تجمع الجزائريات الغاليات المتأخرات في الحمل ‏

[om.mess'ab]

المشاركة الأصلية كتبت بواسطة غفران شكران

الحمد لله راكم هنا وآلله قلبي راه طايب البارح وصلت كبيرة بيني وبين راجلي مانكذبش عليكم راجلي ملي خذيتو وانا نعاملو كي السلطا ن كلش للفم لدرجة نقي لو القرنون ونعطي لو اللب صافي ورضيت بزواجه وما سلكتش يخلي الاخرى راقدة و يكسرلي راسي أنا اللي خدامة مايقدرش حتى يجيب لروحو كاس ماء وما يعذرش بصاح ماعدتش نتحمل كيما بكري سورتو مع وجود اخرى ورآه منايفني مانيش عارفة وين توصل وانا أهلي في العاصمة ومانحبش نحكي لهم راكو عارفين الكبا ر ومرضهم راني مسكرة النقال ومزية كاين الميكرو ولا راني هبلت

الله يكون فى عونك اختى غفران نشالله يفرجها ربي من ويكتا تزوج؟

لازم تعرفي اذا معاملتو ليها كيما معاملتك انت


والا راهى حابة يطيشك ويبقالها ليها ممكن عملتلو عمل لا قدر الله مجرد افتراض ماتروحيش لبعيد ... وشوفى انتى واوضاعك علاش يتصرف هكا معاك



الراجل مايلزملوش شبيك لبيك

كيما يقولو الراجل اذا شبعتيه يطير

[AMAL JADID]

المشاركة الأصلية كتبت بواسطة غفران شكران

الحمد لله راكم هنا وآلله قلبي راه طايب البارح وصلت كبيرة بيني وبين راجلي مانكذبش عليكم راجلي ملي خذيتو وانا نعاملو كي السلطا ن كلش للفم لدرجة نقي لو القرنون ونعطي لو اللب صافي ورضيت بزواجه وما سلكتش يخلي الاخرى راقدة و يكسرلي راسي أنا اللي خدامة مايقدرش حتى يجيب لروحو كاس ماء وما يعذرش بصاح ماعدتش نتحمل كيما بكري سورتو مع وجود اخرى ورآه من أيفني مانيسا عارفة وين توصل وانا أهلي في العاصمة ونحبش نحكي لهم راكو عارفين الكبا ومرضهم راني مسكرة النقال ومزية كاين الميكرو ولا راني هبلت

صح عندك الحق
انا في زواجي حبيت ندلل راجلي لابعد الحدود بصح اكتشفت انو في الراجل طبيعا

كي تحطي راسك شويا برك يعفس

قتلو انا نعزك و نحبك انا كي لمرايا
واش تشوف انا نعملك تتهلا فيا نتهلا فيك
تكسرني نجرحك
تمسحني و تلمعني نبينلك صورة مليحة تخليني مدودا تشوف الدود

ولا يعرف يتعامل و تبدل بزااااااااااااااااااف

منقولكش غلطتي و دللتيه بصح راه عارف مليح قيمتك و مهما جاب 100 مرا انتي الاولى

مرة سقسيت راجلي قتلو راني كي صحبك هههههههههه نسقسيك جاوبني بصراحة بلا مجاملة
المرة الاولى ينساها الراجل ؟؟؟ يبدلها ؟؟؟ تجي وحدوخرا صغيرة و تنسيه فيها؟؟
قالي جامييي حتى و تكون شيطانا تقعد في بالو سورتو ادا كانت اول شئ في حياتو

الملخص انها الجديدة هي الي تخاف
اصلا هو تزوجها للخلفا و انتي علابالك بهاذا الشئ
و انتي صبر معاك 10 سنين و انءكدلك و ماجيبلوش دراري يكرهها

بعدي على مشاكل التافهين و استغلي يامات الحلوين كي جي لعندك
حسسيه بلي 10 سنين كنا بيهم بلا دراري و عشنا الحلوا و المرة
جامي تخلي لخرا دفي دارها و يتقرب ليها كثر و انتي تخربي دارك على الاقل في وجه وليدك

[غفران شكران]

والله مشكووووووووووووووووووووووورات يا أخواتي علا بالي راني نخاطب فحالت وشكرا ام عمر وأم مصعب على أحاسيس كم الطيبة أصلا هاذيك ما راه يش هامتني لآني دايرتها ماشي من مستوايا أصلا وعندها سبع اشهر زواج ومازال ماعندهاش وكل يوم عند طبيب راهي مخلوعة علابلها زادها على الدراري خاطرش ما كان خاصوا والو معايا والناس كامل تشوكاو كي تزوج ولا واحد عذرو

