تجمع الجزائريات الغاليات المتأخرات في الحمل ‏

[basouma26]

صبورة و نور الهدى ربي يحفظكم ان شاء الله و يرزقكم ضعف ما تتمنو يااااااااااااااااااا رب
جميلة و الله غير قطعتي قلبي الله يرحم بنت عمك و يستر هادوك ليتيمات ان شاء الله يغيضو بصح هادا مكتوب ربي الله يعطيكم الصبر و لماليها

[bassouma]

مساء الخير لبنات
بسومة شكرا حبيبتي ربي يكملك كلش على خير
صبورة هو يقولهم مشي أنا مام طبيب قاله متقولش حتى واحد من العائلة بصح حنا مرض فيك و لا في راجلك تسمعي الهدرة زايدة
جميلة ربي يرحم بنت عمك و يعوض محبتها بصبر و هذوك ليتيمات ربي يكون في عونهم

[alma021]

جميلة اختي عظم الله اجركم وربي يصبركم انا لله وانا اليه راجعون ربي يرحمها ويبدل محبتها بالصبر ويمون في عون هدوك اليتيمات مساكن والله غيرقطعتلي قلبي ربي يرحمها ويجعل مثواها الجنة

[نور اليقين]

المشاركة الأصلية كتبت بواسطة جميلة الجزائرية

السلام و عليكم
واش حوالكم ؟
انا راني في حالة ربي يفرج .. راهي تخلطت عليا عمليتي في 26 جانفي انشاء الله و بنت عمي ربي يرحمها و يوسع عليها اليوم توفات و خلات زوج بنيتات ربي يكون فعونهم و عوننا وحدة 7 سنين موصلتهمش و الصغيرة 5 سنين ... صغار مساكن و تحرمو من امهم الغالية يا رب صبرنا يا رب
عملت عملية على القلب من حوالي 15 يوم و فطنت بعد 24 ساعة من العملية بعد ما توقفو اعصابنا فهادوك ال 24 سنة
ايه و من بعد بقات فالكوما ايامات و خرجوها عادي لغرفة
مو البارح كانو دارنا عندها بصح قالونا حالها ما تعجبش خاطر الجرح تاع العملية ما راهش يبرا خلاص و الدم مازال ينزف
جابولنا صورتها .. صوروها بالبورتابل بصح كانت فانية مسكينة راهي تعذبت رشاها المرض ... كانت تقول منديرش العملية حتى البنات يفكرو شويا و يدبرو روحهم .. كنا ديما نقولولها ديري يا ختي متخليش حالتك تزيد
و اليوم على 2 تاع الليل ضاقت عليها قالت خرجوني نشم شويا الهوااا بصح ولا وحدة كانت تم .. اه على مستشفيات الزمان هادا بوغطون بريفي و لازم يقيمو بالواجب امالا هي ناضت وحدها ... و مسكينة شمت الهوا كيما كانت حابة و هي راجعة لبلاصتها طاحت فالارض و توفات ربي يرحمها و يصبرنا عليها
اه يا صليحة ربي يرحمك هدرتك معايا البارح مزالها بين ودنيا ... عيطتلي و تودع سبحان الله ... تسقسي على كامل العايلة و تسلم عليهم
راحت راحت راحت بنت عمي العزيزة ربي يصبرنا ... ربي يصبر بناتها مساكن صغيرين ملي راحت و هوما يسقسيو عليها ماما وين ؟ وين ماما ؟ اسخايلو فالعمر هاداك و يديو جداتهم ام ابوهم و يقولولها افتحيلنا غرفة ماما
المهم طولت عليكم يا البنات ادعولها بالرحمة و المغفرة
اسمحولي راني نكتب و عينيا مليانين دموووع
راني نستنى فالصباح يطلع باه يوصلو من العاصمة و نشوفها لاخر مرة

اختي جميلة عظم الله اجركم واحسن الله عزآكم واسكن الله فقديكم فسيح جناته وان لله وان اليه راجعون الله يرحمها ويثبت لسانها عند السؤال يارب دعيولها ربي يصبر ميمتها و بنياتها يشفو ربي معاهم

[Nourelhouda]

امينة واش راكي لاباس !؟!؟!؟

[alma021]

