تجمع الجزائريات الغاليات المتأخرات في الحمل ‏

[أمة الرحمان السلفية]

قوالب السلق بالدجاج

السلام عليكم ورحمة الله وبركاته

اهلا وسهلا بزوار مدونتي البسيطة

طبق اليوم مكونه الاساسي سلق ودجاج

اتفضلوا المقادير والطريقة وان شاءالله تجربوه وينال رضاكم

كمية من اوراق السلق نقطعها ونفورها او نغليها

قطعتين صدر دجاج كبيرتين

بعد ما نفور السلق نطحنه او نقطعه رقيق

من جهة اخرى نقطع قطع دجاج مربعات والباقي نرحيه

نضيف لكل من الدجاج والسلق الملح الثوم الفلفل الاسود والتوابل اللي تحبوها والبيض

نضيف شوية خبز مرحي للدجاج

ندهن القوالب بالمرغرين

نفرش الدجاج المرحي

نضع خليط السلق والى الفرن

منجهة اخرى نحضر الصوص

بصل وثوم مرحيين وشوية زيت ونقلي

نضيف الدجاج والزيتون الاخضر وورقة رند

نتبل ونقلي قم نمرق ونخلي الصوص تطيب حتى تعقد

يقدم الطبق بهذه الطريقة وبالصحة والهناء

تحية للجميع

[أمة الرحمان السلفية]

المشاركة الأصلية كتبت بواسطة asma layal

اهلا سمراء اختي لاباس

امة يعطيك الصحة على المأكولات

الله يسلمك حنونة شوفي هذ اطباق عجبوني راني نظل نخلط ونطبع لزوجي وجارتي لاخطرش انا مانكلش الحاجة الي طاب فيها اللحم وجاج والله غير نغيض ربي يشفيني

[أمة الرحمان السلفية]

رووووولي مالح

السلام عليكم ورحمة الله وبركاته
هذا رولي مالح لذيذ جداا من مطبخي وينفع كمقبل للضيوف
انا ماكنش عندي لحم مرحي استعملت اسكالوب رحيته وتبلته مليح وطيبته

ملعقة كبيرة بصل +ثوم + زيت + طماطم حب ومصبرة وهريسة + فلفل حار مقطع + دبشة وملح وفلفل اسود وكمون وجوزة الطيب على نار هادية اكيد مع السكالوب المرحي حتى طاب ونشف مليح

جهزي زيتون اخضر مقطع دوائر +وريقات دبشة + فرماج في كيس مثقوب للتزييين

اخفقي ثلاث بيضات + ملعقة قهوة فرينة + قبضة خميرة كيميائية +ملح فلفل اسود جوزة الطيب ودبشة مقطعة رقيق
سخني مقلاة تيفال او شواية وادهنيها بالزيت ونقصي النار واسكبي خليط البيض بمجرد ما ينشف ضعي الفرماج ثم اللحم ثم الفرماج ولفي

حطيه في صحن اقسميه كيما الرولي وزيني بالفرماج ودوائر الزيتون ووريقات الدبشة

شهية طيبة

[أمة الرحمان السلفية]

السلام عليكم ورحمة الله وبركاته

اقدم لكم اليوم مشاركتي البسيطة واتمنى ان تنال اعجابكم وان تستفيدوا منها وقد تعمدت ان اجعلها بسيطة لتكون في متناول الجميع ويسهل على المبتدئات تطبيقها
فطبقي اليوم طبق بسيط وعملي
بدون اطالة اترككم مع المقادير والطريقة
على بركة الله نبدا

نغسل الارز جيدا من الاتربة والنشاء حتى يصبح ماؤه صافي ونغليه في ماء وملح نص طياب فقط وننزعه ونضعه تحت ماء غزير للتخلص من النشاء
نقطره جيداا ثم نرجعه للكسكاس ونفوره حتى يكتمل نضجه
انا هنا نصف كمية الارز غليتها في ماء مع اضافة الكركم والباقي ابيض

