【ツ】أحلى تجمع لأحلى حوامل التوائم 【ツ】 ‏الجزء الثالث

[REEM87]

عشمانه الف مبروك والله يرجعلك اياهم بالسلامه يا رب

[همس الموج]

الف الحمدلله على السلامه عشومه وان شاء الله تقر عينك بشوفت البنوتات يارب
تسلمي هيونه عالسؤال غرومه انا ماشي حالي الوحام زايد عندي الله يعيني عليه
والنوم كلا كابس على عيني

[هيونه]

غرومة أزيك يابنت عاملة أيه مع السنافر أجل حايسة تكفين لا تعلمينا وتخوفينا أحنا بدون شيء حاسين مع الحمل هههههه وحقك أجل تحسبين من سبق لبق إلا يعويله ^_^
هاه وش أخبار البنت ويا الترجيع وأولدك ان شاء الله أحسن
بأسئلك غرومة ألحين مراجعاتي صارت بعد اسبوعين في كل مراجعة اشعة أو بس نسلم على الدكتورة ونرجع ^_^

[رضاك ربي]

هيونة ههههههههه عجبتني تسلمي عالدكتورة وترجعي

غروم ربي يهديهم وييسر تربيتهم

همس مأجورة حبيبتي كله بأجره وربي يتمم بخير

[الفراشة الجميلة]

عشمانه الف الف مبروك والحمد لله على سلامتك وسلامة بنوتاتك والله يطلعهم لك بالسلامة وتفرحين فيهم يارب

[الفراشة الجميلة]

الله يبارك فيكم والله يتمم عليكم يارب
بنات ابي اسالكم كيف اعالج بطني بصراحه يخووووف كلها خرايط ولونه مغمق مره يصلح احط خلطات ولا لا لاني قيصريه
والله يعافيكم الي تعرف تسوي لي توقيع بعمر اولادي ياليت ولا عليها امر تسوي لي طبعا انا جبتهم في تاريخ 18-4-2011 بالهجري 14-5-1432
والف شكر مقدما
دنات المدينة حلوووين وعنايتهم حلوه بس ترا انا مااخذه غرفه خاصه يعني مدري هل المعامله تفرق او لا بس اهتمامهم فيك قبل العمليه واثناء العمليه وبعد العمليه بصراحه ممتازين
بس عيبهم انهم يخلون اطفالك معك طول الوقت عشان كذا لازم معك مرافق والا راح تنجنين لانك عمليه وماراح تقدرين تتحملين تعبك وتعبهم والعيب الثاني الرضاعه الطبيعيه هبلوا فيني لازم ارضع والعيال بسم الله عليهم انتي عارفه مايشبعهم الطبيعي خاصهاني تعبانه وماني قادره اجلس وقت ظويل من العمليه عشان ارضعهم فلذلك خلي احد يجيب لك صناعي واعطيهم والله يهون عليك ويقومك بالسلامة انتي وجميع البنات يارب

[الياه]

عشمانة في ربنا



حمدلله على سلامتج، وسلامة الحلوات
وألف ألف ألف مبروووووك العسولتين
الله يبارك لج فيهم ويحفظهم
ويجعلهم من مواليد السعادة البارين فيكم
ويتربون في عزكم ودلالكم

[ماء زير]

السلام عليكم بنات

اخباركم مع الحمل والتعب

الفراشه الجميله ...الحمد لله على سلامتك ومبروك ماجاك

عشمانه..مبروك والحمد لله على سلامتك والله يخلي لك البنوتات ويطلعهم بالسلامه

الياه...اخبارك ليه تختفين ولاتطلعين الا وقت الجدول والله يعطيك العافيه

لاتنسين بكره تحطيني في السابع

[الياه]

مساكم خير وزهور

شخباركم كروشات ورشيقات
وأحلى أمهات لأحلى توينز

أم سارةوسابلاء تسلمين على السؤال، والله يعينا على التعب
دانات، مختفية مب بكيفي أن شاءالله باخذ إجازة
وبحشركم 24 ساعة
أحلى توينز شخبارج وشو صار على موعدج أمس؟؟؟
طمنينا عليج

الفراشة الجميلة كنت بسويلج شريط بس سبقتيني
حمدلله على سلامتج مره ثانية
والله يحفظهم لج ويبلغج أياهم وهم من البارين الصالحين
ومن حفظة القرآن
همس الموج أن شاء الله تروحين موعدج وتسمعين نبض البيبي
والله يعينج على الوحام
وتراها فتره وبتمر ماجربتي تاخذين حبوب توقف الوحام؟؟

رضاك ربي مبرووووك العسولتين ، عقبال ما تفرحين بضمتهم
وشوفتهم أحلى عرايس، وخيركم من بكر ببنت
سبحان الله احس البنت بركه وتنفتح ابواب الرزق وياها
وبالعكس البنات دلال ودلع
وهم اللي يبقون لأم والأب غير عن الأولاد
تتعبين وتربين وتزفينه معرس والله العالم بيذكرج ولا لآ
أول غرام الله يعينج على الحوسة اللي أنتي فيها
بس ما تشتاقين لهم يوم ينامون
والله يجازيج عنهم خير جزاء
ألوان الحياه مبروووووك السابع وعقبال التاسع يا عسل

ماء الزير لا ضيقين عمرج ولا تشيلين هم
ان شاءالله الله بيثبت حملج ويفرحج باللي تتمنينه
صح مبروووك الخدامة الله يعطيج خيرها ويكفيج شرها

هيونه أخبارج ويا التعب ويا عمتج عساها مب متعبتنج
وعن المواعيد أتوقع كل أربع اسابيع بيسون لج صورة
إلا يوم تدخلين الثامن والتاسع بيتغير الوضع
وإذا ودج تشوفينهم دووووم اشتريلج جهاز التراساوند
وسوي لعمرج صورة متى ما اشتقتي لشوفتهم<<<< فكره خطرت في بالي بس مستحيله ههههههه
كاسبر الله يعينج على الغربه والحمدلله تأجلت عزومتج على
الأقل يخف عنج الوحام
ماء المسك نورتي المنتدى لا تحرمينا من طلتج

وباقي الكروشات بدون تحديد طمنوني عنكم

[الياه]

ماء الزير

ههههههههههه ضحكتيني أطلع بس يوم الجدول
شو اسوي البدر ما يطلع في الشهر إلا مره وحده
وأنا مثل البدر ما أطلع الا في الويك أند

لأنه دوامي يا طويلة العمر ماخذ كل وقتي
والويك أند عندنا مب مثلكم، عندنا
جمعه وسبت عشان جذي أدخل هالأيام
أو اذا فضيت خلال ايام الأسبوع
حاولت ادخل هالأسبوع بس كان الموقع معلق
وصح ما داومت بالخميس كان عندي موعد
بس رجعت والنفسية دااااون
يتني حالة كآابه فظيعه
بس اليوم غيرت جو، وتوكلت على الله
والله يكتب لي اللي فيه الخير