تجمع الجزائريات الغاليات المتأخرات في الحمل ‏

[alma021]

اهلا اختي حليمة اولا حابة نقولك حاجة مازالكي عروسة نحي قاع من بالك فكرة الحمل واستمتعي بحياتك وبالتعراس
ثانيا مدام خرج 0. التحليل معناتها سلبي لانو لازم تكون القيمة فوق 5 ياش يكون حمل ونقاط الدم اللي طاحت عليك هديك والله اعلم التبويض جيد لانو راهي في منتصف الدورة انا كانت تصرالي وفي الخير ربي يهنيك ويرزقك ماتتمنين

[أم نهى الجزائرية]

مساء الخير اخت حلييمة و مرحبا بيك معانا و يا رب يكون التجمع فاتحة خير عليك

اختي لم افهم جيدا هل عندك مدة شهر فقط زواج ؟؟؟؟؟؟؟؟؟؟؟؟؟؟ يا حبيبتي اذا فهمتك صح يعني راكي مزالكي عروسة في شهر العسل بعد علاه راكي مقلقة على الحمل استمتعي بوقتك مازال جايك الوقت على التخمام و التقلاق عيشي حياتك حنونة

و بالنسبة للدورة ديالك طبيعي جدا انها تتخربط بعد الزواج تعرفي يخي كل شي راح يتبدل و قادر الدم يكون نتيجة التهاب او جروح طفيفة بهاديك المنطقة و طبيعي جدا تصرا امور كما هادي في بداية الزواج

و على التاست اكيد ماكاش حمل لانو لو كان راح يبان خاصة انو الدورة نزلت حتى بعد التاخر انا شخصيا صراتلي نفس الحالة في بداية زواجي

و بالنسبة للدم الذي نزل مع البول فممكن يكون وقت ايام التبويض لانو يتصاحب بالام اسفلالبطن اما الجهة اليمنى او اليسرى

و الغثيان ايضا يحدث في بداية الزواج بسبب تغير الوضع و الامور الجديدة التي تطرا على الجسم
و نتيجة التحليل الي عملتيه تؤكد انو ماكاش حمل لانو تقريبا يبداو يحسبو من 2 و ما فوق او 5 مانيش شافية مليح المهم اقل من 2 ماكاش حمل

يا اختي لعزيزة ما تقلقيش روحك و ما تتعلميش التوسويس تاع التاست من ظرك و الله غير يمرضك باطل سقسينا حنا رانا خبرة في التاست هههههههههههههههههههه حتى ولا يخاف كي نشريوه مسكين هههههههههههههههه

و ربي يرزقك ما تتمناي حنونة

[AMAL JADID]

المشاركة الأصلية كتبت بواسطة nourelhouda

اهلا الزينات واش راكم لاباس،،،،
ام نهى ربي يشافيك و يعافيك و يرزقك الذرية الصالحة
ام عمر اهلا لاباس
ام مصعب الحمد لله ربي يشافيه ردي بالك عليه
بسومة لاباس
اسما واش راكي لاباس
امينة لاباس
امال يعطيك الرباح و الله ضحكتيني ،،، هدرتك هايلة ههههههه طيحيهم في الشبكة قبل مايطيحوك،،، و صح هما عندهم اولد و ارمي،،،، تشوفي خالة هذوك الذراري يشفو انا البارح كي رحت للبلاد قلبي وجعني هذوك الذراري مدودين حوايجهم معفنين ياربي كل ما نروح لتما يوجعني قلبي ،،،،، واحد البيبي البارح لابسة تقاشر كبار عليها عي عندها ثمن اشهر و التقاشر تاع خمس سنين حايينها شكارة و مشيانة اه يا ربي و الله يغيضو،،،، و المشكل ماشي قال اهلهم ماعندهمش لالا لاباس بيهم بصح هما عقلية اولد و ارمي ،،،،، ربي يهديهم الناس

ههههههههههههههههههه شفتي شر البلية مايضحك

المشاركة الأصلية كتبت بواسطة أم نهى الجزائرية

مساء الخير لبنات واش حوالكم كامل ؟؟؟؟؟؟؟؟؟؟؟

انا و الله مع المغرب بارك خرج من عندي الراقي سبحان الله و الله غير تشوفي لعجب في الدنيا هادي تخيلو ظهر ما غير واحد عندي برك ولاو زوج انثى و ذكر يعني لحد الان وصل عددهم 4 الاول خرج و زاد خرج مسلم ثم ظهر هذا و معاه واحدة اخرى قال بلي كانت ساكنة في البطن و الرحم و انها كانت تمنع الحمل

