تجمع الجزائريات الغاليات المتأخرات في الحمل ‏

[basouma26]

صبورة واش بيها امة الرحمان كي قريت ردك تخلعت ما فقت بروحي غير و انا نبكي و الله تغيضني هاد البنت مسكينة الله يفرج عليها و ييسر امورها و يفرحها يا رب و يفرحكم كاملين يا رب

ام نهى كيما قالو لبنات بلا بيك المنتدى صامط و قطعي روحك في الشعل يخي الشغل ما يخلاص و الارض ما تقر اللي مديتيلها

سهام واش درتي فيها كي دايرة الحالة

ريحانة الله يعطيك وقفة ساهلة ان شاء الله غير ماتقلقيش روحك

محبوبة ميمو بلغي السلام لام انس قوليلها رانا كامل نحبوها و نسقسو عليها

نور الهدى الجيجلية الله يفرح قلبك ان شاء الله و يعمر دارك الله يدوم العشرة و يطيب بيناتكم ان شاء الله

المغتربة غير ما تبعيش هدرت الاطباء سقسيني انا راهم يوسوسوك ادعي ربي و شدي فيه و ان شاء الله يكملك بخير

بسمة كيدايرة مع الكريشة ان شاء الله لاباس

خولة واش احوالك و واش احوال اختك

جيجي و سمرة و لاميا و صبورة و نور الهدى و نور اليقين و بسومة و اسماء و كامل لبنات الله يفرح قلوبكم و يفرج عليكم في القريب العاجل يا رب

[بسمة روجينا]

لبنات خولة مابانتش اليوم
او مريم ماراهيش تدخل كامل اواااااااااااااه التربية تبان واعرة ردو بالكم خممو مليح

[basouma26]

المشاركة الأصلية كتبت بواسطة صبورة

بسومة26
حبيبتي لما قريت مشاركتك و معاناتك البارح غضتيني بزاف..نتمنى قريتي الرد انتاعي..راني ندعيلك حبيبتي يا رب تشوفي ابنك الا لما يكمل 9 اشهر تماما..

صبورة ربي يحفظك ان شاء الله و يجازيك على قد نيتك المليحة راني عارفة اللي في القلب و الله بلا ما تقولي يا ربي يقرب نهار الفرحة باش نفرحو بيك و بالبنات كامل يااااااااااااااا رب

[سمراء]

صحتيي بزاف حبيبي أم نهى على الرد بصحتك الشورة تفرشيها بصحة ولهنا ولعقوبه لحوايج خير منها كعشيتو يالبنات ختي نوال متشرفة بمعرفتك حبيبي وربي يسلكك على خير غير كليوم فرحو بيك.

[basouma26]

المشاركة الأصلية كتبت بواسطة بسمة روجينا

لبنات خولة مابانتش اليوم
او مريم ماراهيش تدخل كامل اواااااااااااااه التربية تبان واعرة ردو بالكم خممو مليح

خولة تكون مع فليليساتها ربي يكبرهم ان شاء الله

و مريم و الله ما عرفنا كبدار ولدها مسكين من ليقاز و هي تكون لاهية مع الخدمة و التربية ربي يعينها

[صبورة]

