تجمع الجزائريات الغاليات المتأخرات في الحمل ‏

[أمة الرحمان السلفية]

مادلان الفراشة احلى مادلان تقدميه لضيوفك
السلام عليكم

كيف حالكم اخواتي ان شاء الله راكم كامل بخير

اليوم جبتلكم مادلان هش وخفيف وشكله راااائع يحمر الوجه قدام الضياف

http://إضغط هنا لرؤية الصورة بحجمها الطبيعي.

المقادير:
4 بيضات حجم متوسط
250غ سكر احرش
120مل حليب
150مل زيت
300غ فرينة
1خميرة
فاني
للتزيين
كريم شانتيي
سكر رطب
معجون الفراز

الطريقة:
اولا نشعل الفرن على170درجة

بواسطة الخلاط الكهربائي نخلط البيض مع السكر والفاني جيدا
نغربل الفرينة والخميرة ونضيفها للخليط ونحرك بالملعقة ثم نضيف الحليب والزيت ونحرك
ناخذ القالب الخاص بالمادلان ونحط داخله ليكيسات الخاصة بالمادلان

http://إضغط هنا لرؤية الصورة بحجمها الطبيعي.

نحط كمية من الخليط داخل ليكيسات حوالي ثلاثة ارباع

http://إضغط هنا لرؤية الصورة بحجمها الطبيعي.

ندخله للفرن يطيب من الاسفل من بعد نشعل عليه من فوق حتى يتحمر
هذا شكله بعد ما طاب


http://إضغط هنا لرؤية الصورة بحجمها الطبيعي.

نخليه يبرد تماما
في هذا الوقت نحضر الكريم شانتيي
ناخذ120غ كريم شانتيي غبرة+شوية سكر رطب مانكثروش لان من بعد راح نرش الحلوى بالسكر+شوية فاني+ماء او حليب يكون بااااارد حوالي 250مل نضيفه بالشوية ونخلط بالباتور جيدا
بعد ماتطلع الكريم شانتيي نحتفظ بها في الثلاجة

ناخذ سكين نقطع الجهة العلوية من المادلان

http://إضغط هنا لرؤية الصورة بحجمها الطبيعي.

شوفو الثقوب من الداخل هذا يدل على ان خفيف وهش

نحط الكريم شانتيي في كيس الحلواني ونملأ الفراغ

http://إضغط هنا لرؤية الصورة بحجمها الطبيعي.

ناخذا الدوائر لي قطعنا قبل ونقسم كل واحدة على اثنان و نحطها فوق لاكرام بهذا الشكل

http://إضغط هنا لرؤية الصورة بحجمها الطبيعي.

نرش شوية سكر رطب من فوق

http://إضغط هنا لرؤية الصورة بحجمها الطبيعي.

وفوق لاكرام نحط شوية من معجون الفراز ونقدمه

http://إضغط هنا لرؤية الصورة بحجمها الطبيعي.

http://إضغط هنا لرؤية الصورة بحجمها الطبيعي.

[المتغربة]

المشاركة الأصلية كتبت بواسطة سهام فرنسا

السلام عليكم
صباح الخير عليكم

أهلا سهام شنيا أحوالك ومنيرة ونهي عندي برشا ما شفتهاش و البنات الي ما نعرفكمش انشالله معرفة طيبة

[سمراء]

المشاركة الأصلية كتبت بواسطة أمة الرحمان السلفية

السلام عليكم
اهلا البنات كيفاش راكم
سهام حنونة انا مانحبش المسكوتشو بصح حبيت نقترح عليك ديري هذو انا مجربتهم وجو روعة
كيكة بالدانيت
كيكة الطبقات راااائعة
مادلان الفراشة