و تخيلو في البداية كي بدا يقرالي في ايات التوحيد و الصلاة ولا يدحر و ينين و يقول بلي هو كافر وما يحبش المساجد و بقى يدير في الحركات تاع البارح


"نصيحة اخواتي عن تجربة شوفي الذكر واش يدير كي بدا يدير في الحركة تاع قرن الشيطان قريت "اعوذ بكلمات التامة من كل شيطان وهامة ومن كل عين لامة سبحان الله و الله غير الاصابع هادوك الي كانو مغلوقين تفتحو غصبا عنو و زيد قريت سورة
الفلق نفس الشي صرالو سبحان الله

المهم و منبعد قرا سورة الجن وبقا يعاود فيها و هو ولا يرجف و يعيط و يبكي من "الشهاب" كررها تقريبا 5 مرات و من بعد بدا سورة غافر سبحان الله كي قراها حبس الحركات و بدا يسمعلو و كي شغل واحد مستغرب و يحوس يفهم و لكن الراقي حبسها و قرا سورة اخرى فقعد يطلب منو يعاود يقراها وهو ما حبش وقالو بلي اسمو مصعب وقالو بلي حاب يسلم لاكن الراقي ما صدقوش

وكمل يقرا و هو يقولو اقرا غافر المهم قرالو الملك و الحاقة و عاود قرالو الجن فلما سمعها تاثرش نهائيا ماشي كما المرة الاولى
و من بعد باه قرالو غافر و هوارتاح نهائيا وفي الاخير قرا حزب سبح كي وصل لسورةالشمس بداو رجلي يتعوجو قالو بلي الي معاه راهي حابة تخرج كمل يقرالها ومن بعد اذن فحسيت برجلي تكسلو بزاف و كي شغل خرجت حاجة من فمي قالو بلي راها خرجت و انها كانت في الرحم



سبحان الله و الله غير ما فهمت والو ما عرفت واش نصدق ولا واش نكدب

ربي يجازيكم يا لبنات ديما ادعولي ربي يفرج علي و يشفيني مما انا فيه


علابالي طولت عليكم لاكن الله غالب ما عندي لمن نحكي غير انتوما نفضفض معاكم و نسمع نصايحكم

ام هنى ربي يشافيك
الحمد لله الي بداو يستعرفو و يستسلمو
ربي ميحب لعيبادو غير الخير
اذا اكلتي سحر لازم تشربي اللبن باش تنقي كرشك
و احرسي على الاذكار و الصلات في وقتها لانهم يرجعو اذا لقاو الحالة راقدة
ولازم يرقيلك حتى و مابيكش الاعراض
و ردي بالك متخبري حتى واحد اذا حملتي

انا لوكان نحكيلك حالتي راني دايما نقولو ارقيلي والو يستهزا يستهزا
صحبو راقي و قالو ارقي لمرتك كتن مرت الراقي هاذا مسكونا تانيك و صعيب السحر تاعها
تصورو يا لبنات نطق الجني عليها و قالو بلي انا مسكونة و منحبهمش على جالو تصورو اا
و في التالي نحلم فيها تشوفني من مراية ربي يستر برك

المشاركة الأصلية كتبت بواسطة halima dz

السلام عليكم بنات الله يجزيكم كل خير اود مساعدتكم الله يخليكم وقولو لي بكل صراحة هذه قصتي كاملة
.انا سيدة متزوجة الشهر الفارط وكانت دورتي منتظمة وحصل جماع بيني و بين زوجي وبعد مرور 5ايام نزل ثلاث قطرات دم بنية اللون ليوم واحد فقط وبعدها تاخرت الدورة لمدة 8ايام فقمت بتحليل منزلي كل يوم ويطلع سلبي ولايوجد اي اعراض فشربة القرفة فجاءت الدورة في اليوم التالي لمدة 7 ايام متتالية مع الالم كالعادة وفي اليوم 6 من مجيئ الدورة حللت دمي فكانت النتيجة كالاتي 0.288 u/l حتى مع مجيئ الدورة قمت بالتحليل المنزلي ل3مرات و يطلع سلبي وبعد اكتمال الدورة احس بصداع في الراس وبعض الالام في معدة مرفوقة بالغثيان احيانا اما البارحة وبعد مرور على مجيئ الدور اسبوعين نزل مني قطرات من الدم مع البول اكرمكم الله (في الاخير) وبعض الالام في المعدة
سؤال 1/هل انا حامل او اجهضت ؟
2/وهل هذه القطرات من الدم مع الالام هي الدورة للمرة الثانية مع العلم انها لا يزال على موعدها 15 يوم ولم اقم بالجماع مع زوجي الى حد الان ؟
3/وهل النتيجة سلبية او اجابية ؟ وماهو العمل المستلزم الان ؟
وفي الاخير تقبلو مني هذا بفائق الاحترام و تقدير اختكم حليمة من الجزائر

