تجمع الجزائريات الغاليات المتأخرات في الحمل ‏

[نور اليقين]

يا نور اليقين
راني نشوف العروسة اللي تكون مليحة بزاف مع شيخها و عجوزتها يقولوا هادي البصلة انتاعها ماتحرقش.. يرجعوا ما يحسبوهاش خلاص..مجربتها في روحي و اللي زادت اني قريب 10 سنين و ماكانش الدراري..رحمتك يا رب...خيرا تعمل شرا تلقى...لدرجة انوا شيخك يحرش وليدوا على الزواج قدامك دون مراعاة لشعورك..زعم لوكان بنتوا يقبل راجلها يتزوج و هي تربيلوا اولادوا...يا ناس كيفاش المرا تربي ولاد ضرتها هاذي صراحة نقبل نطلق ومانعيشش معاهم ونموت فالنهار الف مرة...ماهيش غيرة او حسد ولكن كيفاش الراجل شاف ضنايتوا والمراة اداها الواد..
حبيبتي ارمي حمولك على الله هو اللي راه يسير فيها..الله يرزقنا بالحمل في القريب العاجل راني نكتب ونبكي حتى انا قلبي راه معمر..

آمين ليا وليك ولكل محرومة ونعم بالله اختي صبورة والله قلبي طاب ودوك مقولك الصح يديرو فيها بالعاني والله الواحد يخاف من الدعاوي وهارب للنشاف نخاف من الدعاوي ونخاف كراه كبير والحق الموت على الكبير وعلى الصغير مي نخاف الريكلامي يموت في سعدي ويبقى الضمير يأنب فيا طول حياتي قلت العجوز ماتت راضية عليا والشيخ راني نسايس فيه باه يكون راضي عليا اما الباقي مرات نسكت ولكان نهار نكون ماشي في طبسيا راني هاتي ومانخرج هو واش جاء على راس الساني

[bassouma]

نور اليقين ربي يعطيك الصبر
أنا حالتي يقولوله علاش راك تروه لطبيب و لبارح مين قاله طبيب دير العملية قلنا خذ قرار و عيطولي قاتله أخته لالا شرب غير قطف و قاتله لكان ربي ميكتبش ولاد ديرها و لا مديروهاش غير كيفكيف.

[مريم13]

صح نور عندك الحق مي كون انا كون قتلتو من اول جملة تخرج من فمي

[صبورة]

المشاركة الأصلية كتبت بواسطة نور اليقين

يا نور اليقين
راني نشوف العروسة اللي تكون مليحة بزاف مع شيخها و عجوزتها يقولوا هادي البصلة انتاعها ماتحرقش.. يرجعوا ما يحسبوهاش خلاص..مجربتها في روحي و اللي زادت اني قريب 10 سنين و ماكانش الدراري..رحمتك يا رب...خيرا تعمل شرا تلقى...لدرجة انوا شيخك يحرش وليدوا على الزواج قدامك دون مراعاة لشعورك..زعم لوكان بنتوا يقبل راجلها يتزوج و هي تربيلوا اولادوا...يا ناس كيفاش المرا تربي ولاد ضرتها هاذي صراحة نقبل نطلق ومانعيشش معاهم ونموت فالنهار الف مرة...ماهيش غيرة او حسد ولكن كيفاش الراجل شاف ضنايتوا والمراة اداها الواد..
حبيبتي ارمي حمولك على الله هو اللي راه يسير فيها..الله يرزقنا بالحمل في القريب العاجل راني نكتب ونبكي حتى انا قلبي راه معمر..

آمين ليا وليك ولكل محرومة ونعم بالله اختي صبورة والله قلبي طاب ودوك مقولك الصح يديرو فيها بالعاني والله الواحد يخاف من الدعاوي وهارب للنشاف نخاف من الدعاوي ونخاف كراه كبير والحق الموت على الكبير وعلى الصغير مي نخاف الريكلامي يموت في سعدي ويبقى الضمير يأنب فيا طول حياتي قلت العجوز ماتت راضية عليا والشيخ راني نسايس فيه باه يكون راضي عليا اما الباقي مرات نسكت ولكان نهار نكون ماشي في طبسيا راني هاتي ومانخرج هو واش جاء على راس الساني

نور اليقين
راهي عندك طولة بال كبيرة الله يبارك..الله يعوض صبرك خير.

