تفسير الأحلام بإشراف المفسرة سعادة الروح

[سعاده الروح]

اختي جوري ان شاء الله حلمك يدل ع نعمه ورزق سوف تناله ربما الحمل
والله اعلم

[ام ياسمين*]

السلام عليكم
اختي سعاده الروح كيفك ان شا لله كل امورك بخييير

حبيبتي حلمت حلمين متشابهيني تقريبااا ممكن تفسرهم لي

الأول هو اني حلمت اني في البيت وفجأة إجو ضيوف لعندي والبيت مكركب دخلو انا ارتبكت وصيرت ألم البيت وفي نفس الوقت منشغلة فيهم صارو يسئلو عني ويقول تعالى اجلسي معنا
بعدين حلمت اني في غرفتي أزين حالى والضيوف طلعو اجو يخطبوني واختى اجت لعندي وقالت لي العريس اجا وجاب الهداية والورود فرحت بس فجأة افتكرت زوجي وحزنت ونقهرت وقلت يارب هادا العريس ياترى رح يكون طيب وحنون مثل زوجي

الحلم التاني حلمت ان امي بدها تزوجني رجال بس انا مابدي او ما اقدر اقول لها ﻻء مشان ماتزعل
بس بالأخر انفجرت وصرت ابكي واقول لها انا بتفرج على دمار علقتي بزوجي انا بدي زوجي هادا الرجل مابعرف كيف رح يكون معي او كيف رح يعاملني
زوجي بيهتم فيني وكل طلاباتي بيحاول يلبيها وزيادة على هاذا بيحبني وهاذا هو أهم فتركتها وانا ابكي

[سعاده الروح]

اختي أم ياسمين احلامك خير لايوجد فيها اي شر تدل ع بشاره طيبه وصلاح في الامور أن شاء الله

[ام ياسمين*]

جزك الله الف خير ياالغلا
يسلمووووووووووو

[um.shams]

صباح الخير سعادة الروح انا الي يومين تعبانة صرت بالشهرالتامن وكتير تقلانة المهم حلمت انو قاعدين انا وزوجي عم نشرح لزوج اخته انو نزلت مية الراس مني وانو اولها بكون مخلوط دم مابينشرب بس بعدين المي بتنزل صافيةوبتصير تنشرب عادي وشفتا محطوطة بكاس بلور وصافية وهو مو مهتم شو عم نحكي وانا مزعوجة منو ليش مو مهتم وبس هادا هو الحلم تبع الليل بس مبارح شفت حلم كتير قصير بنومة الضهر شفت انو كشفت على حالي لقيت نازل دم وفقت بسرعة شو بيعنو هالمنامات تسلميلي

[سحابة الماضي]

صباح الخير اختي .. انا اليوم وقت الفجر حلمت اني حامل وبطني كبير بعد شوي رجع صغير وخفت كل الناس تعرف اني حامل وانا ما بدي حدا يعرف ..
انا حاليا مرجعة جنين وفي فترة الانتظار باليوم السادس
يا ريت حبيبتي اطمنيني عن الحلم
ويسلمو حبيبتي

وفي كمان حلمت تزكرتو باليوم الرابع من الترجيع كنت نايمة العصر حلمت اني كنت حاملة ابني وكان كلب لاحقنا هو ما بيأذي كان يحاول يرفع حالو عشان يلعب مع ابني وانا صرت ابعد في وصحيت ولقيت حالي ببعد في برجلي .. وورجعت نمت وحلمت بقطه بيضه كتير كبيوة كانت تركض ناحيتي خفت توقعني بس ما قربت علي وكانت قريب منها كمان وحده صغيرة
طولت عليكي حبيبتي يا ريت تحكيلي شو تفسيرهم
ويسلموو كتيير

[υм вtℓαα]

السلام عليكم

حلمت ببنت سلفتي اللي هي العروس بليلة عرسها تقولي وين الفطور قلت لها ابشري جاهز
وكانت بدها تقولي كلام بس ماقدرت لان البيت مليان ومافي مكان فاضي تحاكيني فيه

[smile girl]

مساء الخير خيتي سعادة

هذا الحلم لوالدتي

حلمت انو اني وهي طالعين للسوق وانا كنت في الحلم اصغر في العمر وكنت اقولها ديربالج لا تضيعين جنطتج او لتضيعين غراضج وهي كانت بتقولي اي لتخافين
وراها بشوية اني ضعت منها وهم هي ضيعت مفاتيح وجنطتها
وكانت في الحلم بتمشي وهي متعبة وكانت حركتها بطيئة
فبتقول لنفسها انو اني حذرتها بس هي مسمعت كلامي

وانتهى الحلم حبيبتي

[فراشة فلسطين]

السلام عليكم
كيف حالك اختي سعادة الروح ان شاء الله امورك تمام
اليوم صبح حلمت بحلم خير اللهم اجعله خير
الا هو اني كنت مع صديقاتي عند دكتور الاسنان وكان في كتير ناس وتأخرنا وانا بعدماخلصت عند دكتور اجيت بدي اطلع مالقيت حدا
حسيت حالي وحيده وضايعه واروح من مكان لمكان اني اوصل بيتي وارجع مو عارفه لقيت ناس اسألهم وين انا يحكولي احكي لحالي ياالله شو جابني لهون وخلاني اجي كيف هلأ بدي ارجع لبيتي وانا مابعرف هل مكان ولا هالطريق المهم بعدها لقيت ناس برضو سالتهم عن المكان يلي انا وصلته حكولي مو بعيد كتير عن مكان اقامتي وسكني بس بدي حد يوصلني يدلني يساعدني مافي
حسيت بالحلم اني يومين غايبه عن البيت وانا ضايعه وسألت حالي لي جوزي مايرن ع جوالي يشوف وين انا ويطمن عليه
بعدها رنيتله كل مرة يعطيني مشغول او يرن ومايرد المهم بالاخير رن
ورد ومين يلي رد ع تلفونه وحده صوتها مش غريب عليه وكاني بعرفها...بالحقيقه صوت يلي سمعته هو نفس صوت بنت خالت جوزي
المهم الا هي بتحكيلي جوزك مو موجود ومابدو اياكي انا صرت اله وحبيبته وماعاد ترني لهون
حكيت بنفسي معقول بهل يومين يلي ضعت فيهم هيك جوزي يتخلى عني ويتزوج غيري وبس هاد هو محتوى الحلم بالكامل لعله خير بس صحيت من نومي افكر جد يلي صار او حلم وخايفه انه هالشي مايطلع حلم ويتحقق
بانتظار تفسيرك للحلم ...مشكوووره يالغلا

[سعاده الروح]

اختي ام شمس هذي الأحلام هي هم يزول بإذن الله