زوجي جاب لي مرض

[salyms]

السلام عليكم ماقلتي انتي كم ليكي متزوجه
وكيف جامعتك اختلاط؟
وضعك تقريبا زي ماحصلي اصلا ماسوينا زواج وكم مره ندمت وكل ما اشوف زواجات الناس اخد فقلبي بس ارجع اقول اهم شي المودة بين الزوجين والبركة في البساطة وبالنسبه لشهر العسل امكن بس يومين تلاته اتمشينا فيها .. فعادي منتي الوحيده اللي ما اتهنت .. وكمان كنت مع اهل زوجي بس لينا غرفه وحمام حتى مطبخ وشقه كاملة ماعندي وكنت اغطي على ابوه لانه مالو صله بالدم فتخيلي كل يوم لبس طويل وحجاب ومااخدت راحتي ابدا

الحل انك تبتعدي عن المقارنات وشوفي الايجابيات اللي فحياتك
وبالنسبه للعلاقه حاولي دايما تقوليلو ايش تبغي ولا تمثلي لانو في النهاية يجي موقف وحيعرف انك كنتي تكذبي ويزعل منك

[Um sara1]

اختي انتي لسى خبرتك بالحياه قليلة بكره تعرفي ان الرومانسيات والاشيا الي تبينها ماينفع على طول حلو يكون لها وقت وانا ضد الرومانسيه بين الزوجين قدام الاهل بالذات بتخلق حزازيات وامور انتي في غنى عنها فتصرف زوجك حكيم واذا عالغزل مايهم المهم صاينك ومابقلبه غيرك بس في نقطتين مهمه حبيت اتوقف عندها..


بخصوص السفر قدامك العمر وعن تجربه السفر بعد مده من الزواج افضل بكثير من السفر بشهر العسل لان تكونو اخذتو على بعض وفهمتو اطباع بعض وانسجمتو حتى بعلاقتكم الخاصه وياليت ماتحطي اللوم على امه في النهاية مافي ام تبغى تخسر ولدها والا تحمله فوق طاقته اكيد جالها فلوس من الاقارب بمناسبة زواجة وحتى لو عطاها ماله فضل وماعتقد توصل الى انه يتدين عشان يكسي امه الديون سببها مصاريف الزواج والمهر والشبكة والاثاث وغيرو وغيرو

النقطة الثانية العلاقة الجنسية حسب مافهمت من كلامك انه مو منقطع عنك بالعكس علاقه مستمره وروتينية الحمدلله بعضهم عنده ضعف جنسي وعدم قدره ومايجيها بالايام وممكن بالاسابيع اذن المشكلة في طريقة العلاقة وهذي تعتمد عليك تغلي وتدلعي وهو بيبذل جهده انه يسوي الي تبين عشان ياخذ مراده واستغلي هالنقطة جربي العاب زوجية جربي عفوا على الجرأه .. المسجات الكتابيه والصوتية بالواتس


الله يوفقكم ويسعد حياتكم الموضوع بسيط جدا ومايستحق انك تزعلي نفسك عشان او تضيقي صدرك حبيبتي موفقة

[لم نهال]

