أطباء يتكلمون عن مايحدث فى المستشفيات بأقسام الولادة

[MOOR BAZZAR]

الله يديكي العافيه

بس حسيت في اشياء مررررره مبالغ فيها

انا لا دكتوره ولا هم يحزنون بس اللي اسمعو اعرفو انو لو عندك عمليه يعملولك هيا وانتي بالروب مستحيل يشيلو منك يفتحو بس مكان العمليه

لكن لو في ناس ضعاف نفوس دا عاد شي تاني الله لايوفقهم

[MOOR BAZZAR]

المشاركة الأصلية كتبت بواسطة @@الجوووري@@

الكلام ليس مبالغ فييييييييييييييييييييييييييه خذوا التجربه مني فحص للزايده قام الدكتور فصخني من تحت لولا اني كنت ماسكته من على الجنب كان تعريت ,, وش دخل الزايده بفخوذي وبعيبي



مااقول الا الله يسترني فوق الارض وتحت الارض ويوم العرض

طيب حبيبتي ماكان في محرم او زوجك في العياده؟؟؟

[MOOR BAZZAR]

المشاركة الأصلية كتبت بواسطة fadyah

الحريم الله يهديهم هيه تروح تختار الرجال بنفسها كيف يرضون على انفسهم تنكشف قدامه حتى لو محترم حتى لو مايطالع وهيه مستحيل انه مايطالع اش قلبها تتعرى قدامه وبكامل ارادتها

حبيبتي كلامك مايسير

(((( كيف تتعرى قدامو بكامل ارادتها)))) حضرتك ايش تقصدي

بالعباره دي !!!!

انا من الناس اللي اتابع في ولاادتي مع دكتور ومستحيل افكر اروح

لدكتوره حرمه خاصه لمن الوحده تكون لها تجارب سيئه وشنيعه مع

دكتورات حريم

[الجوهره المصونه]

لاحول ولا قوة الأ بالله حسبنا الله ونعم الوكيل
يارب سترك في الدنيا والآخره

[عنودالغلا]

اعوذ بالله يا اختي نحن في دولة مسلمة لا تسمح بهاذي التجاوزات التي ذكرتيها وانا دخلت غرفة العمليات مرتين ومره كان التخديرموضعي والحمدلله والثانيه التخدير كامل والعورة تغطاء بغطاء وتلصق على جوانب الفخذ ولا يرى الطبيب الا موضع العمليه وطبيب التخدير لايرى سوا الوجه لانه يراقب نبضات القلب فجزاك الله خير لا تعممي الافعال الشاذه

[Leena.A]

أخواتي أحب أعقب على المقالة في كزا نقطة .. علما بإني مو طبيبة بس زوجي طبيب جراحة و تخصصه بعيد عن النساء و الولادة .. لكن بحكم دراسته عدى على كزا تخصص اشتغلهم و من ضمنهم النساء و الولادة ..

طبعا في مبالغات بشكل مو عادي في المقالة .. بالنسبة للتعرية .. مستحيل يعرو المريض كله كامل إلا في حالة وحدة .. عمليات القلب المفتوح .. لكن كل ما بقى من العمليات يغطو الجسم كلللللله و يفتحو مكان عمل العملية فقط .. و هادا الكلام عالميا في كل المستشفيات بغض النظر عن كونها مسلمة أم لا ..

أما عن الكشف في العيادات .. فــ ردا على الأخت اللي كشف عليها الطبيب من تحت عشان الزايدة .. أختي انتي غلطااااانة كيف تسمحيله يعريكي من أسفل ؟؟ مو من حقه .. المفروض يقولك اكشفيلي المنطقة الفلانية إذا سمحتيلي اني افحصك فيها .. و انتي على كيفك .. و المفروض يكون معاكي محرمك و يكون جنبك وقت الكشف حتى لا تسمحي لطبيب نفسه مريضة انه يتفرج عليكي !! المفروض يكون معاكي أحد عشان يشهد على تصرفه و تناديله الأمن و تشتكيه لإدارة المستشفى ينفصل فيها أو يُعطي إنذار ..

لكن مو معنى انه دا الدكتور نفسه مريضة فــ كل الدكاترة يتخاف منهم !!

