تجمع الجزائريات الغاليات المتأخرات في الحمل ‏

[ام عمر و هبة]

يا عمري يا ام نهى ربي يشافيك و يعافيك حنونة هذو هما الي دارولك تاخر في الحمل ان شاء الله كي يخرجو ترفدي بصح مالازمش تحبسي الرقية وسورة البقرة كل يوم مام كي تبراي عدي كل يوم ارقي وربي يشافيك اختي احكينا و حنا نتقاسمو معاك الالام رانا معاك ولو لقلوبنا

[أم نهى الجزائرية]

ربي خليك ام عمر و الله غير نلقى راحتي معاكم مهما نكون مقلقة كي نجي هنا نرتاح ربي يخليكم لي كاملين

[ام عمر و هبة]

نحكيلك انا و اختي مرة ادانا خوية عند واحد الراقي في العفرون بدا الراقي يرقي لاختي بديت انا نرعش و يديا يخبطو وبديت نعيط و بدا الراقي يسقسي فيا شكون انت قالت بلي مراة وعاقرة و ماراهيش حبتني نولد خاوتي مافهمو والو بدا يرقيلي و انا نعيط وبعد قالي راهي تحرقت وماتت بصح عندي عامين ملي سراتلي ما رفت ما والو راني نستنا مرات نقول بلاك مامتتش واقيلا بقات فيا ومرات نقول بركاي ما دري في السبايب والله ما علابالي راني من داك نرقي نبقا غير نبكي و كي نقرا القران نولي نقنط و نثاوب الله يعين مركيش غير وحدك رانا كامل ولينا دي زابارتمو هههههههههههههههههه

[Nourelhouda]

اهلا الزينات واش راكم لاباس،،،،
ام نهى ربي يشافيك و يعافيك و يرزقك الذرية الصالحة
ام عمر اهلا لاباس
ام مصعب الحمد لله ربي يشافيه ردي بالك عليه
بسومة لاباس
اسما واش راكي لاباس
امينة لاباس
امال يعطيك الرباح و الله ضحكتيني ،،، هدرتك هايلة ههههههه طيحيهم في الشبكة قبل مايطيحوك،،، و صح هما عندهم اولد و ارمي،،،، تشوفي خالة هذوك الذراري يشفو انا البارح كي رحت للبلاد قلبي وجعني هذوك الذراري مدودين حوايجهم معفنين ياربي كل ما نروح لتما يوجعني قلبي ،،،،، واحد البيبي البارح لابسة تقاشر كبار عليها عي عندها ثمن اشهر و التقاشر تاع خمس سنين حايينها شكارة و مشيانة اه يا ربي و الله يغيضو،،،، و المشكل ماشي قال اهلهم ماعندهمش لالا لاباس بيهم بصح هما عقلية اولد و ارمي ،،،،، ربي يهديهم الناس

[om.mess'ab]

المشاركة الأصلية كتبت بواسطة أم نهى الجزائرية

مساء الخير لبنات واش حوالكم كامل ؟؟؟؟؟؟؟؟؟؟؟

انا و الله مع المغرب بارك خرج من عندي الراقي سبحان الله و الله غير تشوفي لعجب في الدنيا هادي تخيلو ظهر ما غير واحد عندي برك ولاو زوج انثى و ذكر يعني لحد الان وصل عددهم 4 الاول خرج و زاد خرج مسلم ثم ظهر هذا و معاه واحدة اخرى قال بلي كانت ساكنة في البطن و الرحم و انها كانت تمنع الحمل

و تخيلو في البداية كي بدا يقرالي في ايات التوحيد و الصلاة ولا يدحر و ينين و يقول بلي هو كافر وما يحبش المساجد و بقى يدير في الحركات تاع البارح


"نصيحة اخواتي عن تجربة شوفي الذكر واش يدير كي بدا يدير في الحركة تاع قرن الشيطان قريت "اعوذ بكلمات التامة من كل شيطان وهامة ومن كل عين لامة سبحان الله و الله غير الاصابع هادوك الي كانو مغلوقين تفتحو غصبا عنو و زيد قريت سورة
الفلق نفس الشي صرالو سبحان الله

المهم و منبعد قرا سورة الجن وبقا يعاود فيها و هو ولا يرجف و يعيط و يبكي من "الشهاب" كررها تقريبا 5 مرات و من بعد بدا سورة غافر سبحان الله كي قراها حبس الحركات و بدا يسمعلو و كي شغل واحد مستغرب و يحوس يفهم و لكن الراقي حبسها و قرا سورة اخرى فقعد يطلب منو يعاود يقراها وهو ما حبش وقالو بلي اسمو مصعب وقالو بلي حاب يسلم لاكن الراقي ما صدقوش