المشاركة الأصلية كتبت بواسطة fatoom♡

السلام عليكم ورحمة الله
كيف حالكم
بقول لكم وانا صدري ضاااااااايق علي من كثر ما تراكمت
انا زوجي احبه ويحبني والحمد لله هذه نعمه لحالها بس في منغصات كذااا م اقدر أتصرف معاها دلوني كيف أتصرف
اول شي انا مرة مرة مرة رومانسية مكملتها على عكس زوجي طبعا ما يدري وين الله قاطه م تمتعنا نجلس لحالنا من تزوجنا إلا الشهر الاول فقططط والحين مع اهله تدرون مافي لبس قصير مافي مكياج إلا يوم نكون طالعين ما نقدر نطلع مع بعض كثير مع أن حماتي مو صعبه ولا خواته بس هو متعقد ويستحي كنه بيعايرونه انه مراعي حق زوجته أو أنه مدللها وما يبي يحسسهم ب اي شي
ما يسمعني كلام حلو ابدددددد إلا فيما ندر وكلمه ع الطاير عكسي انا كلش ادلله واسمعه طيب الكلام اقول عسى يتعلم مني وانا انفخ في قربه مخرومه
كمان فيني عقده جاااايده ومغثثه علي دنيتي واللي هي يوم انخطبنا خططنا نروح شهر العسل مع اختي لأمريكا لانها زوجها هناك اختي ثمن زوجي غير رأيه قال لا نروح بلد عربي قلت له أن اختي معانا وراح يكون حلو الجو مع زوجها وعيالها هناك قال لا وخلاص قلت ما يصير إلا اللي تبيه قال نروح دبي ومصر قلت له أهم شي نكون لحالنا ووياا بعض جت أمه هي في ديره ثانيه علشان العرس قرب وكانت تتجهز واشترت أغلى الثياب وشرت ذهب والله العظيم ماشاءالله تبارك الله لاقوة إلا بالله ولا حق عرسي ما يسواه مره كان كثير وانا تعجبت من وين لها هالخير زوجي هو اللي يصرف على خوانه وأمه أبوه مريض ربي يشفيه.... طلع هالخير من زوجي حبيبي هو اللي شاري لها يوم قرب الزواج قلت له حبيبي ما حجزت لنا علشان نسافر ثاني يوم ! قال لي أي سفر انتي مجنونه؟ أنا متدين علشان اقدر اغطي تكاليف زواجنا وانتي تقولي سفر؟ طبعا انصدمتتتتتتتتت والله العظيم اني 3 أيام ابكي لأنه قال لي راح نكون بالسعودية نفسها وبعد شهر نجلس في ديره اهلي علشان كمان تدرسي الجامعه هناك يعني حتى شهر عسل ما تهنيت فيه والله اني لين الحين لو تذكرته اصييييح كأني جاتني حاله نفسيه وطبعا صار اللي صار وفي كمان أشياء كذا لا تواخذوني ما عندي غيركم يعني ما اشبع جنسيا معاه لأنه ما يعرف يداعب كله بوستين كذا وكذا وخلاص بيبي يدخل في المهم على طوول ماله صبر كذا مره لمحت له تعدل شوي بس كمان ما عنده خبره ابدددددد يعني حتى مداعباته ممله والله العظيم أحس اني صرت عصبية وصرت مهمله صرت اصيح عليه قدام أمه وخواته بدون شعور واحرجه قدامهم كني اقول له أن اللي حاط لهم بال ومغثث عيشتني بسبتهم ما يهتمون وانا طيبه مع خواته وكل شي يبونه أعطيه وهم عسل على عسل معي الحمدلله لك يارب و هي أمه طيبه بس كل ما تذكرت أنها حملت ولدها فوق طاقته بأيام العرس اكرههاااا والله اني أفكر أخذ كل الذهب واقفه بالزباله ولا أتذكر أمه خربت لي شهر عسلي ولا تنسوا زوجي كان واعدني باحلى شهر عسل
كمان انا ودي في رجال يحب ويعطي هدايا يحب الطلعات يمسك يدي كله ما لقيته في زوجي انا امسك يده لو طلعنا وكثير يقول لي فكي يدي يستحي؟؟ ما يقول لي كلام حلو لو سويت شي ما يهتم فيني كثير وانا كمان فيني عين وحسد وكوابيس ومرض معاي منذ الطفولة وانا اعاني والله أحس انه بيجيني انهيار عصبي والجاثوم واشياااااء وااايد في القلب قلت ابي بيت لحالي يقول منو بيجلس معك؟ هو في ديره وانا ادرس مع اهله في ديره ثانية فعلا كلامه صج بس كمان محتاجه خصوصية شوي والله ان قلبي صار يعوضني أحس بألم أخاف يصير لي شي وانا توني صغيره وما قد حكيت لاي حد غيركم ابي المساعدة يابنات دلوني اشلون أتصرف معه وكمان أخاف اني ألقى مواصفات الشخص اللي أبيه في غيره واحبه القلوب بيد الله كمان أن جامعتي مختلط وانا الوحيدة اللي متزوجه اشوف كل الأولاد ذوق يغني مستحيل اخون زوجي ابدددددد بس كمان ما اقدر اتحمل وانا احبه بجنوووووووون بس والله أخاف من الزمن اصارحه ما يجيب نتيجة وجدا يستهتر بكلامي ما يخذ به اما كل كلامي على الهامش مما يزيد جروحي مع انه يحبني ادري بس ما ادري ايش فيه اخخخخ بس يبارك ربي فيكم وفي دروبكم دلوني

