ماشاء الله تبارك الله أنا خذيت في ولاداتي السابقة كل الانواع اللي نزلتي صورها،،
وبالنهاية كان يضيق علي المكان و كنت اعطيه لأحد بعد ما البيبي يكبر شوي ،
السبب أنه انا احب الشي العملي ووقت ما ابغي اسبح البيبي اشوف انه حوض المغسلة اللي فالحمام اسهل بالنسبة لي ههههه
هذا كان يكسر الظهر اول شي تعبينه بالماي و تشلينه و بعدين ترجعين تفضينه من الماي و لو احد تعبث فيه يظل ينقط ماي و يسرب و يخرب لج الدنيا ،، فكنت وقت ما ابغي اسبح البيبي احمله على طول للمغسلة و اخلص اموري هههههه
ما احب اتم واقفة فترة طويلة غير هذا هو متعب ليش لنه ارتفاعه ابدا مش مناسب تظل ايدك مرفوعة و ما فيه امكانية انك تتحكمين في الارتفاع،،
بيني و بينج كنت اخذ بانيو للاستحمام اللي سعره جدا قليل اسبح فيه البيبي و انا قاعدة عالأرض و ما اخاف ينزلق او شي لغاية ما يصير 4 شهور اقلبها على الحوووض هههههه و بعدين خلاص من يبدا يقعد البيبي و يقرب السنة يصير يتسبح معايا على طول بدون تكاليف،،
حتى كرسي الاكل ما كانو عيالي يستفيدون منه يكون مرات ضيق عليهم و ما يحبونه نهائي ،، و يتمون يصيحون .
هالأشياء جدا مغرية و أنا على فكرة شفت هالموديلات من قريب جدا جدا في البيبي شوب و كان عليها خصم أيضا و لكن لما فكرت فيها و في تجاربي السابقة قررت ما اخذها ،،
لنه الكبت او الدولاب موجود عندي من الاساس جديد للبيبي و اغراض الاستحمام راح تكون في حمامي و خلاص.
بغض النظر عن السعر انتي شوفي نفسك لو عندك مساحة اولا ؟؟ انا ما احب الاغراض تظل عندي نهائيا .