مدونتي الخاصه

[خيال ثلاثيني]

جتني تشيل الموت بعيونها شيل
واشيب حالي اييه واشيب حالي

ام العيون الناعسات المظاليل
تذبح بها وتقتل ابد ماتبالي

كن المنايا في عيونه مقاييل
بين الرموش اللي هدبها ظلالي

لاسلهمت تفتن زحول ورياجيل
حتى الحريم يصير فيها اختلالي

من نعم وجنتها تخاف المناديل
تجرح بملمسها حسين الدلالي

من حلو مطلاعه تشب القناديل
وتنور على ضوح الفنار الليالي

ماتاصفه ابيات شعر وتماثيل
لو حاول الشاعر وحاول محالي

من يوم قفت عسعس الهم والليل
وعجزت لا انسى صورته في خيالي

[خيال ثلاثيني]

ترافقت انـا ويـاه مـن يـوم كنـا اطفـال
تكـون غـلاه بوسـط قلـبـي وكبـرتـه!
عشقتـه ودللتـه وجريـت لــه مــوال
وتخيـرت قربـه ليتنـي مـا تخيـرتـه !
وحطيت له عن شمس قيـظ الغـرام اظـلال
وشديـت لـه بيـت بقلـبـي وعمـرتـه !
على هون يا جرح المفـارق وضيـق البـال
علـى الهـون يـا هـم سطابـي وقدرتـه
اعـزك لـو انـك جـرح ومجاهـدك قتـال
وروضت جسمـي لاجـل سقمـي وصبرتـه
لجل من ملك قلبي من الجـال ليـن الجـال
وفجيت لـه بـاب عـن النـاس سكرتـه !
رعى ريف قلبي لين صـار الحشـا مدهـال
وعـن مدهلـه جنبـت غيـره وذريـتـه !
سقيتـه مـن عـدود الغـلا والغـرام زلال
بعد مـا جـذب مـن دم قلبـي وصدرتـه !
ادري عليـه مـن الزعـل وازعـل العـذال
وخطاه ان كبر في عين غيـري تصاغرتـه !
نقش كل حرف من حروفي على ( السلسآآل )
تباهـى بهـا واغـاظ نـاس مجاكـرتـه!
وكتبت القصايد في عيونـه علـى اليامـال
وليـا مرنـي صـوت النواخـذ تذكرتـه !
تكاثـر علـي الله يجازيـه كيـف الـحـال
وانا يوم اسوق العمـر لـه مـا تكاثرتـه!
وبعـد كـل هالتقديـر والحـب والاجــلال
تغـيـر وهقـواتـه علـيـه مغـيـرتـه!
لبسته ثيـاب الغطرسـه ليـن جـا يختـال
وكبر في عيونـه يـوم الاوهـام وغررتـه!
واذا السالفه ضحك ومهـازل ولعـب اطفـال
خبطت الغصن لين ابرق الريـش طيرتـه !
خلصنـا وقفلـنـا الصنـاديـق بالاقـفـال
ومن جور حكمـه كامـل القلـب حررتـه ...!

[خيال ثلاثيني]

عن هذيك النواعس ليه شلت القناع
الحيا وين ياللي طول عمرك حياوي

كن في خدك الطاهر بروق وشعاع
اثره رحمةٍ للناس بعض الغشاوي

وش يفيدك عذابي ياغريب الطباع
ليه دايم على الملتاع سيلك نحاوي

امتلي غيض وازعل يوم وارجع بساع
راعي الجرح يستحمل عذاب المداوي

غالطوني وقالو ليش هالاندفاع
ادوخوني عليك مكثرين الحكاوي

ماتغيرت لين انك لويت الذراع
تحسب اني على الهجران ماني بقاوي

لو تقول انت ماعقب الفراق اجتماع
عندي اليوم كل اللي تقول متساوي

لو يقولون صار يخاف قلب الشجاع
من هكا الليله وبيت القصيد متهاوي

بين شقر الجدايل والعيون الوساع
اذكر اني فقدت القلب في هالحراوي ...!

[خيال ثلاثيني]

جعل روحتك روحه ماوراها رجوع
كان هذي نهاية قصتك وشتبي

من خلقنا وحنا مانعرف الخضوع
والله انه كلامٍ ثابتٍ بشنبي

طبعك اللي عرفته غير كل الطبوع
فيك طبع اعربي واحيان طبع اجنبي

كاشفك بالنزول وكاشفك بالطلوع
كان تلعب معي ؟ كاشفك لاتلعبي

كل ماجيت تمسح في يديك الدموع
تحسب انك ذكي ماتدري انك غبي

كان حبك مولع في طريقي شموع
طفها مابقى بالقلب عير احطبي

قلبي اللي حميته بين حدب الضلوع
ماعطيته لمثلك لو تحوبي حبي

[خيال ثلاثيني]

خذني شتات أحساس وأجمع شتاتي
................... مو بس وطن ! أبيك لي ( كل الأوطان ! )
إذا أنكسر غصن الفرح في حياتي
................... أبيك تنبت لي أحاسيس / وأغصان

[خيال ثلاثيني]

يعجبني أسلوبك . .
عندمآ تدعي إنك \ لآ تهتم لـ أمري
وإنت فِ دآخلكك تغلي :
( كَ البرآكين ) - شوقاً لي !

[خيال ثلاثيني]

لآ صرت تجهل في سوآيآ آلرجآجيل
آرقد فديتك بين../ مآمآ و بآبآ ...!

[خيال ثلاثيني]

أول تجيني بالسنة خمس مـرات
والحين خمس أسنين ماجيت مره
على كذى راح العمر والأمل مات
وش انتظر دامك نويت المظـره
ياما على شانك وطيت الصعيبات
تاطا الخطر رجلي وقلبي تسـره
أمشي على كيفك وأداريك بسكات
أخشى عليكم من عذولي وشـره
خلاص ابعد واكتفي باللذي فـات
طيفك يكفي فـي منامـي يمـره

[خيال ثلاثيني]

آوعـدك تـلقــآأآني ... جنبك و " آحـتـويك ..~
يــومَ غـيـرك كـآن حـلمـه " آوعــده "

آيــه آغـــآأآر .. و مآ آبي غـيـري يجيك ..~
حتى ظـلك لـو آطـوله .. بَ آبـعـده ..!

[خيال ثلاثيني]

مكانه الخالي...محدن ملاه...أشوفه بعيني ...وأسرح معاه....جالس أناظر هالمكان...

ويمكن يرجعني الحنااان.......!!

كل يوم في نفس المكان....كل يوم في نفس الزمان...

انا..انا...انتظر....لحظة لقااا .....

يازينها لحظات...يازينها...لو كانت قليلة.....

ياحلوها نظرات..ياحلوها...بين خل وخليله....

كانت الدنيا...مسافه...وكنت لي انت الطريق...

وصارت اللحظة كلافه....والأمل دربه يضيق.....

منهو غيرك...؟؟ يعطي لجروحي الأمان؟؟

منهو غيرك يقدر يعيد اللي كان؟؟