【ツ】أحلى تجمع لأحلى حوامل التوائم 【ツ】 ‏الجزء الثالث

[احلى توينز]

أحلى توينز////
أنا هنااااااا تشوفيني
ههههههه والله من التعب
قامت تجئني ألام ما أدري من وين
المهم الحمدلله إنك تطمنتي
أنا بالنسبه لوزنهم بالسادس
كان وزنهم حلو قريب لنفس
وزن توينزك وقال الدكتور تمام
ماشاء الله[/quote]
..


ههههههههههههههههه مشكوره يالغلا .. ولا عاد تغيبوون مره ثانيه .. تعالوو نسولف و نستفيد من بعض ..
يارب يعدي للباقي علي خيييير إن شاء الله

[احلى توينز]

واآاآاآاآاآاآاآاآاآاآاآايييي !!
بناآاآاآاآاآاآاآاآاآات .. باركووووللللللللييييي ..
اللهم لك الحمد و الشكر كما ينبغي لجلال وجهك وعظييم سلطانك..
ماشاء الله تبارك الله . .. دخلت الشهر السابع ياآاآاآاآاآايي ياآاآاآاآاآاآاآاآايي ... بطيير من الفرحه ... والله الشهر السادس .. طووووييييل و دمه ثقيييل بس اللهم لك الحمد والشكر عدى على خييير .. .. الله يتمم ما بقى لي من الحمل على خييير ويرزقني توأم اصحاء سليمين معافيين من غير زايدة او نقصان .. ..


*******************


(( سبحانك اللهم يامن لا تضيع عنده الودائع .. اللهم إني استودعك واستأمنك توأمي الذي في رحمي فحفظهم من كل شر ونقص وبارك لي اللهم فيهم واتم حملهم على خيير .. اللهم احفظهم من فوقهم ومن تحتهم وعن يمينهم وعن يسارهم .. اللهم احفظهم من امامهم ومن خلفهم .. اللهم احفظ عقولهم وابصارهم وآذانهم وانوفهم وافواههم و وجوههم وافئدتهم واجسادهم وكل ما فيهم إنه لا تضيع عندك الودائع .. يا خيير الحافظيين .... .. ..
اللهم إني اسألك بكلمة انت قائلها سبحانك قلت وقولك الحق (( هو علي هين )) اللهم إني اسألك بهونه عليك ان تهون علي الحمل والولاده وان تبارك لي اللهم في اجنتي وتحفظهم من كل شر ونقص وتجعلهم اللهم سليمين معافين تامين الخلقه من غير زيادة او نقصان .. اللهم واتم حملهم على خيير .. يامن بيده ملكوت كل شئ وهو على كل شي قدير .. وصل اللهم على سيدنا محمد وعلى آله وصحبه وسلم ... ))

[الخمائل]

مبرووووك حبيبتي عليك السابع
من فرحتك فرحتيني وفرحت كأنه انا
الحمدلله عدى المشوار مابقى الا القليل
ودعاءك يشرح الصدر ..اللهم اميييين ي رب

[صفاء الروح]

مرحبا حبيباتي

صار لي ثلاثه ايام ما ادخل المنتدى وحشتوني

و السبب اني اوشكت على الولاده و في النهايه رقدت و ما ولدوني

بقول ليكم قصتي :

يوم الاحد في الليل تقريبا الساعه 8 حسيت بألم شديد في بطني و ظهري مع شد قوي اسفل البطن
و صادني افرازات بيضه كثيره . اصر عليي زوجي ياخذني المستشفى يطمن على وضعي و السبب اني ما كنت اقدر اتحرك من مكاني و بس اتألم . و صار لوني اصفر و بدأت احس بالدوار و الجفاف .

رحت المستشفى و خبرتهم عن وضعي .. عملوا لي كشف و طلعت مو مفتوحه بس لما وضعوا ليي التخطيط قالوا لي انه في طلق و لازم اولد اللحين

طبعا انا رفضت الموضوع و خبرتهم اني ابغي اطمنئن على حالتي لانه تعبانه مو الى لولاده
ما سمعوا كلامي و بدأوا اجهزوني للولاده .. غيروا لي ثيابي و سحبوا دم و ركبوا المغذي

و نادوا زوجي يستلم اغراضي و عطوه يملىء اوراق البيانات ؟!!! و أنا ابدا مو مصدقه الي اصير

نقلوني قسم الولاده و دخلوني غرفه قالوا لي بمر الدكتور بعد شوي عشان انشوف متى اندخلك العمليات ؟! طبعا انا في الغرفه و اسمع اصوات صراخ امهات يولدون و اصوات اطفالهم

كنت اتألم لين اسمع صراخهم بس ابتسم لين سمعت صوت اطفالهم . ظليت تقريبا نص ساعه
كل شوي اتمر ممرضه تسألني اذا كنت حاسه بشي او لا ؟ طبعا كل الي اقوله ليهم اني حاسه بتعبت الثقل من ظهري بس

طلبت الممرضه من زوجي اشوفني لمده خمسه دقائق بس لانه المكان ممنوع دخول الرجال
و دخلت شفته لحظات و كان خايف علي بس الممرضه طمئنته اني بخير و اي جديد بكون في تواصل بين المستشفى و بينه وبس طلبوا منه انه يطلع من الغرفه لانه ممنوع

وصلت الدكتوره وسولت لي كشف مره ثانيه و قالت انه ما انفتحت. و عشان جذي بخلوني عندهم للصبح تحت الملاحظة و براقبون الطلق . اذا استمر معاي بدخلوني العمليات الصبح
و اذا لا برقدوني لين ما يطمئنون على وضعي بالكامل لانه افضلون اسون لي العمليه في وقتها
بعد اسبوعين

