【ツ】أحلى تجمع لأحلى حوامل التوائم 【ツ】 ‏الجزء الثالث

[REEMAS]

صباح التعب من قله النوم اخباركم كروشات
ام عائشه واماني طمنونا عنكم وينكم.؟؟
اخباري امس بالليل ما قدرت انام من مفاصل رجلي حسيت بالم مو طبيعي واحس واحد من الاجنه وضعه مولم جنب ضلعي اليمين وقمت ابكي >> قلت لكم ام دميعه..وقلت لزوجي خلاص في موعدي يوم الثلاثاء بكون 35 اسبوع وويوم بخلي الدكتور يحدد لي موعد ولادة احس نفسي خلاص وصلت حدي وقلت قبل الموعد بصلي استخارة والله بيكتب لي اللي فيه الخير...استمتعو يابنات بالاشهر اللي قبل لان الثامن جدا جدا متعب

[اسماء ف]

صباحكم هنا وسعاده باذن الله
انا راح اقولكم اخباري بسرعه امس ذهبت لطبيب الاشعه وعملت الدوبلر ولاقيت اني كده في اول التامن بس المشكله ان حبيبي نموهم زايد بسبب السكر وهذا موشر خطر جدا لانهم ناطين اسبوعين في النمو الحجم بس فمستنيه بكره لما اروح موعدي بفارغ الصبر علشان الدكتور راح يحدد لي ميعاد العمليه ادعولي قلبي بدء يرجف من الخوف عليهم

[ام عبودي وسيفو]

آآآآآخ يا ريماس ما تعب الشهر الثامن و انا متمنية بس وحدة ترد علي من حوامل التاسع , انا احس كل العلاجات اللي كنت آخذها و تريحني , ما صار لها مفعول بآخر هذا الشهر , كنت آخذ حبوب للحرقان قبل العشاء ,اتعشى من هنا و انام من هنا للصبح , هالحين بس احط راسي على المخدة و اختنق و احس و كانه موت يا رب , غير آلام بكل جسمي و كل مفاصلي
ريماس اصمدي لو بس اسبوع او عشرة ايام زيادة , و الله يهونها

اختي اسماء ان شاء ما يكون عليهم شر , اظن اسبوعين و انتي بالشهر الثامن مو خطر , تقدري تكملي الشهر الثامن باذن الله , على كل طمنينا عنك بعد الموعد ,
ما اعطيتوني رايكم في سؤالي عن المستشفى

[ام عبودي وسيفو]

بداية امومة استودعيهم رب العالمين و هو يحفظهم لك ان شاء الله , بالنبسة للدم عادي لكن اذا الالم شديد انصحك تروحين للدكتورة

اللهم اني استودعك نفسي و وزوجي و اطفالي و ما في رحمي , فاحفظنا و عافنا يا كريم

[REEMAS]

ام عبودي انا رائ من رائ دكتورتك لازم تفتحي لك ملف اول يوم في التاسع علشان الدكتور ياخذ خلفيه عت حالتك قبل الولادة وساعات الحكومي يفضل تحاليله واشعته على الخاص وهاذا رائ وانتي مو خسرانه شي
وبالنسبه للحرقان لا تذكريني انا اخذ حبه زنتك قب الاكل بنص ساعه واحاول اتعشى بدري وبعد الاكل من كيفي اشرب ملعقه ميلوكس للحرقان وبعد يجيني ويزيد اكثر وقت النوم احس كاني برجع وامسك نفسي ومعاها تجيني كتمه نفس اقول خلاااص نفسي بيوقف لازم اقوم من النوم واقعد شوي او امشي شوي علشان يرجع لي النفس وكله كوم والتشنج اللي يجي في رجلي كوم هم لازم اقوم من النوم امشي علشان يروح بالله عليكي كم ساعه على بعض انام هههه ويقولون لنا امهات التوام خزنز نوم قبل الولادة خاطري اعرف كيف خخخخ
اي صح بسالك ايش اهي اغراض الصيدليه انا بعدي ما اخذتها وايش اح تشتري حليب والا راح تنطرين الدكتورة تكتب لك على حليب والا لدكتورة مالها خص ما تكتب >>>خبرج اول بيبي ما اعرف
وبالنسبه للعربيه وكرسي السيارة والسرير الخشب الكبير والهزازة ودولاب ملابس لهم راح اشتريهم ان شالله بعد الاربعين

[Nourah]

.
.

الله يهون على الجميع يآرب
تحملو بنآت وان شاءالله
نهآية هالتعب رآحه ..

خوفتوني والله من الي جآي الله يعيـن يارب ..

بنات حبيت اسالكم متى بديتو تجهيزآت ؟؟ وكيف كان الامر
متعب ولالا؟!

وبالنسبه لكروشآتكم .. اذا كنتو بكريآت يبين كبيرر مرره ولا؟
يعني ممكن احد ينتبه انك حآمل بتوام ولا عآدي مايبين اذا كنتي بكريه؟؟
وحبيت اسألكم فيها خطر لو سافرت بالسياره ؟ بأول الرابع ولا؟
===========

عندي اسئله كثيررررر بس حآبه استفيد من خبرآت الي سبقوني بالاشهر !!
لأني بكريه وبعيد عن اهلي الله يكون بآلعون ,,

.
.