وعليكم السلام ورحمة الله وبركاته واش حبيبتي الغالية حتى أنا ضيافي ندلهم غير كييك عدي مول كبير بزاف تخيلي عزوجتي فلعياد تعيطلي تقلي دريلي كييك تاعك يعجبها بزاف يخرجلي هايل كاش جديد عدك أنا كت ليوم رايحه رقي ياك ماله زاد أجلي لموعد حتال الثلاثاء معرفتش علاه كعول على رقية تبدا تتعرقل ربي يجيب ساعة الخير يااااااااااارب

[bassouma]

سهام هذا بسكوي شباب بزاف أنا كامل لي ندرهلهم يحبوه
مقادير :
5 بيض + كأس زيت + كأس سكر + كأس حليب + نصف كأس كاكاو (شكولاطة مرة) + 1 ياغورت فاني + 2 صاشي لفير (خميرة الحلويات) + فرينة. لتزين شكولاطة + سكر عادي + فارميسال شكولا
ـ في إيناء ديري 3 حبات بيض + 2 صفار و (2 بياض تخلهم في إيناء أخر) و تضربيهم و ضيفي مكونات سكر + زيت + حليب + ياغورت + كاكاو + خميرة حلوة + فرينة حسب حاجة بصح متقليهاش بزاف و عمليها في بلا متوسط حجم و لكان ضياف بزاف ضاعفي مكونات و ديريها في فرن.
حكمي 2 بياض لي خليتهم طلعيهم مثل ثلج بالباتور و ظيفيلهم سكر عادي حتى تصبح كريمة و كي طيب خرجيه من فرن و طليه بالكريمة بياض كامل سطح و رديه في فرن يكون مازاله سخون و خليه 3 دقائق حسب حرارة الفرن (فرن يكون طافي) و كي توشي بياض يون نشف و تكوني حذرتي شكولاطة ذوبيها في حمام مائي و طليه فوق سطح كريمة البيضاء و رشيه بالفاميسال و كي يبرد شوية قطعيه مربعات و ديريهم في ليكيسات و يقعد يبان من تحت شوكولا و في وسط أبيض و من فوق شوكولا و شهية طيبة و إن شاء الله تنجحي فيها

[أمة الرحمان السلفية]

هذ عندي يومين ملي درتو عجب زوجي وجارتي بزاف
باتيسري

باتيسري جديد بالفلان والموز

السلام عليكم ورحمة الله وبركاته
اليوم درت هذا الباتيسري وجبتلكم الطريقة لانه فعلا يستحق التجربة شكل وبنة ويحمر الوجه





والصينية اللي استعملتها 24 على 31 سم تتحصلي على 12 حبة

مقادير كعكة الجينواز
3بيض مفصولين ولكل بيضة دائما نحسب ملعقتين سكر وملعقة كبيرة زيت وملعقة كبيرة نشاء واخرى فرينة مع قبضة خميرة كيميائية
نخفق البياض مع نصف كمية السكر والصفار مع النصف الاخر من السكر ثم نضيف الزيت او مرغرين طرية حتى نتحصل على خليط يشبه كريمة الزبدة
نمزج بملعقة الخليطين مع اضافة الفرينة والنشاء والخميرة منخولين وعلى دفعات
ندهن صينية بالمرغرين ونرش عليها الفرينة نسكب الخليط ..الى الفرن

نسقيه بملعقتين مربى مخلوطين مع ملعقتين عصير برتقال

نقطع الموز شرائح ونرصهم فوق الكيكة

نحضر طبقة الفلان :
في طاوة نضع 3 كاس عصير برتقال + 1 فلان نوارة فاني + 5ملاعق سكر ...حسب الرغبة ...+ 3 ملاعق نشاء + فاني ونخلط جيدا ثم نضعه على النار لما يبدا يغلي ننزعه نصفيه ونسكبه فوق الكيك

ندخلها الثلاجة تبرد
نحضر الكرام شانتيي والفواكه المراد التزيين بها انا استعملت الكيوي والبرتقال
نخرج الكيكة من الثلاجة لاحظو طبقة الفلان شفافة وهي مثل الجولي