مريومة هبلتي كيفاه تروحي تخدمي بالثقبة احي الغار ههههههههه ويانيس مشي تلصقيه فالحيط لصقيه في عينيك وقليل فيه
ريحانة ربي يعطيك وقفة ساهلة مليح وليدك زايد فالبوا يجي مبنبن ادعيلنا بالاكي تنساينا
نور الهدى انساي وخليها على ربي انا كنت نقول وقيلا مكاش اللي يفوتني فالتخمام ساعة انت راكي فايتتني وتطلعي وتهبطي ربي يفرج
نور اليقين عجبتيني مليح انت راكي تقابلي السيئة بالحسنة ربي يعطيك على حساب قلبك
سهام علابالك اانا لعام الدوزيام تاع الزواج تاعي ديتها غير مهاوشة ومفاتنة سقسي المجرب ماعليا غير نقولك بون كوراج
صبورة كلامك عسل مشاركاتك الله يبارك ربي يفتح عليك حبيبتي
بسومة 26 الحمد لله كي طلعت النسبة ديما ندخل نستنى غير وينتا تقولي طلعت الحمد لله
بسومة ننصحك جامي تقولي اسراركم لماليك ولا ماليه رانا في وقت مكاش اللي يرحمك فيه غير اللي يجرح
واخيرا اخباري هههههههههههه جات المحروسة جات يويو يو يوييي كون جات بالقتيلة نقتلها خلاص هبلت

[نور اليقين]

المشاركة الأصلية كتبت بواسطة bassouma

مساء الخير لبنات
بسومة شكرا حبيبتي ربي يكملك كلش على خير
صبورة هو يقولهم مشي أنا مام طبيب قاله متقولش حتى واحد من العائلة بصح حنا مرض فيك و لا في راجلك تسمعي الهدرة زايدة
جميلة ربي يرحم بنت عمك و يعوض محبتها بصبر و هذوك ليتيمات ربي يكون في عونهم

ياااااااااااااااااااا راه عندي نقول مانقولش الهدرة هاديك ونالقاهم هما يعاودهالي ندوخ منين جابوها عندي سيار وعيونيه عراض يطيح كلشيء تقول كما يقولو بكري ماتكليش من الكسكاس لا تتزوجي مع راجل يعاود الاخبار ياك طحت فيها شكيتني كليت فالكسكاس الكبير انتاع العراس

[نور اليقين]

ريحانة ربي يعطيك وقفة ساهلة يارب وتسلكي بخير وعلى خير وماتنسايناش كتكوني بالسطر لكبير انتاع الزيادة تدعيلنا راهي مستجابة باذن الله

[نور اليقين]

المشاركة الأصلية كتبت بواسطة alma021

مريومة هبلتي كيفاه تروحي تخدمي بالثقبة احي الغار ههههههههه ويانيس مشي تلصقيه فالحيط لصقيه في عينيك وقليل فيه
ريحانة ربي يعطيك وقفة ساهلة مليح وليدك زايد فالبوا يجي مبنبن ادعيلنا بالاكي تنساينا
نور الهدى انساي وخليها على ربي انا كنت نقول وقيلا مكاش اللي يفوتني فالتخمام ساعة انت راكي فايتتني وتطلعي وتهبطي ربي يفرج
نور اليقين عجبتيني مليح انت راكي تقابلي السيئة بالحسنة ربي يعطيك على حساب قلبك
سهام علابالك اانا لعام الدوزيام تاع الزواج تاعي ديتها غير مهاوشة ومفاتنة سقسي المجرب ماعليا غير نقولك بون كوراج
صبورة كلامك عسل مشاركاتك الله يبارك ربي يفتح عليك حبيبتي
بسومة 26 الحمد لله كي طلعت النسبة ديما ندخل نستنى غير وينتا تقولي طلعت الحمد لله
بسومة ننصحك جامي تقولي اسراركم لماليك ولا ماليه رانا في وقت مكاش اللي يرحمك فيه غير اللي يجرح
واخيرا اخباري هههههههههههه جات المحروسة جات يويو يو يوييي كون جات بالقتيلة نقتلها خلاص هبلت

ربي يجعلها اخر مرة وماتزيديش تشوفيها الا بعد 9شهور انتاعك جات وانتاعي راهي تبيبي راهي فالطريق ياااااااااااارب رحمتك

[نور اليقين]

يبنات رايحة نسقسيكم على خلطات الدكتور الهاشمي راهي وحدة من الاقارب تستعمل فيها وعندها 6سنين زواج وهاد المرة جابو الجرعة الاولى وزادو الجرعة الثانية قالتلي باللي حملت و وماكملتش الفرحة سقط الجنين ومدلهم الدواء ليها والراجلها وقالتلي انا راني نجيب فيه من فرنسا من مركز الدكتور الهاشمي وقالتي باللي راه كاين مركز انتاعو في قسنطينة واش قلتو وبشحال يكون دواه غالي ولالا