تجمع الجزائريات الغاليات المتأخرات في الحمل ‏

[أم أنس السلفية]

السلام عليكم كيف حالكن يا جزائريات ان شاء الله تكونو بخير و تفرحو عن قريب ... اختي بارا ان شاء الله العلاج يكون ساهل و انتي اصبري و ادعي و ما تمليش و توكلي على الله ........ أما انا المفروض الدورة غدوة تجي و ما نحكيلكمش على التوتر و القلق حابة نسقسيكم انا من يومين تنزل مني افرازات كثيرة لزجة و الامس نزل دم وردي و اول مرة يصرالي هاكدا انا متعودة قبل الدورة تنزل افرازات بنية الي تعرف تجاوبني ربي يحفظكم و يفرحكم

[bicha24]

المشاركة الأصلية كتبت بواسطة bara

حمدلله على كل حال
ان شاء الله تبشرينا ياختي بيشا يوم السبت
انت سامعة عن سماكة جدار البويضة فالي دكتور ان قبل يرقو الجدار بعملية ولكن كاين دواء يرققها لكن علاجها مطول شوي قالي اصبري

الله سبحانه و تعالى قادر ع كل شيئ بس ادعي و استغفري و صدقي وان شاء الله كل شيئ يهون و في اسرع و قت فالله يرزقنا من حيث لا نحتسب

[Nourelhouda]

سلام الزينات لاباس!؟!؟ كاش جديد ،،،، مازالني مع المرارة و حجرها و رانا في نهاية السنة امتحانات تصحيحات مناقشات وووووو ندي كونجي في جويلية يعني نصوم اسبوع و ندي كونجي

[أمة الرحمان السلفية]

السلام عليكم

[أمة الرحمان السلفية]

المشاركة الأصلية كتبت بواسطة Nourelhouda

سلام الزينات لاباس!؟!؟ كاش جديد ،،،، مازالني مع المرارة و حجرها و رانا في نهاية السنة امتحانات تصحيحات مناقشات وووووو ندي كونجي في جويلية يعني نصوم اسبوع و ندي كونجي

وعليكم السلام
اهلا اهلا اهلا وسهلا بالقمر وبزين تاعي طل البدر نور الهدى حبيبتي ولله غير توحشتك بزاف بزاف بزاف كيفاش راكي تقلقت عليك ربي يشفيك عزيزتي ويسر امورك

[أم أنس السلفية]

السلام عليكم راني عارفه كثرت الاسئله و لكني في حيرة و نتمني تجاوبوني انا دورتي المفروض اليوم تجي و مازال ما شرفتش و الامس نزل قطرات دم ومن تم راه عندي جفاف تام في المهبل جابلي زوجي تاست بصح ما رانيش قادرة نصبر حتى غدوة ريحوني ولو بدعاء
يا رب ارزقني و كل محرومة بالولد الصالح يا رب

[bassouma]

صباح الخير لبنات واش راكم كانش جديد انا منتدى محبش يفتح من بيسي راني غير من تليفون
ام انس ربي يفرح قلبك و يرزقك الحمل هذا الشهر

[سمراء]

مساء الخيرات راني رحت لطبيبة قاتلي عندك نزيف جاك من دواء لعشاب راها عطاتني تريتمو باش تريقلي الدورة وتحبسلي لمراجي وطمنتني على بويضات قاتلي راهم لباس عليهم تهلاو في رواحكم وتهلاو إدعولي

[سمراء]

بارا حبيبتي ربي يحفضك لطمنتيني عليك والحمد الله على كل حال ربي يفرحك ويفرحنا كاملين وربي يقربنا لبعيد يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااارب

[أم أنس السلفية]

السلام عليكم يا جزائريات يا الغاتليات الحمد لله انا حامل عملت تاست يوم الدورة بعد الظهر وظهرلي خطين و عاودته الغدوة في الصبح شظهرلي خطين واضحين الحمد لله و يارب يرزقكم كامل و تكونو حوامل في اقرب انتوما عليكم بالدعاء و الصبر وما تنسوش تدعو الله باسمائه الحسنى و تدعوه في كل وقت و خاصة اوقات الاجابة و ان شاء الله ربي ينولكم الي في قلبكم يا رب يا مجيب الدعاء يا رزاق يا كريم ارزق كل محرومة من الولد بالولد الصالح