أقسملك بالله زوجي عنده مريضات خصوصا من الستات الكبار يحبوه و يدعوله من حسن أخلاقه معاهم و استئذانه على الكشف على أي منطقة في جسمهم و في وجود السستر و المرافق لو حبيتي .. السستر ضروري تكون موجودة في أي عيادة ..

أما بالنسبة لإنه الدكاترة ما يرضو انه زوجاتهم ينكشفو أمام دكاترة فــ هادي مبالغة مو عادية !!
أعطيكم مثال حصل معايا أنا و زوجي .. جاتني البواسير قبل ما أتزوج من كتر الإمساك الله يعزكم .. المهم تاني يوم الملكة سبحان الله جاتني آلام فظيعة لدرجة اني ما أقدر أجلس ولا أنام ولا أتحرك من شدتها .. ماما أخدتني للطوارئ جابولي دكتور يكشف عليا .. حلفت بالله ما يشوفني !! كلمت خطيبي بحكم انه طبيب إذا يعرف طبيبات جراحة !! قالها في المدينة للأسف مافي ولا طبيبة جراحة كلهم أطباء رجال .. لو تحبي أشوفلك طبيبات في جدة رغم انهم قليل و مو كلهم شطار .. ليييش ؟؟ قالتله لينة كزا كزا .. جاني المستشفى طيران .. و الكل يحاول فيا أكشف و أنا راسي مية سيف مستحيل أكشف لرجال !! أستحي و أخاف و حرام على اعتقادي !! إلين جابولي طبيبة نساء و ولادة كشفت عليا و قالت تحتااااج تدخل جراحي و يشيلولي البواسير لأنها من الدرجة التالتة و نوعها قوي و ملتهبة جدددددددددا .. أعطوني ملينات و إبر مهدئة و مسكنة .. و رجعت البيت .. فكرت و استخرت الله بعد كلام زوجي و أهلي و انه الضرورات تبيح المحظورات .. قلت خلاص أمري لله لو مافش غير طبيب رجال أروح و اسوي العملية مضطرة !!
بعدها زوجي قاللي كلمتلك دكتورتي درستني في الجامعة و كويسة لكن في أفضل منها الدكتور الفلاني .. قلت لاااااا .. جاني الفرج من الله وديني للدكتورة اللي في جدة .. و رحت جدة شافتني قالتلي انتي كييييييف ساكتة إلى الآن ؟؟ الآلام اللي مستحملتها فظييييعة لأنه البواسير نزلت من الدرجة الرابعة و ما عاد ترجع .. اعطتني أدوية و مسكنات و اعطتني شهرين يروح فيهم الالتهاب و ارجعلها عشان العملية .. و فعلا رجعت و سويت العملية الحمدلله و مشي الحال ..

لما ما لقيت طبيبة في المدينة اضريت اروح جدة و يمكن لو مو زوجي دكتور و يعرف الدكاترة هناك يمكن ما كان لقيتها و كان سويت العميلة عند رجال و زوجي ما عنده أي مانع ولا أي مشكلة طالما مضطرين !!

شفتي انه الدكاترة مو كلهم نفوسهم مريضة ؟؟ ولا كلهم ما يرضو حريمهم يروحو لدكاترة رجال ؟؟ ولا كلهم يعرو خلق الله ؟؟

الآن أنا حامل بأراجع عند طبيبة .. لو اضريت لا سمح الله أروح لطبيب رجال ايش المانع ؟؟

أما بالنسبة للأخوات اللي يراجعو عند أطباء رجال في الحمل .. على راحتها لكن شرعا المفروض لو لقت طبيبة ذات كفاءة زي الطبيبة الأولى انها تروحلها .. لكن لو زي حكايتي مع البواسير ما فيها شي !!

عموما كل وحدة حرة في الآخر .. لكن مو معنى انها راحت تولد عند طبيب يعني خلاص هيا ماهي محترمة !! طيب يمكن فعلا مالقت في بلدها طبيبة كفاءة ترتاحلها ؟؟!!

