تعالو نكتب تجاربنا بمستشفيات الولادة في القصيم نفيد بعضنا

[Boosha]

الله يسهلكم ولدتكم يارب
انا من جده
ماراح اقدر افيدكم بشي غير ادعيلكم بتسهيل ولادتكم

[احسا11س العا11لم]

الله يسهل لكم أنا عني بالرياض بإذن الله البنات يفيدو ويستفيدوو
وبالنسبة للرياض في الحبيب والتخصصي الطبي

[شقـ بدلع ـاوة]

وينكم:( .. لاتبخلو بمعلوماتكم وتجاربكم

[fammr]

هلابكم انا بكريه واراجع عند سميه السودانيه بالقصيم الوطني وناويه اولد عندها قمه في التعامل والتشخيص وانا الان بالثامن
والقصيم ماحسه مادي مثل الحبيب يستعجل بالعمليات واسعاره مبالغ... اللي تبي اصور اسعار القصيم ايشروا
توني اخذت اسعار من هم.. وكل اهلي فيه يمدحونه مافيه زحمه زي الحبيب وصبوريين وخياطتهم روووعه... والقيصري عندهم مصري ممتاز
والاطفال عندهم سعودي محمود يجنن للاطفال...

[شقـ بدلع ـاوة]

كيف عرفتي ان خياطهم روعه وانتي بكريه..
تصدقي اول مرا اسمع فيه
انا للحين محتاره وين اولد ان شاءالله

[Dalolah]

^^^

الولاده كلها تياسير من ربي




صرااحه لمن كنت حامل بولدي ولا خطرر ببالي انه اولد عندهم هالوطني ذا
لانه كان ببالي انه ابي الدكتوره اللي اتابع عندها هي اللي تولدني والوطني اذا تبوون انه تولدك اللي تتابعين عندها ومرتاحه عندها وصدف انه ولادتك مب حزة دوامها يا انك تدفعيين زياده حتى تجي وتاخذ منك حساب الساعه وهي عندك او ترضييين بحظك مع الدكتووره اللي بتكون متوفره هي زينه ولا لا
ثنتيين اعرفهم ولدن هناااك يسبووونه يقولون تحسييينه مهجووور واذا طلبتي ممرضه روحي دوريها
ههههه انتي شوفي بسس مواقف السيارات وتدريييين هل عنده اقبااال ولا لا
الاغلب اللي يروح له عشااان سعره


انا وجهة نظري اللي عنده القدره انه تولدي بالحبيب اشجعك على كذاا انا ولدت هناك]
راجعت بالشهر الاخير عند ساجيلا باكستانيه كنت ابي انصاف السودانيه من المدح الشديد بسس الله ماكتب كانت باجازه فا اخذت ساجيلا للمعلوميه ساجيلا بعد يمدحونه بس ماكنت ابي معنا واحده مترجمه عشان كذا كنت ابي انصاف اييه صح طلع انه ساجيلا تعرف عربي مكسسسر
خخخ طلعت عن الموضوع كانت امي مرات اذا رااحت معي لموعدي تقوووول حشاااا وش هالزحمه حكووومي
ماشاء الله
وبحزة ولادتي وهذا الاهم دخلت امي معي مسموح لواحد يدخل معي مع انه زوجي يجي دقايق ويطلع كل شوووي
وانا هذا الشيء الثاني اللي كنت ابيه بعد انه امي تدخل معي
كانت فيه ممرضه طوول الوقت معي وكانوا يجوني كل شوي يجوني دكتورات يالله يالله ادفعي الدكتوره بتجي بعد شوي لحد ماجات ساجيلا وارتفع ضغطها مني انتي تشدي ويمسكوني هالاربعه وصراااااخ ٠٠٠٠٠٠٠٠٠٠٠٠٠٠تراااي بكريه ٠٠٠٠٠٠٠٠٠٠٠٠
وبعد ماخلصت هذا الشيء العجييييييييييب ياالله رحمتك ودوني للغرفه وقالت لي ممرضه انا ممرضتك اللي مسؤله عنك بس ترني الجرس اجي لمك وكان فيه تلفزيون اشوف فيه ولدي متى مابغيييت اشوف وش يسوووي
وكانوا قبل كل غدا وعشاء يجيبون لي انا وامي منيوو ايش تبيين تاكلي من محل دايت سنترر




قلت قصة حياااتي اعررررف
خلااصه الكلام اذا تبييين دكتورتك معك بحزه الولاده وانه تقدرين تدخلين معك اختك او اي احد تبينه تقدرييين وهذولي اللي كانوا مهمييين لي اللي ماحصلتهم بالوطني من سؤالي عنهم

[Manooor]

أختي دلوله يعني تنصحين بالولادة بالحبيب؟
أبي أسالك عن اهم شئ الخياطة كويسه ولا لا وفيه الم أثناء الخياطة أو لا

[Dalolah]

اي انصحك تولدي بالحبيب وبنصحك مادام مهتمه بالخياطه وشكله هذا حملك الثاني مثلي
اختاري انصاف السودانيه روحي لها بشهرك الاخير افتحي ملفك عندهم كنت ادفع مره والاسبوع اللي بعده. مجاني انا كنت عند ساجيلا وكنت ابي انصاف بس كانت باجازه مع انه خياطه ساجيلا زينه خياطته بسس احس مب زي السودانيه واصلا اغلب المدح على انصاف بخياطتها

[ام رتوو99]

يختي معروف السودانيه بالخياطه مرررررره روعه

بالنسبه للوطني عادي تدخلين معك أي احد تبينه يكون مرافق عندك
ومعظم الكلام اللي قلتيه عن الحبيب موجود بالقصيم الوطني
ترا الفرق بالسعر للطبيعي فقط 1500 بس الحبيب احيانا يبااااالغووون بالسعر جدا
اما الوطني لا ...
انا شفت بالوطني دكتورات العياده كلهن وماشالله تعامل وتحسين اللي قدامك فاهمه وشاطره واللي مريحني انه كلهن سودانيات الا وحده اردنيه اسمها عروب هذي زحمه الدنيا عليها .

[H"S]

اهلين كروشات مستشفى الولادة والأطفال جربته إهمال وقرف هذا الكلام له 4سنين هالحين مدري عنه.. اما أختي جربت مستشفى القصيم الوطني تمدحه واهتمام فيهم والخياطة ضبطتها لها دكتوراه سودانية . هذا كل الي عندي