وكمل يقرا و هو يقولو اقرا غافر المهم قرالو الملك و الحاقة و عاود قرالو الجن فلما سمعها تاثرش نهائيا ماشي كما المرة الاولى
و من بعد باه قرالو غافر و هوارتاح نهائيا وفي الاخير قرا حزب سبح كي وصل لسورةالشمس بداو رجلي يتعوجو قالو بلي الي معاه راهي حابة تخرج كمل يقرالها ومن بعد اذن فحسيت برجلي تكسلو بزاف و كي شغل خرجت حاجة من فمي قالو بلي راها خرجت و انها كانت في الرحم



سبحان الله و الله غير ما فهمت والو ما عرفت واش نصدق ولا واش نكدب

ربي يجازيكم يا لبنات ديما ادعولي ربي يفرج علي و يشفيني مما انا فيه


علابالي طولت عليكم لاكن الله غالب ما عندي لمن نحكي غير انتوما نفضفض معاكم و نسمع نصايحكم

الله يشافيك ام نهى رانى ندعيلك


ونتوما تانى ادعيولي انا حابة نرقى تانى وزوجى مهوش حاب


والله اسباب المشاكل كلها هاذو معشر الجان والسحرة الى بلانا ربى بيهم


ربي نشالله يفرج على كل المومنين

عندي عامين ملي سراتلي ما رفت ما والو راني نستنا مرات نقول بلاك مامتتش واقيلا بقات فيا ومرات نقول بركاي ما دري في السبايب والله ما علابالي راني من داك نرقي نبقا غير نبكي و كي نقرا القران نولي نقنط و نثاوب الله يعين مركيش غير وحدك رانا كامل ولينا دي زابارتمو هههههههههههههههههه

كنتى تعاودي تشوفى وتتأكدي صح واش قالك و الشفاء من عند الله

[alma021]

سلام لبنات
ان شاء الله ربي يشافيك ام نهى انت داومي على الرقية وربي يجيب ساعة الخير ان شاء الله
اسما وامومة واش راكم
نوااااااااااااااااااااااارة راكي طلي كي القمر

[أم نهى الجزائرية]

انشاء الله الما ربي يجيب الخير

و على هدرت الناس ما ديريش عليهم تخيلوو انا عمة راجلي و جداتو في وجهي قالولي راكي طولتي خلي بلاصتك بزاف عليك 3 سنين

الوقاحة عيني عينك و الله قريب بصقت في وجوهم ما يحسوش بمشاعر الي يحيكو معاه نهائيا واش حشركم اصلا في الموضوع

[أم نهى الجزائرية]

وينكم يا لبنات ولا رقدتو بكري؟؟؟؟؟؟؟؟؟؟؟؟؟؟

خفيفيشاتي وين راكم راهطاح الليل هاياو غاولو" امول,ام مصعب,غفران"

[عبير الحرية]

السلام عليكم

لبنات واش راكم كااااااامل

ربي يهدينا و يهدي و يصلح احوال الامة رانا ولينا عايشين في غابة

راهي لية جمعة تفكر بعض بالدعاء و اكثروا من الصلاة على سيدنا محمد صلى الله عليه و سلم

[halima dz]

السلام عليكم بنات الله يجزيكم كل خير اود مساعدتكم الله يخليكم وقولو لي بكل صراحة هذه قصتي كاملة
.انا سيدة متزوجة الشهر الفارط وكانت دورتي منتظمة وحصل جماع بيني و بين زوجي وبعد مرور 5ايام نزل ثلاث قطرات دم بنية اللون ليوم واحد فقط وبعدها تاخرت الدورة لمدة 8ايام فقمت بتحليل منزلي كل يوم ويطلع سلبي ولايوجد اي اعراض فشربة القرفة فجاءت الدورة في اليوم التالي لمدة 7 ايام متتالية مع الالم كالعادة وفي اليوم 6 من مجيئ الدورة حللت دمي فكانت النتيجة كالاتي 0.288 u/l حتى مع مجيئ الدورة قمت بالتحليل المنزلي ل3مرات و يطلع سلبي وبعد اكتمال الدورة احس بصداع في الراس وبعض الالام في معدة مرفوقة بالغثيان احيانا اما البارحة وبعد مرور على مجيئ الدور اسبوعين نزل مني قطرات من الدم مع البول اكرمكم الله (في الاخير) وبعض الالام في المعدة
سؤال 1/هل انا حامل او اجهضت ؟
2/وهل هذه القطرات من الدم مع الالام هي الدورة للمرة الثانية مع العلم انها لا يزال على موعدها 15 يوم ولم اقم بالجماع مع زوجي الى حد الان ؟
3/وهل النتيجة سلبية او اجابية ؟ وماهو العمل المستلزم الان ؟
وفي الاخير تقبلو مني هذا بفائق الاحترام و تقدير اختكم حليمة من الجزائر