المشاركة الأصلية كتبت بواسطة bassouma

نور اليقين ربي يعطيك الصبر
أنا حالتي يقولوله علاش راك تروه لطبيب و لبارح مين قاله طبيب دير العملية قلنا خذ قرار و عيطولي قاتله أخته لالا شرب غير قطف و قاتله لكان ربي ميكتبش ولاد ديرها و لا مديروهاش غير كيفكيف.

بسومة
شوفي يا اختي هاد الامور ماذا بك تبقى بينك و بين راجلك هادي حياتكم الشخصية ماراكمش مضطرين باش تخبروا اختوا..على خاطر يكثروا التدبار و زيد يضبحوا عليه قبل مايدير العملية ماتصحي كامل كيفاش يصرا حالوا..
من الاحسن تاخذوا القرار انت و ياه فقط و يعملها فالستر و ربي يجيب الخير ويقضي الصلاح ان شاء الله..

[صبورة]

المشاركة الأصلية كتبت بواسطة nourelhouda

صباح الخير الزينات واش راكم لاباس!؟!؟
صبورة ربي يعطيك ما تتمنياي بصح الدورة هذي تقول تفكر معايا ،،، انا نتناسا و هي دير العمايل باش تفطني و نولي نطلع و نهبط كرهتها، استغفر الله،،،،،
بسومة لاباس!؟!؟
مريومة مسكين و الله غاضني،،،،، هذي سور كنتي تشربي القازوز كي كنتي حامل،،،،، و الا راكي تشربي دوركا غير حبسيه،،،،،،
انا اختي الطبيبة البقرة قالتلها نورمال اشربي القازوز مايصرالو والو كي ترضعيه اختي طبعا فرحت و دخلت هات هات شربت حتى شبعت نشفى هذيك الليلة بات حسونة يعيط ماشي يبكي برك قطعلي قلبي قريب ضربت اختي و انا كي قالتلي واش قالتلها اطبيبة قلتلها هذي بهيمة. و قالتلي اختي انت تعرفي و الا الطبيبة ههههه و ليت بلعت فمي على سعدي، بصح مور ما شافتو واش صرالو هبلت و حبست القازوز لحد الان ماراهيش تشرب و هو ه رجع مليح مسكين،،،،،

نور الهدى
امين يا رب
مع انك راكي خدامة و ماقدرتيش تلهي روحك على التفكير في الحمل و الله الحالة صعيبة ربي يصبرنا...

[rayhana05]

سلام لبنات وشراكم لاباس
انا البارح يخي زعما رحت للطبيبة و حكمت رونديفو و من بعد ما جاتش
كي جات حكمت غير البعاد كانت مشغولة في لاكلينيك
يمالا وليت اليوم على سعدي
و خرجت نبكي قاتلي بلي ولدك سمين واع واع واع
والله ملقيت واش ندير قاتلي بلي لازم تحبسي ليبات و السكريات و تتعشاي بكري
والله اليوم مدخل فمي والو الا باط ياؤورت
و قاتلي بلي لازم ان شاء الله في هاذو ال20يوم تولدي ان شاء الله سينو ارجعي نشوفو وضع جنينك
ادعيولي بولادة سهلة يا رب وفي هذو اليومين يا رب

المشاركة الأصلية كتبت بواسطة bassouma

صباح الخير لبنات واش حوالكم
أنا هذا وين جيت من عند الطبيب تاع راجلي ديناله راديو دوبلير بصح قالنا لزم عملية قاله في جيهة ليسرى ععندك ليفاغيز صغار و حركة ضعيفة و أسبوع لي فات كي دار راديو قاله طبيب تاع كلينيك راك عادي متستحقش عملية مفهمنا والو راجلي قعد يبكي و أنا نصبر فيه و أنا محطمة من داخل كنت نكتب و نبكي داقت بيا الدنيا