اختي الله يقويك ..احفظي بيتك

[jojo 123456]

ممممممممممم موضوعك بدو كاسة شاااي الي عودة حبيبتي

[jojo 123456]

رجعناااااااااااااااااااااااااااااااا

اولا
ليكون في علمك حبيبتي انتي في نعمة كبيررررة احمدي ربك عليها ان زوجك انسان منو سكير او حشاش او مقامر او بيعمل علاقات مع الصباااياا احمدي ربك انو انسان بار بأمه يعني الي مافيه الخير لأمه ما فيه خير لزوجتو
ثانيا
بخصوص اللبس القصير والمثير والميك اب والحركات هذي رح كون صريحة معك هدا الشي عاادي بما انك قبلت من الاول انك تعيشي في بيت العائلة فتوقعي ان في خطوط حمرا للحرية ما لازم تتعدى غرفت نومك
ثالتا
تقولين زوجك منو رومنسي يا اختي يمكن نحن الستتات اكثر رومنسية بفعل متابعتنا للافلام والمسلسلات الهندية والتركية والمكسيكية الي البطل يعشف البطلة ويموت مشانها ويتمنى بس يلمسها هذا كلو وهم كبير عم يضحو علينا ويعيشونا في الخيال
زوجك ما يحب يمسك ايدك بالشارع ترا ها الشي عاادي انا زوجي ما يمسك ايدي الا اذا بنعبر الشارع الرئيس بيخاف تجي سيارة تصدمني منيح ان زوجك في حياء والله هذي نعمة
رابعة
بالنسبة للعلاقة الحميمة انا افضل انك تحكي معو بصرااحة تااامة ولا تخجلي ولا تسكتي لان هذا الشي ممكن يأثر على علاقتكن بعدين
خامسناا
بالنسبة لشهر العسل مادام ما رحتو لا بقئ تجيبي سيرة لان فتح ها الموضع المنتهي ما منو فائدة وأكيد الجيات أكثر ممكن تعملو برنامج في الصيف وتروحو اي مكان داخل او خارج الوطن وانسي موضوع أمريكا ترا السيد ترامب منع دخول المسلمين هههههههه

[انامل طفله]

اممممممم
جوفي حبيبتي ،، الرجل الشرقي مب نفس اللي في بالك ،، صحيح فيه قله قليله من الرجال
اللي في في مخيلتك ،، بس الاغلب اللي يكونون شوي جافين وجادين مع حريم..

الحب احيانا عند الرجل لما يلبيلك طلباتك ويوديك العياده بعيد الشر لا مرضتي
يجيبلك الدوا ويهتم بهاذي المتطلبات ،،
وامه .. هذي امه .. اذا ما سافرتي شهر عسل ممكن تسافرون ف الصيف
بس امه ،، انا في بدايه زواجي
ام زوجي كانت تقط خيط وخيط

تخيلي اقولها بروح انام عند امي يومين تقولي والله نحن ما زوجناج ولدنا عشان
تروحين عند اهلج ؟؟ كنت كله اصيييح وماعرف ارد عليها
كانت تتدخل حتى بعلاقتي الجنسيه
يعني هو يداوم في مكان بعيد ويجي الويكند
لما يجي اكون مع امه وخواته قاعدين يسلم ويقول بروح ابدل واجي
اتم قاعده مكاني انحررررج ،، تقولي امه روحي يمكن مشتهيج ويبيج
يعني بس تخيلي مكانج مكاني