نقسمها مربعات قد حبة قلب اللوز بواسطة ساطور وبحذر
نزينها بالكريمة والفواكه
واليكن كل واحدة كيف زينتها

[أمة الرحمان السلفية]

باتيسري بسيط ولذيذ

السلام عليكم ورحمة الله وبركاته

ايكم طريقة بسيطة لتحضير الباتيسري في البيت

المقادير

كاس الا ربع فرينة ونشاء مخلوطين مع بعض مع قبضة خميرة كيميائية
نصف كاس سكر عادي
4 بيضات مفصولين الصفار عن البياض
4 ملاعق كبيرة زيت
ضربي بياض البيض مع نصف كمية السكر حتى تتحصلي على ميرانغ
ضربي صفار البيض مع الباقي من السكر حتى يتكاثف الخليط ويبيض ثم اضيفي الزيت وضربي
اخلطي البياض مع الصفار برفق من الاسفل الى الاعلى ثم اضيفي خليط الفرينة والنشاء والخميرة بالتدريج على اربع مراحل كل مرة حطي شوية في الصفاية وانخليها فوق الخليط
ادهني صينية فرن 30 على 34 سم بالمرغرين ورشيها بالفرينة ثم انفضي الفرينة الفائضة
اسكبي الخليط ومباشرة للفرن المسخن مسبقا على درجة حرارة 180
عندما ينضج قطعيه وهو داخل الصينية وانزعي الحبات

باقي الفتات ارجعيه للفرن ينشف شوية ثم ارحيه

شربي القطع بالمربى المخفف بعصير برتقال

الصقي كل اثنين بكريم شانتي

ادهني الحواف بالشانتي ومرريها في الفتات المرحي

زيني من فوق بالشانتي وفي الوسط مربى

[الشاكرة -لله]

السلام و عليكم
وشراكم

[بسمة روجينا]

المشاركة الأصلية كتبت بواسطة 20 سنة انتظار

السلام و عليكم
وشراكم

وعليكم السلام واش كاش اضراب اليوم
ايه حقا واش اليوم من لا قريب

[نور اليقين]

المشاركة الأصلية كتبت بواسطة bassouma

سهام هذا بسكوي شباب بزاف أنا كامل لي ندرهلهم يحبوه
مقادير :
5 بيض + كأس زيت + كأس سكر + كأس حليب + نصف كأس كاكاو (شكولاطة مرة) + 1 ياغورت فاني + 2 صاشي لفير (خميرة الحلويات) + فرينة. لتزين شكولاطة + سكر عادي + فارميسال شكولا
ـ في إيناء ديري 3 حبات بيض + 2 صفار و (2 بياض تخلهم في إيناء أخر) و تضربيهم و ضيفي مكونات سكر + زيت + حليب + ياغورت + كاكاو + خميرة حلوة + فرينة حسب حاجة بصح متقليهاش بزاف و عمليها في بلا متوسط حجم و لكان ضياف بزاف ضاعفي مكونات و ديريها في فرن.
حكمي 2 بياض لي خليتهم طلعيهم مثل ثلج بالباتور و ظيفيلهم سكر عادي حتى تصبح كريمة و كي طيب خرجيه من فرن و طليه بالكريمة بياض كامل سطح و رديه في فرن يكون مازاله سخون و خليه 3 دقائق حسب حرارة الفرن (فرن يكون طافي) و كي توشي بياض يون نشف و تكوني حذرتي شكولاطة ذوبيها في حمام مائي و طليه فوق سطح كريمة البيضاء و رشيه بالفاميسال و كي يبرد شوية قطعيه مربعات و ديريهم في ليكيسات و يقعد يبان من تحت شوكولا و في وسط أبيض و من فوق شوكولا و شهية طيبة و إن شاء الله تنجحي فيها

انا ندير هاد المكونات ونديرو بيض كامل ويجي رائع انتاع لاياغورت

[الشاكرة -لله]

ايه رانا اضراب و الحاله متعحبش ........
لاقريب راني مع الدوا و لحد الان و لا تحسن