ربي اجيب الشفاء بسومة و يرزقكم الحمل جميعا في اقرب الاجال

المشاركة الأصلية كتبت بواسطة basouma26

السلام عليكم لبنات سهام و نور الهدى سمحولنا اذا قصرنا معاكم بصح راكم دايما في البال قاع نحبوكم و نموتو عليكم
ريحانة شكون اللي قالك على ليكوش ماكانش قاع منها انا درت ليبوند عاديين و هدا ما كان يا رب يسلكك و تتهناي فيساع ان شاء الله
صبورة و نور اليقين و الله قطعتو قلبي حاسة بيكم بزاف يا ريت لو كان جات بيدي حاجة نعاونكم بيها ما بيدي غير الدعاء ندعي معاكم و ياااااااااا رب يفرحكم يا رب انتم و كاملين لبنات ان شاء الله
شوفو هاد الرقية ساهلة بزاف جربوها و ان شاء الله ربي ينفعكم بيها ديروها انتوما و رجالكم نور علبالي راجلك صعيب شوي بصع غير حاولي معاه و ربي يسهل ان شاء الله

‫خلطة الزنجبيل | الشيخ فايز القثامي‬‎ - youtube

بسومة صلي استخارة دايما قبل ما ديري حاجة ربي هو اللي يعرف وين الخير و يدلك ليه و الله يجيب لراجلك الشفا و يفرحك بالخلطة اللي درتيها ان شاء الله

واش بسومة وشراكي ان شاء الله لاباس حنونة
انا و الله معلابالي قالولي برك قلت نسقسيكم الا كشما عندكم خبر

المشاركة الأصلية كتبت بواسطة مريم13

ههههههههههههههه ضحكتيني تولي في ليوانفيكسيون بعد الشر والله ضحكس عليك الطبة والممرضات
انا ننصحك ديري ليسرفياط هادوك تاع بكري تاع القطن مكتوب فيهم كوش بيبي مي هوما سرفياط بلا اجنحة وطوال من الطرف للطرف ههههههههههههههه تاع قماطة ديري زوج ورديلي بالخبر
ماديريش اولويز خاطر ماتحسيش بالراحة من كتر اللي رقاق

راني علابالي بيك يا المافيا
حتى انا قلت دوكا نحط الرد نتاعي طيح عليا مريم و تشبع ضحك
بردي قلبك
ايه نعرفهم الي قلتيلي عليهم مام انا كنت مخما فيهم
بصح كي قالولي على لي كوش قلت نسقسيكم

المشاركة الأصلية كتبت بواسطة ميمي 17

اي نورمال انا في زيادتي درت ليكوش نتع الكبار رح راجلي للحنوت قالو اطيني كوش نتاع لكبار سقساه مولا الحانوت وعلاه عندكم شيخ مريض قالو راجلي لالا عندنا عجوزة مريضة ههههههه

يعطيك الصحة ميمي
انا كي قتلو شبع ضحك عليا و قالي روحي اشريهم وحدك ههههههههههههههه

المشاركة الأصلية كتبت بواسطة سهام فرنسا

يعطيك الربح أنا متهاوشة مع راجلي و انت تضحكي فيا هههههههههه ضك يقلك خلاص راهو تنحالها الزعاف و أنا مش حابة يحس هكذا و الله غير كون صبت نضحك بالصوت بصح خلي غدوة الصباح نعاود نقراها وحدي و نضحك هههههههههه

الله يجعلها ضحكة خير عليك يا الحبيبة و يرزكم كامل في القريب العاجل
يا ربي و انشوفكم كامل حوامل و تدخلو تسقسيو على كاش حاجة و نشبع عليكم ضحك
يا رب انشوف فيكم هذا النهار
امين

المشاركة الأصلية كتبت بواسطة سهام فرنسا

يالقرعاجة علاه مزلتي تقرعجي بعد هههههههههههه
و الله والو قصة تافهة خلاص بصح كي عدنا نضلو مقابلين بعضانا رانا نشارشو في بعضانا و خلاص