يا جماعة الخير .. الطبيب اللي بهدلتوه و قطعتوه و ما خليتوله ولا بقيتو .. و البعض سار يستعيييذ منه !! و يدعي الله لا يحوجني له !!
تراه رحمة من الله .. الله جعله سبب في علاجنا .. و انتو يمكن ما تعرفو ايش يعاني الطبيب في حياته مع أهله و أصحابه و كيف حياته الإجتماعية تتبهدل عشان خاطر شغله !! الطب أشرف مهنة في الحياة بعد الدين .. لأنه بيكون سبب في إزالة آلام و معاناة الناس من الأمراض بإذن الله .. لا تشتمو في الطب و الأطباء و تحقرو مهنتهم .. ترا ما تعرفو ايش اللي بيواجهوه في سبيل الله ثم في سبيل علاجهم لخلق الله .. ما أنكر انه بعضهم أنفسهم مريضة لكن لا تعممو ولا تزودو كلام و مبالغات ماهي صحيحة !! لو اتأذيتي من تحرش طبيب أو قلة أدبه في الكشف .. لومي نفسك قبل ما تلوميه .. المفروض يدخل معاكي محرم أو مرافقة .. و ما تسمحيله يكشف عليكي في خلوة ..
أما في العمليات .. فــ مستحيل يدخل عامل النضافة أثناء العملية لأنه كل الغرفة تكون معقمة .. و يعطوكي لبس العمليات عشان لو اضطر الأمر و احتاجو يعقمو مكان تاني لو كبرت العملية يكون بسهولة ..

أما مستشفى الجامعة .. فــ اللي تروحها لازم توقع على انه الطلاب و الطالبات حيكشفو عليها أو يحضرو مراجعاتها و ولادتها لأنها مستشفى أنشأت للغرض التعليمي .. صحيح بيعالجو خلق الله بس بيعلمو الطلبة و الطالبات حقون الجامعة .. مو معناها اننا فئران تجارب !! لأ بس يتعلمو من اللي يسويه الطبيب أو الطبيبة اللي يدرسوهم بدون أذية للمريضة ..

أعتذر جددددددددا على الإطالة .. يمكن مو الكل يقرأ كلامي بس رديت فيه على بعض الأخوات و على المقالة المبالغ فيها لأنه حرام الإفتراء و التبلي ..

[دلوعه موت]

عند الضروره تباح المحرمات...

وان شاء الله مايكون على اي وحده مضطره اثم

[المستحيله]

الموضوع مبالغ فيه ....انا مع كلام الاخت lenaah.a حتى انا زوجي طبيب ودرس طب النساء والولاده وبحملي الاخير كنت اراجع عند دكتور وزوجي ما رفض بالعكس كان يدخل معي وقت المراجعات..واكثر الدكاتره الممرضه الي معه هي الي تكشف ع المريضه ....

[آوم جومآنا ~]

مو الوححده لما تتابع عند دكتوره معينه بمستشفى معين تصير نفس هالدكتوره تولدها ...؟

ترا انا بكريه وبولد بججده بس خوفتوني بناااات طيب مين تابعت حملها عند دكتوره ممتازه بجده وباي مستشفى وولدت عندها ؟؟؟؟؟

بليزز رددووا علي

[ورردي]

مو كل وحده تراجع عند دكتور معناتها ما تستحي علشان انو تسمح للدكتور يكشف عليها حرررررررام هذا الكلام قولي الله لا يبلانا انا حامل وفي الشهر التاسع واراجع عند دكتوره اذ حولوني للدكتور بغرض ان الدكتوره مسافره ما اروووح الموعد الاني كنت ما ابغى دكتور يفحص علي واضطر اعمل موعد تاني مع دكتوره اللين الشهر التاسع حصل معاي عارض طبي ودكتورتي وفقت ما تعرف ايش تسوي في هذي الحاله انا طلبتها وبعضمت لساني انها تحولني لاستشاري يشرف على حالتي بسبب انه المستشفى اللي اراجعه ما فيه استشاريه وانا باشهر الاخير وجميع معلوماتي الطبيه موجوده في الملف صعبه جدا اني اروح اولد في مستشفى ثاني
ملخص الكلام كنت حابه اقول الاخت الي تستغرب جراءت بعض الحريم انه تسمح للطبيب انه يكشف عليها قولي الحمد لله على الصحه والعافيه