حامل لا حامل لا.....وسوآس ريحوني منه

[دلوعه زوجي]

السلام عليكم
اخباركم انا جديده هنا
وحابتكم تساعدوني وتفيدوني انا من مده متابعه
المنتدى وحيل عجبني ووثقت فيكم
انا لسى عروس لي شهرين ونص متزوجه
وانا والله ماكان الحمل براسي نهائي بس زوجي كان يتمنى احمل بسرعه
مو ملح بس يقول افضل ولو لا مو شي بيدنا شي بيد الله
بسس متى صارت المشكله لما زوجه اخوه حملت وهي متزوجه معنا
انا والله ماتمنى لها الا كل خير بس الناس واهله لما يقارنون بيني وبينها
انقهر محسسيني اني ناقصه هي حملت وانا لا طيب هي حملت باراده الله
مو ارادتها ولا ارادتي شنو ذنبي انا لسى عروس حسسوني اني ماجيب عيال
واني لي ميه سنه ماحملت والله اسسسلوبهم مايطاق نضرتهم احتقارهم كلامهم
ولما تتكلم عني امه حطتني مريضه وفيني التهابات وانا والله مافيني شي الحمدالله
مادري ليش تسوي كذا وانا وربي يشهد ساكته ولارديت على اي احد نهائي
ابكي لحالي وادعي ربي حتى امي ماقلت لها لي بخاطري اول مره افضفض
الناس شيبت فيني وبزوجي يلحون عليه وكمان جاني مره احس الدموع بعنيه
يقول انه الكل مشفق عليه يقول الناس شفيها كانو فينا شي شفيهم علينا
ولي زاد قهره انه اخوه ماقاله ان مرته حامل للحين خايف يصيبه بعين قال للكل الا هو
وانا عشان زوجي والله مو عشان كلام الناس ولو انه جارحني ومضايقني بس عشان زوجي
حابه احمل من قلب مع اني لسى صغيره وادرس بسس لانه لي سوو فيه مو قليل وحابه افرحه
ااسسفه طولت عليكم بس يشهد ربي هذه اول مره افضفض عن لي بقلبي
انا برمضان بدايته جاني التهاب بالبول وانتم بكرامه ايالمني حيل ويبقى بعد ماطلع من الحمام المكان يألمني بس بقى معي 3 ايام ورحت الطبيب وراح وقالو عادي لانك عروس وبكر يصير
المهم الدوره كان يجيني المها على غير العاده قبل اسبوعين واكثر والمها يجيني
وكل شوي احسها خلاص نزلت بس ماتنزل المهم ب 20 رمضان نزلت نقط دم وقف
يوم كامل وثاني يوم نزلت بس مو كثير عادي وكانت 4 ايام على غير العاده اانا دورتي 6 ايام او 7 المهم غسلت يوم 25 يعني كنت نضيفه المهم لليوم دورتي مانزلت
لها تقريبا 21 يوم انا بالعاده ماحسب لها كثير لما كنت بنت لانها تألمني قبلها بيوم اوليلتها وادري بتنزل خلاص بس هالشهر جاني كسل ونوم مو طبيعي ونغزات بضهري ومكان الكلى وكمان بطني وارهااااااااااق عجيب مو طبيعي قلت يمكن حامل وفرحت
بس امس واليوم احس الم برحمي زي الم الدوره بس خفيف
وامس حسيت زي الما ينزل مني بشكل ملحوظ وللحين احس بالم زي الم الدوره على الخفيف يعني مو حامل او كيف؟ حد يساعدني وانا ترى مافهم شي نهاااااائي
لا بالتبويض ولا حتى المبايض وين ولاشي ولاشي ياليت حد يساعدني
وهل ممكن يجني الم الدوره واكون حامل لاني لما حسيت بالالم يأست شوي
واسسسسسسفه على الاطاله

ادعولي ماتجي مع اني احس بالمها