رانا كامل في الهواء سواء

المشاركة الأصلية كتبت بواسطة nourelhouda

اهلا الزينات واش راكم لاباس!؟!؟ انا اليوم جوزتو بالوجعة تاع لالة مولاتي قتلتني و هبطو عليا طراف تاع اللحم ،،،، كرهت و عييت،،،،
واش راكم واش تحكو توحشتكم كاملين بدون استثناء،،،
ريحانة طمنينا واش قالتلك الطبيبة،،،، و على ليكوش عادي انا نعرف وحدة ديرهم كي تجيها الدورة على خاطر قاوية و ملاح يمصو الدم حاشاكم،،،،،،، خير من البوند،،،، انا ندير زوج تاع البوند على خاطر يجوني قاويين،،،، هكذا خير من ندير ديكا ههههههههههه

نوارة ربي اخليك و يرزقك في القريب العاجل
انا كانو تان يهبطولي طراف لحم من قبل و كي سقسيت الطبيبة قاتلي بالاك بويضة تلقحت و فسدت
عليها الي طاحت و مام قاتلي خطرة اخرى مطيشيهمش عيريهم
و نور انتي ماشي اول مرة اطيحو عليك
كون راكي درتيها في كومبراس و عيرتيها

المشاركة الأصلية كتبت بواسطة مريم13

السلام عليكن
اني راح نهبل يزيد شوية نلصق جدو في حيط

يا خاه على تلصقو في الحيط
بالشويا برك هذي هي التربية سوفرونس
عندك لنولي ندير كيفك و نقول نلصقو في الحيط
يا يما على مهودتي

[مريم13]

تعدّ حبة البركة من الحلول الطبيعية لعلاج مشكلة تأخّر الحمل وضعف التبويض وتكيس المبايض لدى النساء. فإذا كنت قد لجأت إلى إستخدام الكثير من الأدوية والعلاجات الطبيّة لكن دون جدوى! نقدّم لك اليوم خلطات مضمونة وفعالة من الحبة السوداء التي تمكنّك من الحمل والإنجاب كغيرك من النساء.
الحبة السوداء أو حبة البركة هي من الأعشاب المفيدة لعلاج الكثير من الأمراض. لها قيمة غذائية كبيرة إذ تحتوي على الكثير من المواد الغذائية والفيتامينات المهمّة. إضافةً إلى ذلك فهي تساعد على الحمل وتعمل على تنشيط المبايض.
إتبعي هذه النصائح التي نقدّمها لك قبل البدء بتناول حبة البركة:
- إمتنعي نهائياً وخلال فترة حملك عن استخدام الحبة السوداء، إذ إنها تحتوي على بعض المكوّنات في زيتها التي من شأنها أن تعرضك للإجهاض.
- أحرصي على تناول حبة البركة أو الحبة السوداء خلال فترة الرضاعة، فهي تساعد على على إدرار اللبن، كذلك تعدّ مصدرًا غذائيًّا مهمًّا لك ولطفلك على السواء.
- لا تستخدمي الحبة السوداء للأطفال الرضّع، بل إنتظري قليلاً لكي يكبر طفلك. إذ إنّها تحتوي على حمض الأرجينين الضروري لنمو الطفل من عمر السنة وليس الأطفال الرضّع.
- من المفضّل عدم تناول حبة البركة وخلطاتها مع الأدوية الكميائية.
- لا تقومي بطحن الحبة السوداء إلا عند الاستعمال، لأنها إذا هرست قبل إستعمالها بفترة، ستتطاير منها المادّة الفعّالة لأنها عبارة عن زيت طيار.
أما الآن إليك الخلطات المكونة من الحبة السوداء، والتي يتم تناولها في آخر الدورة الشهرية وحتّى الحمل:
- ضعي ملعقة من الحبة السوداء في صحن من اللبن أو الزبادي، وأضيفي إليهم القليل من زيت الزيتون. ويمكنك تناوله في الصباح كوجبة فطور، وعلى العشاء.
- إطحني كميّة من الحبة السوداء (حسب الحاجة)، وامزجيها مع العسل جيداً. إحتفظي بالخلطة في زجاجة محكمة الإغلاق وقاتمة اللون لكي تحتفظ بفائدتها. تناولي منها ملعقة كبيرة ثلاث مرّات يومياً.
- أخلطي مسحوق حبة البركة المرّة مع مسحوق حب الرشاد وأخلطيهم جيّداً. تناولي ملعقة صغيرة على الريق وقبل النوم من ثاني يوم من الدورة وحتّى آخر يوم منها لمدّة ثلاثة أشهر .

