سؤال الى اخواتي الحوامل ماهي الاعراض الي حسيتي بيهة بحملك الكل يدخل

[قوتشي]

المشاركة الأصلية كتبت بواسطة انامل طفله

بالنسبه لي ،، ايام التبويض حسيت بالم في المبايض يروح ويرجع
وبعد التبويض كنت اقيس درجه حرارتي اول ما اصحى من النوم كانت
36.8 وكنت وااايد ادور ف النت ان الحمل يبان ف الدم في اليوم العاشر
المهم في اليوم العاشر بعد التبويض رحت وعملت فحص دم
وكانت النتيجه 0.5 انحبطت احباط ورجعت البيت وانا ابكي في نفس اليوم
بالليل ارتفعت درجه حرارتي وصارت 37.2 نمت وصحيت وانا كلي ععررق
مع اني اشغل المكيف ما انام من دونه .. وظليتني اقيس درجه حرارتي وثابته كل يوم 37.2
تنقص شوي وتزيد شوي بس ما نزلت عن 37
المهم زعلت كثير وزوجي جابلي باقه ورد يخفف علي وكاتبلي في بطاقه
الله يعوضنا خييير ان شاءالله ..
بعد 3 ايام بالضبط كنت عند اهلي والكل يسالني بشري حامل واقولهم لا عملت
فحص ومب حامل واحس بنغزات في بطني تحديدا المبيض
طلعت من بيت اهلي وقلت لزوجي مر خل اخذ فحص حمل
قالي لااا وخلاص ،، الشهر اللي طاف اشتريت فوق 10 وكلهم سلبي
😂💔
قعدت ازن عليه واقوله الله يخليك ما راح اقدر انام وانا عندي القولون
قالي ماشي تمام بس تعمليه بكره الصبح قلتله طيب بس بشرط جيبلي 2 مو واحد
عشان يطمن قلبي <<< ما يدري اني بسوي واحد اللحين والثاني الصبح 😂

رجعت البيت وعلى طول دخلت الغرفه وافتح العلبه واناظر في التحليل
واقول لا لا تعملي ! خليها بكره بصراحه ما قدرت اقاوم نفسي وطيرااااان ع الحمام
وانتوا بكرامه عملت الفحص واشوف ماشاءالله موجب خفيف !!!! لالا مو مصدقه على طول الخط الثاني بين
طلعت ريولي مب شالتني ورحت لزوجي وانا ابكي وابكي وابكي ويقولي ما عليه انا قلتلك بلااها
ليش اتعبين نفسك الشهر الجاي تكوني حامل ان شاءالله وانا مو قادره اتكلم شعور لا يوصف
ويناظرني والدموع ف عيونه ولسا ما عرف اني حامل هههههه
المهم وهو يهدي مني ناظرت فيه وقلتله انا حامل
بطل عيونه لاااااااااا احلفي واقوله ايه انا حااااامل
وظليتني ابكي وابكي وعلى طول مسك ايدي وقالي تعالي
نسجد سجده شكر وسجدت لربي وظليتني ابكي كثييير
الحمدالله يارب ،، قالي لازم نتاكد والله يا بنات طول الليل وانا صاحيه
ما قدرت انام ،، والفجر على طوووول عملت الفحص الثاني 😂 الا موجب
المشكله الفحص الاول تحت المخده كل شوي اناظر فيه
وعملت فحص هرمون حمل والحمدالله طلعت حامل

ملاحظه ،، يا بنات كنت كل شهر اروح للدكتوره وتطمني وتقولي هالشهر
باذن الله انتي حامل ،، وتنزل الدوره وانحبط ! والله العظيم ما اكذب عليكم
هذا الشهر بالذات قالتلي معجزه لو حملتي !!!! سماكه الرحم عندج جدا ضعيفه
بصراحه وايد تضايقت ورحت لدكتوره ثانيه قالتلي مستحيييل تحملي لانه البويضات جدا صغيره
والله يا بنات الدعاااااء ثم الدعااااااء !! مافيه شي مستحيل على رب العالمين
الحمدالله يارب الحمدالله ،،
ادعولي الله يثبت حملي ويرزقكم يارب من اوسع ابوابه ،،

اثرتي فيني!
دايم اتخيل نفسي وشعوري كيف رح يكون اذا شفت الخطين
اه بس.. حبيبتي فرحت لك من كل قلبي إلهي يتمم حملك
ادعي الله ان يرزقني عما قريب هالفرحة
وكل من تتمنى تصير ماما.
بس اصير حامل اجي اقول لكم اعراضي (':