ناتي للحشو
راح يكون مختلف ولذيذ جداا
نحتاج الى حبة بطاطا وحبة جريوات نقطعهم رقيق هكذا
حبة طماطم مرحية وشوية هريسة وثوم وملح وفلفل اسود وعلبة تونة طماطم و رند

في مقلاة نحط شوية زيت ونذبل البطاطا مع الجريوات ثم نضيف الطماطم والثوم والهريسة والرند والملح والفلفل الاسود

ونخليهم على نار هاديةو حتى ينضجوا يمكنك اضافة القليل من الماء
وفي الاخير نضيف علبة التون ونطفي النار

الحشو صار جاهز لذيذ جداا

الان ناتي الى الصلصة بكريات الارز والدجاج المحشية بالجبن

نحتاج قطعة دجاج صدر منزوع العظم + ارز حوالي نص كاس طايب + بيضة وملعقتين فرينة ملح وثوم وفلفل اسود وكسبر

نرحيهم مليح في الروبو ثم نبلل ايدنا بالماء ونكورهم ونحشيهم جبن

نخليهم يرتاحوا شوية في الثلاجة ثم نعدلهم ونرميهم مباشرة في المرق بعد ما يغلي
المرق نحط فيه عظام الدجاج بصل وثوم وزيت وفلفل حار ورند وملح وفلفل اسود وكسبر وطماطم مصبرة

كريات الدجاج مش محتاجة ترمديها في الفرينة وتقليهم ارميها مباشرة راح تتماسك وتجي طعمها رااائع لاحظوا لونها الابيض

نخلي المرق يغلي على نار هادئة مع اضافة كمشة زيتون اخضر حتى تعقد نوعا ما

*******

من جهة اخرى نحضر اكواب الارز والدجاج ومكوناته تشبه مكونات الكاشير وطريقة الاكواب افادتنا بها الاختين توتة وام راضية الله يذكرهم بالخير
اخذت الفكرة وطورتها نوعا ما

الموكنات هنا
صدر دجاج + 3 بيضات + 3 ملاعق كبيرة فرينة +3 فرماجات + + ملاعق كبيرة ارز طايب + ثوم وملح وفلفل اسود ونرحي كلش في الروبو

نتحصل على هذا الخليط نضيف له الزيتون والفلفل الحار مقطعين

نقسم الخليط الى قسمين قسم نضيف له الكركم والقسم الاخر نضيف له الفلفل الاحمر الحار والهريسة

نضع الخليط الاول ثم الزيتون كما توضح الصورة ثم الخليط الثاني والى الكسكاس يفور حتى يطيب

الان نجي لمرحلة التقديم
كتزيين استعملت جزر مسلقوق قطعته على شكل وردات وفلفل حلو على شكل ورقات
الصور توضح

نضع التزيين

ثم طبقة من الارز بعد ما يفور نضيفوله قطعة زبدة والملح اكيد

وفوق الارز ملعقة كبيرة من الحشو ثم الارز ونقلب القالب

يقدم الطبق مع الصلصة والحشو حتى يصبح الطبق كامل متكامل يحوي على الارز اللي هو نشويات معاه التون والدجاج بروتينات والخضر بطاطا وجزر وجريوات
صحي ولذيذ

نجي لطريقة تقديم اخرى

نسلق بيضة ونقسمها على اثنين ونضعها في القالب

ثم نضع الارز الاصفر اللي طايب في الكركم والملح وفيه شوية زبدة اكيد

ثم الحشو ثم الجلبانة على الحواف ثم نغلق بالارز الابيض ونقلب القالب

بالنسبة لكوب الارز بالدجاج يمكن تقديمه هكذا مقطع بالطول او بالعرض مثل الكاشير

اتمنى يكون طبقي عجبكم واخذتم منه ولو فكرة بسيطة

[ASMA layal]

ربي يشافيك حنونة

[أم نهى الجزائرية]

تعيشي امة حنونة على هاد لي غوسات و على لغدا الي يحمر الوجه تاع الصح بالصح و الله غير سخفتيني انا اليوم درت غير الحبوب جلبانة مكسرة راكي علابالك اليوم الجو عندنا بارد و الغبار مداير حالة بلاك حتى ما نروحش نقري


