تجمع الجزائريات الغاليات المتأخرات في الحمل ‏

[الشاكرة -لله]

اختي ام نهى انشاء الله تحملي فالقريب العاجل
بصح ياك قلتي راجلك فالعراق يعني وكتاه تجامعتي

[ميمي 17]

المشاركة الأصلية كتبت بواسطة أم نهى الجزائرية

وقتاش يلحق الوقت نتاع الرقية والله غير تحيرت بزاف

اليوم كنت نخيط في صالون لوحدة عروسة والله غير حبست لخياطة كي عرفت بلي تاست نيقاتيف طاحلي المورال قلت على الاقل يبان لي هاد المرة اذا حمل او لا

يعني راني بين نارين ما باين كاينحمل و فرحت و تنهيت ما بان ماكان والو و كي العادة راني موالفة المهم اني نرتاح نفسيتي تعبت

والله ساعات نقول كون غير تهبط الدورةو نتهنا كرهت من الشك مع الاعراض الي ماشي حابة تروح ولا مخليتني ننسى ديماتنغز في ليل نهار


امانة دعولي ربي يفرج علي و يجعلني على بينة منامري

انشاء الله ربي يفرحك وشحال عندك زواج

[Nourelhouda]

ام نهى اذا سمحتي قولتي بلي تحكيلنا حكايتك ماحكيتيلنا الموضوع تاعك تاع الرقية و الجن المسلم،،،،ممكن تحكيلنا

[أم نهى الجزائرية]

اختي نور انا راجلي انجينيور في هاليبيرتون شركة امريكية هو "ماد انجينير"مهندس سوائل الحفر و ترقى ولا سينيور

وراه قريب يطلع يولي كورديناتور و انشاء الله يجي يستقر في لبلاد والله غير مليح وانا وحدي ديما هاز الكابة ديالو ومسافر ساعات حتى لعيد يكون ماشي معانا و في رمضان والله غير نضل نبكي ديما
يعني من بكى لبكا " المرض و الوحدة و الذرية"ربي يفرج علي يا رب

[الشاكرة -لله]

السي راجلي ناض من النعاس على الجوع
قالي جيبيلي وش ناكل
مادا بيك اختي ام نهى تحكينا حكايتك قبل ما نروح

[ميمي 17]

وشنهي الجن المسلم

[Nourelhouda]

الله يبارك،،،، العراق شابة بزاف طبعا قبل الحرب ،،، وقت صدام كانت روعة،،، عشت فيها و تمنيت نعاود نرجع بصح ناضت الحرب خسارة

[Nourelhouda]

نحي التفكير السلبي من راسك اختي ام نهى اتفاءلي و ربي يجيبلك الخير،،،،،،

[alma021]

ربي يفرج عليك اختي ام نهى

[الشاكرة -لله]

يا ختي ربي يسخرلك زوجك و يخليه ديما قريب منك
هكا راجلي كي يجيه مشروع يهز كابتو و يروح و انا نتبعو مرات بكابتي عند مواليا مرات نبقى مع عجوزتي
خاطر معاها خير نلقى الراحة و نحسها يما العزيزة لي ولدتني الله يرحمها و يوسع عليها
في دارنا لا بابا لا يما الله يرحمهم .. غير خاوتي و نساهم