حنونا واش نقلك راكي عروسة جديدة بركاي متوسوسي في روحك
شوفي حللتي دم سلبي و النسبة قلييييييييييييييييييلة بزاف لازم في الاسبوع الاول بعد التبويض تفوت 5 باش نقولو حمل بصح انتي فات شعال وراهي 0.288

و زيد راكي عروسة جديدة عادي هادو الصوالح لانو في الغالب تتواسالك الدورة منبعد عادي
و زيد نقلك حاجا ممكن بالقلقا متحمليش لانو القنوات يتصلبو حتى و مابيك والو
عندي حبيبتي 6 سنين هى و راجلها مابيهم والو
نهار نحات الحمل من بالها كااااااااااااامل وبدات العمل جابت طفل بلا مدير والو برك نسات الحمل
و ربي يرزقنا اجمعين

[halima dz]

الله يحفظكم بنات صحيتو على الاجوبة هذي بصح مزال مفهمتش واش معنتها ايام التبويض

[AMAL JADID]

المشاركة الأصلية كتبت بواسطة halima dz

الله يحفظكم بنات صحيتو على الاجوبة هذي بصح مزال مفهمتش واش معنتها ايام التبويض

شوفي

المرا كي تخلاص الدورة 5 ايام او 6 او 7
يبداو المبايض ينتجو بويضة
الي هي في نص الشهر او كل بنت كيفاش تنزل هاديك البويضة و تتسما هاديك المرحلة بالتبويض
فيها اذا صرا اتصال بينك و بين زوجك يحدث حمل ان شاء الله
وهادا الفديو يشرحلك

‫التبويض‬‎ - YouTube

[أم نهى الجزائرية]

اخت حليمة سامحيني بلاك طولت عليك لاكن حسيتك كما حالتي في بداية زواجي كنت كما انت ما نعرفش حتى حاجة و ربي سخرلي بنات ساعدوني و جاوبوني على استفساراتي الي ما تخلاصش فما حبيتش نخليك حايرة


الما على سلامتك يا الزينة وين رحتي من قبيل وانا وحدي حتى كرهت

[عبير الحرية]

اختي حليمة

الي كانت عندك دورة و الافرازات الدهنية تقدر تكون ايام الاباضة

اما اذا كانت مع البول هي التهابات

تقدري تديري ايكو تشوفي la couche fonctionnel

[AMAL JADID]

المشاركة الأصلية كتبت بواسطة أم نهى الجزائرية

اخت حليمة سامحيني بلاك طولت عليك لاكن حسيتك كما حالتي في بداية زواجي كنت كما انت ما نعرفش حتى حاجة و ربي سخرلي بنات ساعدوني و جاوبوني على استفساراتي الي ما تخلاصش فما حبيتش نخليك حايرة


الما على سلامتك يا الزينة وين رحتي من قبيل وانا وحدي حتى كرهت

انا واقيل وليت افيزيبل هههههههههه راكي تخلفي فيها درك نبعتلك احدهم تاعي

[أم نهى الجزائرية]

لمزية دخلتي امولة و الله غير كنت نقول ماشي عوايدها امول تخليني وحدي هههههههههههههههههه توميتي لعزيزة

امال انت خدامة ولا قاعدة برك كوزينيست هههههههههههههه

[أم نهى الجزائرية]

هههههههههههههه راكي تربحي في العيب باطل كنت نكتبلك في الرد يا خي شينونة ياخي هههههههههههههه

عبورة الزينة واش حوالك وعلى سلامتك ياخي خف عليك السطر ولا مازالو كما هو ربي يرفع بلاك حنونة