على بالك انا نشوف و نبلع في ريقي من السخفة نموت على لي بلاالمالحين تاع لي غراتان و التخلاط و الله غير كرهت من المراقي و الكوكوت و القدرة ديما

[سهام فرنسا]

هدى يعطيك الصحة حنونة على التوقيع ربي يفرحك إن شاء الله
أمة الرحمانو الله غير عجبوني الأطباق لي درتيهم رووووووووووووووعة و عطيتيلي أفكار و راني ناوية غدوة ندير تاع الزيتون بالسلق الاول هذاك عجبني بزااااااااف حابة نبدلو شوي يعطيك الصحة
بسومة يسقسي عليك الخير و الله الحمد لله لاباس وعلى البرد اليوم الحمد لله مليح الجو و انا راني من الصباح و انا في الكوزينة نخبي في لماعن تاع البارح
أسما لاباس و على بسومة و الله لاخبر بصح ضك راني نستنى في راجلي يعيطلي غير يكوبي نعيطلها و نطمنكم إن شاء الله

[أمة الرحمان السلفية]

حليب كنديا نتاع جربتو روعة عجب زوجي وجارتي لبنات جربوه يخرج كيما كنديا شوكو ليتباع

حليب الشكولاطة

السلام عليكم ورحمة الله وبركاته
اولادي يحبوا بزاااف حليب كنديا نتاع الشكولا قلت في نفسي نجرب نحضره في البيت بمكونات بسيطة جات في بالي المهم جربته وجاني راااائع واحسن من كنديا
نخليكم مع الطريقة البسيطة والسهلة
نحتاج 2لتر حليب + علبة شكولا + علبة فلان ذوق شكولا + ملعقة كبيرة كاكاو + نصف كاس سكر للتحليةاو اكثر حسب الذوق

اولا نفيض الحليب ونقسمه الى جزئين
الجزء الاول نخليه ساخن ونضيف له الشكولا والكاكاو والسكر ونخلط مليح مليح

الجزء الثاني نخليه حتى يبرد ونضيف له علبة الفلان ونحرك

نخلط المزيجين مع بعض

ونصفيه ونحطه في الثلاجة يبرد

قبل التقديم يخلط جيداا وراح تلاحظوا انه يخثار بفعل الفلان

شهية طيبة

[bassouma]

أمة يعطيك صحة على ليغوسات باينين بلي يجو شابين إنتي جربتيهم

[أمة الرحمان السلفية]

ميـني تـارت

السلام عليكم ورحمة الله وبركاته

مرحبا بالجميع

اهلا وسهلا بكل من زار مدونتي

اتمنى تنال رضاكم وصفاتي البسيطة

اليوم راح نغيروا شكل الجينواز من الحجم الكبير الى احجام صغيرة ونتحصلوا على تورتات صغيرات بدل واحدة كبيرة

على بركة الله نبدا

المقادير

6 بيضات

كاس فرينة ونص كاس نشاء وكيس خميرة ننخلبهم مع بعض

كاس سكر

فنجان صغير زيت

نخفق البياض مع نص كمية السكر

ونخفق الصفار مع النص الثاني للسكر ثم نضيف الزيت والفاني ونواصل الخفق

واخيرا نضيف النواشف اللي هي الفرينة والنشاء والخميرة لخليط الصفار ونخلط برفق ثم نضيف البياض المخفوق ونخلط من اسفق الى اعلى

هاذه القوالب الصغيرة مصنوعة من الالمنيوم

نفرغ الخليط في القوالب

والى الفرن حتى تنضج

في هذه الاثناء نطلع كريم شانتي 100غ غبرة الشانتي مع كاس فانتا فراولة ومعطر الفراولة

نتحصل على كريم شانتي بذوق الفراولة لذيذة جداا

هنا بعد ما نضجت

نفتح وسطها بسكين ونحط شوية سوبر كريم

او مربى

ثم الكريم شانتي

ونغلق هكذا

ونزين بالكريم شانتي والسوبر كريم في الوسط

وتقدم بالصحة والهناء