【ツ】أحلى تجمع لأحلى حوامل التوائم 【ツ】 ‏الجزء الثالث

[رضاك ربي]

السلام عليكم

شنتورة الامورة يلا هانت قريبا بتخبرينا مغامراتك مع تونزك بناتي كل يوم احبهم اكثر واتعلق فيهم اكثر ومشكلتي الجديدة القديمة هههههههه من اول ولادتهم كل ما ارضع وحدة او احمل وحدة منهم يصير قلبي مع الثانية ما ادري يمكن لاني اخاف اهتم بوحدة اكثر عن الثانية ان شاء الله بتجربون وبتفهمون شعوري وزوجي يضحك ويقول مو رايحة غير عليك يالمسكينة خايفة عليهم وهم لاعبين فيك لعب هههه

جديدهم يحبون مكعبات القماش الملونة واحيانا يعصبون وهم يحاولون يمسكون فيهم ويضحكون على الصوت ويفرحون عالالوان حالتهم حالة


سلامات للتعبانين وربي يسهل اموركم ويتمم حمالكم بالخير

دلوعة عبودي قبلاتي للتونز لاتخافين ابوسهم مو لاني ابيهم لبناتي ههههههههههههه

ريتاج ادعيلك بكل دعواتي ان ربي يرزقك حمل سليم انتي واخوي وكل من تمنى الاطفال
يلا شدي حيلك واذا تبيني اخوض مشوار الحمل مرة ثانية معاك مسسسسسسستعدة تبي الصراحة كلمت طبيبي اللي زرعلي اطمنه عالبنات واشوف متى باخذله البنات لانه يبي يشوفهم وقلتله بعيد التجربة هالشهر تفاجئ وقالي روحي يابنتي نامي واهتمي بصحتك وتوأمك ويصير خير هههههه

ضوء السحر ياقلبي انتبهي النفسية التعبانة ماتفيدك ولا تفيد البيبي افتحي يوتيوب على دكتور فوز عنوان الحمل واسمعي اضرار الزعل عالحامل والبيبي

[ريتاج2009]

المشاركة الأصلية كتبت بواسطة رضاك ربي

السلام عليكم

ريتاج ادعيلك بكل دعواتي ان ربي يرزقك حمل سليم انتي واخوي وكل من تمنى الاطفال
يلا شدي حيلك واذا تبيني اخوض مشوار الحمل مرة ثانية معاك مسسسسسسستعدة تبي الصراحة كلمت طبيبي اللي زرعلي اطمنه عالبنات واشوف متى باخذله البنات لانه يبي يشوفهم وقلتله بعيد التجربة هالشهر تفاجئ وقالي روحي يابنتي نامي واهتمي بصحتك وتوأمك ويصير خير هههههه

مشكوره حياتي
أتمنى والله أحمل معاك
أنتي شنو السبب الرئيسي إللي خلاكم تعملون عملية أطفال الأنابيب

[REEMAS]

ريتاج مشكورة عالجدول الحلو وان شالله يارب نشوف اسمج معانا قريب وصدقني البنات مختفيين صار لهم فترة ان شالله خير
سديم انا البنات قالو لي جهزي من السادس أغراضك والسابع أغراضهم لان بعدين بتثقلين انا اختي أخذت لي جلابيات النفاس باقي لي ملابسي الداخليه وكفر وبجامات وشبشب وامي شرت لي طقم للضيافه( دلتين و12كوب شاي وقهوة وعصير و3صواني أحجام مختلفه و3علب مربعه شفافه اوعليها شغل بالذهبي امي تقول بتحط في وحده موالح ووحده فطائر ووحدة سويت اممم وبعد شرت طقم الطاولات اللي تنفتح وكل الطقم كامل نفس النقشه وباقي اغراض البيبي زوجي يقول خلاص اخر هالشهر اول ما ينزل الراتب نروح نشتري احسه مستعجل وانا قلت اخليها عالسابع بس البنات قالو حرام لا تكسرين فرحته فمادري يحاول اقنعه ان أبدا هالشهر باغراضي واللي بعده لأغراضهم
عاد مادري أنتو نفسنا إحنا في قطر لازم نحجز مضيفة للمستشفى وضيافه وتوزيعات وورد بالنسبه. للتوزيعات اختي بتاخذ لي من أمازون
وبالنسبه للجنس قالت لي الدكتورة جنس واحد منهم ولد والثاني كل ما اروح مسكر ريله بس عندي إحساس انه ولد بعد انا ما يهمني الجنس اهم شي يجون بصحه وتامين وانا ما قلت لزوجي جنسهم قلت له ما يبان واهو يقول عادي اللي يجي من الله حلو اهم شي صحتهم واهم شي يكون عندنا بيبي في البيت
واااااااايد سولفت هههههه ما صدقت خخخخخ*

