الله يعوضني .... دعواتكمم

[وردالمنى]

حبيبتى أوصاف يمكن أنا لسه عضوه جديده ومنعرفش بعض بس حابه اقولك انى كنت بعانى من تكيسات على المبيض من قبل الزواج ومكنتش بتجيلى دوره اصلا وانا بنت وكنت حاسه انى مش هخلف بس لما ربنا من على بالالتزام عرفت ان مينفعش اقطع الأمل فى ربنا وعملت تحليل مكلفه بعد الزواج لما اتأخر الحمل شويه وكنت لسه مورتهاش للطبيبه بتاعتى بس أنا اصلا صيدلانيه يعنى فهمت التحاليل ان الهرمونات ملغبطه جدا وزعلت شويه بس استغفرت ربنا وقلت الحمد لله ومعرفش ليه مرحتش وريت التحاليل للدكتوره وقلت لزوجى هستنى اما تجيلى الدوره الشهر ده قاللى بس هى اصلا مبتجلكيش من غير ما تخدى دوا ينزلها قلتله انا هستنى شويه يمكن ربنا يكرمنا من غير دوا وسمعت عن فضل الاستغفار ففضلت الشهر كله استغفر ربنا كل الوقت وانا بطبخ وانا بذاكر وانا قعده فاضيه وبقيت اصلى قيام الليل وادعى ربنا واقوله يارب انا فرغت من حولى وقوتى وحول الناس وقوتهم لحولك وقوتك وحدك ولما عدى شهر تقريبا من معاد الدوره اللى فاتت عملت اختبرحمل فى البول فملقتش حاجه ظهرت والله مزعلتش وقلت يارب انت كريم وقضاءك كله خير وأكيد هتكرمنى وفضلت استغفر تانى بعدها ب3 ايام حسيت بألم الدوره لكنها مجتش اتصلت بالطبيبه عشان احجز معاد روحلها تشوف التحاليل فطلبت منى اعمل اختبار حمل ف الدم قبل ما اروح وتخيلى مكنتش مصدقه نفسى لما طلعت دكتورة التحاليل وقالتلى مبروك انتى حامل
كنت حاسه انى هقع من طولى ولما رحت اتابع الحمل وريت الطبيبه التحاليل بصتلها واستغربت وقالتلى التحاليل دى مفروض انك متخلفيش قلتلها بس انا حامل قالتلى يمكن فى غلط فى التحاليل قلتلها لا دى قوة الدعاء والاستغفار والرجاء بالله وحده يمكن طولت عليكى بس حبيت احكيلك اللى حصل معايا انا دلوقت بالشهر التالت فى الحمل عقبالك ربنا يرزقك قريب يااااااااااارب بس انتى استغفرى ربنا قد ما تقدرى يا حبيبتى وادعيه