طبعا ظلت معاي ممرضه في الغرفه طول الليل اتراقب تخطيط القلب و طلبت مني انام بس ابدا ما قدرت انام من اصوات الي اسمعها و من الخوف

الساعه خمس الفجر الطلق بدأ اوقف و قل الالم و بدأت احس بس بألم الثقل . عشان جذي نقلوني من غرفه الولاده الى مكان الترقيد . كانوا اتابعون ماي اول بأول وضعي الصحي
و ضغط الدم . اول ما وصلت الدكتوره طلبت منها رخصه لانه ما كنت مرتاحه من المستشفى
و ما اقدرت انام فيه . قالت لي صعب لانه خايفين اتصيدني اعراض ولاده مره ثانيه . قلت لها اول ما احس باعراض الولاده او اي تعب بسيط اكيد برجع المستشفى

بعدها طلبت الدكتوره من الممرضه تاخذني الى التراساوند . طبعا قالت لي الحمد الله وضعهم تمام و واحد من التوأم راسه فوق و الثاني معترض و اكيد بكون عمليه مو طبيعي

و قالت لي بتكتب لي على الرخصه بس بشرط اظل في السرير و ما اتحرك و اذا حسيت بأعراض الولاده على طول ارجع لهم عشان اجهزوني للعمليات .

و بس عشت اكشن غير طبيعي و ووصلت لقسم الولاده في النهايه ما كان في ولاده ؟

الحمد الله على كل حال و الله اتمم لنا جميع على خير

[غلا القلب]

مكعبات الغند

ان شاءالله ماعليهم خطر دامج عدتي المرحله الاولى من الحمل وهم الدكاتره ادرى باللي يسونه لكن اهم شي استخيري واتوكلي على ربج اذا كان فيه الخير لج ولتوينزج راح تمشي الامور بسهالات



احلى توينز

الف الف مبروووووك حبيبتي دخولج السابع وعقبال التاسع يارب وربي يتمم لنا ولكل الكروشات على خير




صفاء الروح

لج وحشه والله واتحمست وانا اقرا الاكشنات اللي صارت معاج اتخيلت نفسي مااقدر اتصور كيف بيكون الثجل ربي يساعدنا ويأجرنا ان شاءالله*

[صفاء الروح]

المشاركة الأصلية كتبت بواسطة غلا القلب

صفاء الروح

لج وحشه والله واتحمست وانا اقرا الاكشنات اللي صارت معاج اتخيلت نفسي مااقدر اتصور كيف بيكون الثجل ربي يساعدنا ويأجرنا ان شاءالله*

مشكوره حبيبتي غلا القلب .. تسليمن و الله و انتوا وحشتوني اكثر كنت محتمسه اخبركم بالاكشن
احب اسولف و افضفض لكم . تحسون بشعوري اكيد

[الخمائل]

صفاء الروح
الله يهون عليك
وربي وانا اقرا كلامك حسيت بمغص لاني جربت غرف الولاده والقلق
الله يصبر قلبك وقلوبنا جميعا
ويسهل امرك وتولدين ع خير

[الخمائل]

بنات بسألكم سوأل
يصير اخذ كبسولتين كالسيوم سوا لاني ماصرت اخذهم مرتين باليوم اوقات انسى واقوات مافيه وقت
حتى كبسولات الحديد نفس الشي
انتظر ردكم

[الشرف الرفيع]

السلام عليكم
ايش هذا ياصفاء الروح الله اكشن لاتحسدي عليه ههههه حمد لله على سلامتك انا لو منك اقولهم ولدوني /وحده ماعندها صبر
احلى تونز مبرووك السابع صرتي رففيقة درب بس انا سابقتك باسبوعين
الخمايل لاتتهوري وتاخذي حبتين حبوب ايا كان نوعها انتبهي سويلك تنبيه لموعدها افضل وماراح تنسيها ان شاء الله

[Haif]

مساء الخير بطبوطات

كيفكم مع التعب والثقل

مبروك احلى توينز
والله الايام صارت تجري وعقبال التاسع يارب وتفرحين بضمتهم لك يارب

صفاء الروح
والله حاله مع هالمستشفيات ورعب دخولك غرفة الولاده وتسمعين هذي تصرخ و هذه تتالم بس احلى شيء لما تسمعي صوت البيبيات اللع يبلغنا اللحظه هذه آمين
انا دخلت غرفة الولاده الجمغه اللي فاتت بس ماقابلت احد يتالم كانت الغرف فاضيه
وان شا الله ماتولدين الا بموعدك يارب

الخمايل
ماظنيت ينفع تاخذين حبتين كالسيوم
بس ليه يعطونك حبتين انا جميع الحبوب على مره وحده
ماادري باقي الكروشات الحبوب تاخذونها مره او اكثر

الشرف الرفيع
كيفك وكيف الكتاكيت

مكعبات الغند
ربي يكتب لك اللي فيه الخير اساخيري وربي يختلر لك ولاجنتك الخير يارب

ام عبدالرحمن
من قالت معها مغص ومادخلت طمنتنا يارب المانع خير

انا والله اد الايام على الولاده احس قربت اقل من شهر خايفه ومبسوطه بنفس الوقت ربي يسهل لي ويتمم لي هالشهر اللي باقي
طبعاً للحين ماحددوا لي موعد العمليه بس قالي الدكتور ان العمليه في الاسبوع الثاني من التاسع في التوام مانصبر اكثر *