المهم مالج بالطويله بالبدايه دخلت امي ف الموضوع وصارت مشاكل كثيره
زوجي قالي بالحرف هذي امي وانتي زوجتي وماريد ازعل ولاوحده فيكم طلعوني من الموضوع
وزعلت زعل منه ،،، بسسسسسس

بعد سنين اكتشفت ان اللي سويته غلط وهذي امي مثل ما هي امه
وتقربت منها وااايد ،، قمت اسولف معاها وو قالت كلمه تغثني اضحك
عرفت ان هذا طبعها وهي اللي بقلبها ع لسانها وناس وايد حاولوا يقولولي
كييييف تستكتين لما تقولج جي ليييش زوجج ما يرد !!؟ بس ناس فاضيه كانوا يبون
يسون فتنه ،، المهم صرت اقرب وحده لبناتها ولها شخصيا

تحب تطلع معانا وانا صرت استانس وااايد ،، البارحه رحت اخذ لي بخور والله واقول لزوجي
باخذ لامك بعد هذا عجبني ،، صدقيني تكبرين في عيينه
وانا عايشه معاهم في غرفه وحمام تكرمين وعندي بنتين ،، بس والله كبرت عقلي وكسبتهم
قبل لا اكسب زوجي

[عايشه يوسف]

كل الاخوات ماقصروا ماشاء الله كل نقطه ردوا عليك فيها
واكبر غلط انك تفتحين عيون زوجك وتقولين اخاف اطالع غيرك
لو غيره خذاك وطلقك علئ هالكلام لان شك بيجري فيه
وشكله واضح انك توك متزوجه او لك سنه لان اول سنة زواج مليانه مشاكل
لان كل كلا الطرافين لسئ يعرفون اطباع بعض
انتي علميه وش تبين باالجنس او افتحي معه النت وتثقفوا مع بعض
ودام اهله طيبين معاك لاتخسرينهم غيرك تبكي من ظلم اهله وتسلطهم
ودام ان الدين عشان امه فدوه لها هي تعبت فيه وربته
واللي يبر في امه ماتقولين ليه تاخذ عشان امك فلوس او غيره لان في خير فيها
وبيكون في خير لك ان شاء الله تدريين انتي وش يبقئ لك؟
يبيلك يجلسون عندك حريم ويحكون لك مشاكل كبيره بحياتهم
عشان تقولين اووه والله ان عندي زوج غييييير وحياتي احسن من غيري
القناعه اختي كنزززز ولاتطالعين احد لان اذا طلعتي غيرك الللي احسن من حياتك
راح تتعبييين نصيحه لاتخسرييين زوجك

[حيرانة]

سلام...الاخوات ماشاء الله ردو مليح لكن حبيت اظيف....دوام الحال من المحال...زوجك مع الايام راح يتغير نحو الاحسن في طبايعو و الفراش بالاخص انتي عليكي بالصبر...راح يفهمك و يتعلم تدريجيا انتي فقط لا تستعجلي ..و هاد الرومانسية راح تشيليها تدريجيا من راسك و تحل محلها المودة و الرحمة و راح تكوني راضية (عن تجربة)...الزواج = الصبر...اذا صبرتي راح تكون هاد المشاكل مجرد ذكريات ...و لا تخافي على الايام الحلوة مو شرط تكون الشهور الاولى عسل..انا بعد سنين زواج عشت ايام عسل مع زوجي احسن مليون مرة من شهر العسل و الشهور الاولى من زواجنا و الحمد لله ...لا تخلي تفكيرك ابدا ابدا يروح للخيانة و غضي بصرك حتى لا تكون مقارنة ...اياك ان تفتحي الابواب للشيطان يلعب بيكي و يخليكي ضخمي الامور ...فلا تزعلي من حماتك ...و احمدي ربنا انها طيبة معاك ومش مطلعة عينك....شوفي همو الناس تنسي همك الي هو اصلا مش هم...خلي زوجك احب الناس الى قلبك و حسسيه بحبك اكثر بدل ما تستسلمي للغضب و تصرخي عليه راح تنزلي من عينو و تكبر المشاكل بينكم..احبي زوجك واصبري راح يجيك المقابل منو ...والله يهنيكي حبيبتي.