دعاء لاختي و حبيبتنا الغالية امة الرحمان امنوا على هذا الدعاء

اللهم إني أسألك يامن لا تراه العيون ، ولا تخالطه الظنون ، ولا يصفه الواصفون ، ولا تغيره الحوادث ولا الدهور ، يعلم مثاقيل الجبال ، ومكاييل البحار ، وعدد قطر الأمطار ، وعدد ورق الأشجار ، وعدد ما يظلم علية الليل ، ويشرق عليه النهار ، ولا تواري منه سماء سماء ، ولا أرض أرضاً ، ولا جبل إلا يعلم مافي قعره وسهله ، ولا بحر إلا يعلم مافي قعره وساحله ، ، إنك على كل شئ قدير . اللهم من عادا امة الرحمان فعاده ، ومن كادها فكاده ، ومن بغى عليَِها بهلكة فأهلكه ، ومن أرادها بسوء فخذه ، و أطفى عنها نار من أشب لها ناره ، واكفنيها من أدخل عليها همه ، وأدخلها في درعك الحصينة ، وأسترها بسترك الواقي ، يامن كفاها كل شئ أكفها ما أهمها من أمر الدنيا والآخرة ، ، يا شفيق يا رفيق فرج عنها كل ضيق ، ولا تحملها مالا تطيق ، أنت الهنا الحق الحقيق ، يا مشرق البرهان ياقوي الأركان يامن رحمته في كل مكان وفي هذا المكان ، يامن لا يخلو منه مكان ، أحرسها بعينك التي لا تنام ، واكنفنها في كنفك الذي لايرام ، اللهم ارزقها رحمة من رحمتك و ذرية طيبة صالحة من لدنك اللهم أستجب لنا كما أستجبت لنا برحمتك ، عجل علينا بفرج من عندك ، بجودك وكرمك ، وارتفاعك في علو سمائك ، ياارحم الراحميين ،انك على ماتشأ قدير .

[بسمة روجينا]

المشاركة الأصلية كتبت بواسطة صبورة

نوال الجزائرية
واش راكي و مبروك عليك الحمل..خليتينا نطلعوا و نهبطوا عليك..بصح غاضني الحال منك كنت دايرة في بالي اول ما تحملي تجي تخبرينا مثل حورية ريحانة و مريم و بسومة من النهار الاول خبرونا و فرحنالهم فرحة كبيرة و دعينالهم ربي يثبت حملهم..على بالك كامل لبنات المتاخرات للي فالتجمع تغيضهم و يحسوا كي شغل خبيتي علينا..لاحظت بزاف بنات لما يحملوا يتخباوا منا..بصح احنا حتى في غيابك فرحنالك و تمنينالك كل خير و....

صبورة انا اسمحيلي من الاول كي عرفت ماكانتش عندي لا كونكسيون حتى جا راجلي بعد شهر ونص رحعها تم تم خبرتكم ديجا نقول ديما هاد التجمع فال خير عليا سجلت في سبتمبر نفس الشهر اللي حملت فيه

[سهام فرنسا]

المشاركة الأصلية كتبت بواسطة صبورة

بسومة26
حبيبتي لما قريت مشاركتك و معاناتك البارح غضتيني بزاف..نتمنى قريتي الرد انتاعي..راني ندعيلك حبيبتي يا رب تشوفي ابنك الا لما يكمل 9 اشهر تماما..

ربي يرزقك بالمثل إن شاء الله في القريب العاجل يارب العالمين
يعطيك قد نيتك و قلبك الأبيض يارب

[نوال الجزائرية]

لالا حبيبتي ماديريش في بالك خلاااااص اصلا انا قبل مانقفل شهرين خبرتكم وانت ماكنتيش كاينة هدوك ليام قالولي بلي اختك مريضة........حقا واش اخبارها ان شاء الله لاباس....بصح كان عندي مشكل في الانترنت

واصلا انا في البدية قالي طبيب الحمل تاعك هابط واذا ثبت الحمل ممكن يعرضك للنزيف ولخواتات يهبط تعرفي خوفني خلاص عليها قلت حتى يثبت حملي ان شاء الله ونخبركم بصح انا ماصبرتش وقلتلكم قبل مانقفل شهرين والنت ماكانتش عندي في داري كنت غير كي نروح لدارنا ندخل من ثم فهمتيني كون ماجيتش حابة نقوللكم نديرلكم اي سبة ومانقوللكمش فهمتيني...

وان شاء الله ربي يكملي ولكل واحدة حامل ويرزق كل واحدة تتمنى الحمل

فقط




يارب

[lamia zina]

اهلا بنات نوال مرحبا هاذي غيبة ربي يعطيك وقفة ساهلة
امة الرحمان رانا كامل ندعيولك و ان شاء الله تكون دعواتنا مستجابة و يفرج عليك ربي .
بسومة 26 بسومة و صبورة توحشتكم اييه حقة بسومة26 كرشي راهي تغلي من هاذيك الخلطة ربي يجعل الخير