[REEMAS]

نورهان انا بديت تجهيز من اخر السادس وكنت كاتبه لسته علشان ما انس شي وارجع مرة ثانيه وعشان عرف الاماكن وما مشي كثير وبعض الاغراض جابتها لي امي وحاولي ما تكون طلعاتك يوميه عشان ما تتعبي انا كنت اطلع يوم في الاسبوع وساعه ساعتين يالكثير واغراض البيبي انا اخذتها من مذركير وبيبي شوب يعني محلين تخلصين فيهم اغراضهم
وانا من رائ ما تسافرين احنا اغلبنا في التجمع الى يومك حابسين نفسنا من الطلعات والزيارات الا للضرورة لان حمل التوام فيه خطورة واي مجهود زايد يضر بالحمل تخيلي انا في الثامن ويوم واحد اجهدت نفسي بالمشي كنت احجز ضيافه للمستشفى وعلى طول نزل على دم قلت في الثامن يعني امان بس الدكتورة نصحتني اني ما اتحرك الا للضرورة
وبالنسبه للبطن انا بالنسبه لي بطني احسه من الخامس بدا يبان

[Nourah]

المشاركة الأصلية كتبت بواسطة REEMAS

نورهان انا بديت تجهيز من اخر السادس وكنت كاتبه لسته علشان ما انس شي وارجع مرة ثانيه وعشان عرف الاماكن وما مشي كثير وبعض الاغراض جابتها لي امي وحاولي ما تكون طلعاتك يوميه عشان ما تتعبي انا كنت اطلع يوم في الاسبوع وساعه ساعتين يالكثير واغراض البيبي انا اخذتها من مذركير وبيبي شوب يعني محلين تخلصين فيهم اغراضهم
وانا من رائ ما تسافرين احنا اغلبنا في التجمع الى يومك حابسين نفسنا من الطلعات والزيارات الا للضرورة لان حمل التوام فيه خطورة واي مجهود زايد يضر بالحمل تخيلي انا في الثامن ويوم واحد اجهدت نفسي بالمشي كنت احجز ضيافه للمستشفى وعلى طول نزل على دم قلت في الثامن يعني امان بس الدكتورة نصحتني اني ما اتحرك الا للضرورة
وبالنسبه للبطن انا بالنسبه لي بطني احسه من الخامس بدا يبان

مشكوره ريمآس فديتك ..
المشكله ان عرس اخوي قريب :(
وانا اكبر خواته احس صعبه لو مارحت
وبنفس الوقت
زوجي يقول خطرر .. احيان اقول نفس كلامه واحيان اقول
الي كاتبه الله بيصير بستودعهم الله ..
والله مدري احترت الله يعين بس
والاغراض شكلي نفس الشي بخلي امي تساعدني فيهم
==========
بنآت الحين لآزم عملية ؟ للبكريه او لغيرهآ
مايصير طبيعي لو اخذنا مثلأ ابرة الظهر ؟!

اشوف الاغلبيه يتكلمون عن العمليه ماحد قآل طبيعي
انا متوقعه انها عمليه بس ام زوجي تقول الطبيعي احسن
وهالشي تحدده الدكتوره .. بلاشهر الاخيره صح؟
><!!!

[Haif]

نوره

استودعيهم ربك وروحي الزواج بس لا تتحركين بحكم انك حامل كل الحوامل ماتتحرك بالزواجات حتى لو قريب لها مره سواء حامل بواحد او توأم

واذا على التجهيز ابتدي جهزي شوي شوي لا ترهقين نفسك
انا بديت من اول ماعرفت جنسهم ادخل مره كل اسبوعين واتقضى على خفيف نص ساعه او ساعه بالكثير واطلع
والحين الحمد لله تقريباً خلصت باقي اغراض الصيدليه لاني كنت خايفه من الثقل بالاشهر الاخيره او انه تجيني ولاده مبكره
ربي يتمم لنا

انا سالت دكتورتي عن الولاده قالت لي كل شيء يتحدد باخر الشهور اذا واحد منهم مقعدي لازم قيصري لان ممكن واحد يطلع طبيعي والثاني مايقدر يطلع فنضطر نسوي لك قيصري فنسوي قيصري مره وحده بس اذا راسهم اثنينهم نازل بتولدين طبيعي
انا بنت خالتي ماشاء الله بكر وجابتهم طبيعي
ربي يكتب لنا الخير وين ماكان ونشوف صغيراتنا بصحه وسلامه يارب *

[Nourah]

*

اهلين ..

ان شاءالله بستخير الله والي فيه الخير الله بيكتبه لي..

===========

بالنسبه للتجهيز انا فكرت بالبدآية اول ماعرف جنسهم
اجهز الاشياء الضروريه واذا صرت ثقيله او ماقدرت اكمل
اخلي امي تكمل عني ان شاءالله ...

-------------

الله يقر عيني وعيونكم بشوفة التوينـز بصحه وعافيه
بعد هالمشوار الطويل الي مآشين فيه ..

.