منقول

[صبورة]

امة الرحمان حبيبتي وشبيك اقطعتينا ضربة وحدة ..نعرفوك حنينة كيفاش قدرتي على بعدنا ارجعي رانا نحبوك.
ام انس حنونتي وين راكي عندك مدة طويلة ما بنتيش يا رب تكون عندك النت و تدخلي طمنينا عليك..
وصال الفردوس المازوزية انتاعنا وين راكي راني كل يوم ندخل نحوس عليك ماكان والوا يادرى درت العملية ولا مازال ربي يسمعنا عليك اخبار طيبة...
اميييرة الحنينة وين راكي و الله غير نفكر فيك ونقول يا درى كيفاش راهي مع ندوش ...الله يسمعنا عليك اخبار الخير..

[حياتي قمراتي]

سلاااااااااااااااااااااام

[basouma26]

السلام عليكم يا نوارات بلادي
صبورة الله يحفظك ان شاء الله راكي ناشطة
مريومة و الله ضحكتيني انتي منيرفيا بزاف بصح نقولك انتي و نور الهدى ماشيي القازوز هي اللي دير ليقاز قاع لي بيبي يجو فيهم انا اصلا ما نشربهاش و بنتي مسكينة و الله كنت نبكي معاها شوفي هاد الطريقة كنت نديرهالها و الله تريحها
شوفي جيبي زيت من الفارماسي يقوله ويل دو ماساج بوغ بيبي ههههههههههههه راني نكتب معربة و اذا معندكش معليش ديري شوي زيت الماكلة مين يكون جيعان ديريله ماساج في كرشه بطريقة دائرية و شوي كيلي تزيري بصح ماشي بزاف و في نفس الوقت طلعيله شوي رجليه و الله يبدا يخرج و اعطيه تيزانا بزاف و غير ساعفيه ان شاء الله مدة و تفوت
نور اليقين ان شاء الله ربي يجازيك انتي راكي تدي في دعوة الخير و كيما قلتي شيخك راه مريض و العمر راه بيد مولانا المهم انتي راكي ديريها زينة و ان شاء الله اللي يديرها زينة عمره ما يحصل ربي هو اللي يجازيك العبد عمره ما يستعرف الحمد لله اللي ربي هو اللي يجازي ماشي العبد
بسومة كيما قتلك صلي استخارة على العملية صدقيني ربي يوضحلك شوفي انا كنت نتبع عند طبيب هنا بغا يبدا يعطيني منشطات قالي راح نعطيك ابرة ممكن تجيبي التوام بصح بالنسبة ليك خطر انتي راكي دايرة السيزاريان و عند لاطونسيون تجيك كي ديري الكرش و الله خفت نغامر صليت استخارة باش هاد الشهر نبدا الدوا كنت نستنى الدورة تجي و نروح شوفي لقيت ربي كتبلي من عنده الحمد لله اللي يسقسي يسقسي ربي ماش العبد على خاطر هو اللي يعرف الغيب و الله يجيب الشفا
نور الهدى كيما قالولك لبنات لازم تشوفي الطبيبه على الدورة اللي حكيتي عليها سي بيزار هاد الشي اللي سرالك و الله يرزقك ان شاء الله بصح نقولك حاجة انتي تتعبي بزاف حاولي تريحي في المدة اللي من بعد التبويض
ريحانة ما يخوفوكش الطبة انا اختي عمرها ما تولد ولادها اقل من 4 كيلو و الله نورمال و بلا عملية قتلك قاع ديك النهار كي يطلع شهرك كل يوم كولي التمر قالك يساعد الكول على التمدد بلاما يتقطع ياك راه مدكور في القران ديريه و ردي علي الخبر الله يعطيك وقفة ساهلة ان شاء الله
سهام كاش صولد ههههههههههه
خولة واش راهم الفليليسات