[غفران شكران]

والله يا امولتي ماع لامباليش المنتدى كيفاه يكون من غيرك والله ضحكت حتى دمعوا عيوني يارب يفرحك انت وأخواتي h waml15

[AMAL JADID]

المشاركة الأصلية كتبت بواسطة غفران شكران

والله يا امولتي ماع لامباليش المنتدى كيفاه يكون من غيرك والله ضحكت حتى دمعوا عيوني يارب يفرحك انت وأخواتي h waml15

امين الله يسلمك

نحكيلك هادي باش تضحكي مليح
هادي من بين مغامراتي انا والحاج راجلي هههههههههه

كي راح للحج شرا لابوس تاع السعودية باش يهدر معايا
انا قلت الراجل حج لازم حتى انا نتبدل هههههههههههه مسكينا دايرا في بالي راجلي يتبدل
المهم قلت نصبر عليه و نحي القلقا
عيطتلو و هو مزال محرم و انا تلفهالي خاطرش دار عفسا خلاتو ميقدرش يخرج من الاحرام حتى منبعد
المهم كوبا و انا قعت نعاود هههههههههه
هو اشعل و كي كمل الاحرام عاودلي
كلاني هبلني انتي و انتي مانعرف حابا تخسريلي الاحرام المهم نص ساعا و انا مسايساتو

في الاصل ههههههههههه قبل منتوب على القلقة هههههههههه تم تم نرميلو 2 كلمات يبدا يدلل
وكي نويت نتوب هو كمل 30 دقيقة كلاني و انا نحلل هههههههه نقولو يا الحاج كملت الاحرام بيدت بيا
بعد 30 ساعا انا شعلت ههههههههههههههههههههههههههههههه واشبيك نقولو حاج و كليتني
واش يقلي
لالا حنونا انا ,,,, ماشي انتي الي عيطتيلي خلعتيني ههههههههههههههههههههه

و من هاذه الحكمة و العبرة نتعلم هههههههههههههههههههههههههههههههههههههههههههههههههه ههههههههههههههههههههههههههه

[غفران شكران]

الله يسعدك. هههههههههههههههههههههههههههههههههههههههههههه حنا النساء مقلقات والرجال ستوتين حج مقبول ان شاء الله

[AMAL JADID]

المشاركة الأصلية كتبت بواسطة غفران شكران

الله يسعدك. هههههههههههههههههههههههههههههههههههههههههههه حنا النساء مقلقات والرجال ستوتين حج مقبول ان شاء الله

هههههههههههههههههه امين
كلما نتفكر هااداك النهار نضحك

اتفكري اليامات لحلوين بينك و بينو و فكريه
و كاش نهار نحكيلك مغامراتي مع الحاج ههههههههههه تموتي بالضحك

القوالب الي درتهوملو هههههههههه يقولي انا مفهمتش انتي كيفاش دايرا هههههههه
اما القلقا متحكيش مكاش قدي مقلقا و راجلي يقولي 4 فصول نشوفهم انا في نهار واحد
صيف منبعد تنقلب شتا و تم تم ربيع ههههههههههههههه

[غفران شكران]

ربي يدومها عليك ربيع امولتي ويبعد عليك العين ماشااااااااااااااااااااء الله تستاهلي كل السعادة على خفة ظلك.

[ام عمر و هبة]

لبنات تامنو بلي انا كي نياس خلاص من الحمل يجي في بالي نقول لراجلي روح اتزوج و جيب مراء اخرى و احد المرة عرفت واحدة المراة هي الثانية في حياة رجلها شحال وليت نكرها مسكينة كي تهدر معاية نترعب نتفكر بلي انا كيفاش هذا الاحساس و نقول لراجلي روح اتزوج و الله غير حتى يدفني والوااااااااااااااااااااااااااا باش يتزوج اذا ماجبتش الدراري طبعا سينو نموت اختي غفران راه عندك صبر يا ختي بصح ربي يعطيك على حساب نيتك رجعي راجلك ليك مادام الاخرى مارفدتش واسعاي باش ترفدي و تزيدي طفل اخر انت واش راكي تستناي

[غفران شكران]

والله خطرات نقول تهانينا منو راجلي بيتوتي ويعس بزاف المراة هكذا خير خطرات الزواج الثاني راحة شوية تقصري مع أحبابك وعائلتك الأز لوكان رأوه هنا كيشوفني مع الميكرويتقلق لازم نلهى غير بيه سي السيد وهو ما نسانيش بصح مرضت من هذ الحياة الجديدة سورتو كي راني بعيدة على دارنا