[ام منصور]

السلام عليكم
شحالكم
اشتقت لكم وااايد
رضاك ربي
شحال البنات فديتهن ربي يفرح قلبج فيهن حبيبتي
دلوعه عبودي
ماتشوفين شر ياقلبي
ريماس ياقلبي
الحمدلله اشوي وألا انتي في التاسع ان شاء ?الله خلصي اغراض البيبيات فديتهم واغراضج لانج بعدين مابتقدرين تتحركين وايد

رجواي بالله
الف مبروك ياقلبي ربي يتمم لج على خير تتحملي ان شاء ?الله تدخلين. الثامن. بسلام وربي يفرح قلبج فيهم ياعيوني

اسمأء
ماتشوفين شر الم الظهر هذا لازم ?‏?نـا واحد وظهري متعبني ?الله يعينج حبيبتي شو اخبار الوعه

شنتوره الاموره
حبيبتي الحمدلله هانت يالله نتريا لبشاره بالسلامه ياقلبي

احلا ايام العمر
ربي يعطيج الصحه وتولدين بالسلامه

ام منذر
حبيبتي لازم تروحين المستشفى لانه لو ينقص الماي خطر على البيبي. وماتشوفين شر ياقلبي

ريتاج
ياقلبي ربي يعوضج بتوام ثلاثي ان شاء ?الله حبيبتي

ام عاشه بعدها مفقوده
الورده النرجسيه وينج ياقلبي
امممم عسى مانسيت حد
ممبروك خواتي اللي انظموا لنا ججديد ربي يتمم لكم على خير حبايبي

اخر اخباري

الحمدلله ربي العالمين
اللوعه راحت والالتهاب خف ولله الحمد بكره عندي موعد في علم الاجنه وان شاء ? ?الله خير
لكن لين الحين مأحس بالحركه ابدا

[ضوء السحر]

تسلمون حبيباتي

بس هالسالفة بالذات لازم زعل

والله ما نشفت دموعي من فجر الجمعه

ربي يجبر بالخاطررر


ريتاج حبيبتي مشكورة يا بعدي عالجدول

بس ام منذر معاااي ندخل السابع مع بعض

للحين هي بالسادس

[ام عبودي وسيفو]

اختي غلا احباب الله يبشرك بالخير , شو كثر مخوفني هالموضوع , لان اسمع اني الحامل بتوأم بتولد ولادة مبكرة

[رضاك ربي]

ام منصور تسلمي الغالية وربي يطمن قلبك وتحسي بحركة البيبي

ضوء السحر عيوني مافي شي اهم من جنينك ريحي نفسك واستغفري وربي يفرج همك كلنا مرقنا بهالظروف

ريتاج حبيبتي يمكن ماتصدقي 11 سنة ومالقينا سبب يمنع الانجاب كانو الاطباء يقولون عقم غير مبرر بمعنى مو لاقيين سبب رئيسي وحمدلله ربنا فرجها واكرمنا ربي يكرمك ويوريك حلاوة وجودهم بالحياة

ريماسووووووو يتمم بالخير ربي حمستيني لولادتك ولاستقبال البيبي

[دلـــوعــه عـــــبوديـ]

غلا الحباب لا انا مو حامل
رضاك تسلمين والله خلاص انا ابيهم لعيالي
ام منصور هلا والله الله يسلمك ياقلبي وان شاءالله كل شي تماااااااام

[REEMAS]

صباح السهر والأرق من حرقان المعدة المزعج
وااااي بنات شسالفتكم التجمع نايم سواء فتحنا موضوع نسولف فيه او لا

[ام منصور]

صباح الخير
ادعوا لي. اليوم موعدي. ربي يجزاكم خير