائمآ حموضة المهبل الزائدة هي السبب.
4-إستخدام هذه الوصفة لها اصول ومقادير محددة وتستخدم فقط إذا كانت حموضة المهبل زائدة والطبيب وحده قادر على تحديد ذلك.

الخلاصه لاينصح اي سيدة بإستخدام هذه الطريقة طالما ان الزوجة سليمة وغير مصابة بأي خلل في الإفرازات المهلبية والناتجة عن أسباب كثيرة تؤدي إلى حدوث خلل في حموضة المهبل.
والأفضل هو التشخيص الكامل لمعرفة السبب المباشر المانع للحمل

يا وهاب هب لى من لدنك ذريه طيبه انك سميع الدعاء
اللهم لاتذرنى فردا وانت خير الوراثين
يا رزاق ارزقنى ورزق كل محروومه بطفل سليم وصحيح

[صبورة]

امة الرحمان
الوصفة انتاع العسل وماء المطر و حليب البقر.وانت قلت اللبا
سمعتها الشيخ محمد حسان انصح بها المتاخرين فالحمل..
بارا
حبيبتي انا من البليدة وسكنت في الغرب و الصحرا و الشرق مع راجلي على حساب خدمتوا كل مرة وين..