【ツ】أحلى تجمع لأحلى حوامل التوائم 【ツ】 ‏الجزء الثالث

[أحلى أيام العمر]

ضو السحر الحمدلله انك تطمنتي بس اعتقد دامك في السادس لسا مو ثابت الوضع الله يهديهم لازم واحد يخالف يعني من باب خالف تعرف الله يتمم لك بخير
اسماء ايوه احتمي كلو ولا السكر وتابعي بانتظام وموفقه يارب

[ام عمر ..]

مدوخه حبيبها عندك في الخبر مستشفى محمد الدوسري الدكتور زهير الكيال بروفيسور ومش طمااااع ابدا انا اتابع معاه الله يرزقنا واياك الحمل السليم

[ام عمر ..]

ريتاااااااااااااج الله يجعله منزل مبارك ويرزقك الذريه الصالحه يارب عاجل غير اجل
الورده النرجسيه الله يبارك لك فيهم وجعلهم من الصالحات
ام منصور حبيبتي شفتك اليوم الصبح في النوم لا ووين فيه في انتظار مستشفى لا وعرفتك على طول كنتي متمكيجه وذاك الوجه البدر ماء شاء الله خذتك وضميتك ذيك الضمه وفي الحقيقه زوجي جالس يصحيني وانا مندمجه اقول له اصبر شوي وصحيت الله يهديه بس لكن تبين الصدق جلست من النوم مرتاااااااحه مره
الله يتمم لك على خير واللي ما يحفظه ربه ما يحفظه خلقه والله يا بنات خالتي تمت 17 سنه الله ما رزقها زوجها معاه مشاكل في الانجاب وكفلت يتيم وتمت سنتين اشبعت غريزة الامومه عندها وكانت محاولاااااااات كثيره اطفال انابيب وكله تفشل تقول قبل موعد الدوره ينزل معاها دم وقطعه مثل اللحم الله يكرمكم بعد ما اخذت اليتيم سوت اطفال انابيب وقبل موعد الدوره نزل عليها دم وقطعه مثل قبل وضاق صدرها وجلست تبكي قال لها زوجها لا تزعلين الله ما اراد قومي بوديك الدمام نغير جو قالت طيب تقول قمت انظف في البيت وشلت سله ملابس ثقيلللللللللللله من تحت رقيتها فوق ورحت الدمام والطريق ساعتين وتمشينا وتعشينا ورجعت ساعتين مشوار وطول هذاك الاسبوع وانا اروح واجي وقف الدم وقالت بروح اراجع الدكتور ولما سوى لها تحاليل شاااااااااامله طلعت حااااااااااامل والدم كان من جنين ثااااااااني ولان ربي كاتب له عمر ما ضره مشاااوير امه وجابت احلى عبودي وبعده ب6 سنوات جابت حصوصه والله يخليهم لها يارب ويرزق كل محروم

[ضوء السحر]

احلى ايام العمرر

ايي اقول لها من الحييين عاد

قالت عادي و هم ما بيظلون على هالوضع لازم يتحركوون

بس ان شاء الله من الحين لوقت الولادة ربي بسهلها و ييسرها

[ام منصور]

ام عمر يا حياتي انتي
عسى خير ان شاء الله حلمج
وربي يفرح قلبج باللي اتمنينه يأختي ولا يضيق لج صدر ان شاء الله
الله يهديه ابو عمر ما خلانا انشوف وش السالفه هههههههههه فـديـتٌ قلبج يالغاليه

[الوردة النرجسية]

السلام عليكم ورحمة الله وبركاته

وش أخباركم عزيزاتي؟

أم منصور حبيبتي أن شاء الله جنينك بخير وما عليك من الدكاترة على طول بخوف الحوامل وأنت قرأتي وش كتبت قبل مرة أقولو حمل ضيف ومرة حمل كميائي أو مرة الجنين ميت وفي الاخير الهرمون واجد عالي والجنين بين وبين نبضة وعملي مثلي استودعية رب العالمين ودفعي صدقة بنية سلامته من كل مكروه.

أم عمر الله اسلمك وخليك ويرزق بالتوأم السليم المعافي يا رب.

ريتاج ومبروك المنزل الجديد الله يجعل قدومه عليك خير وتملينه صبيان وبنات وان شاء الله تنضمين ومعانا عن قريب.

دلوعة عبودي مبروك التطهير خلاص صارو رجال باقي تعريسهم هههههه.

رضاك ربي لا تخافي هي شوي ثقيلة بس إذا تعطينهم كل 4 ساعات بندول بصير كل شيء اوكي إبره 6 أشهر ترى هي فعلا ثقيلة بتقولك الممرضة عنها.

أحلى أيام العمر حبيت أنصحك لوجه لله لا تجازفي مع هل الدكتورة والله يوم أنا بتوأمي قالو لي نفس كلامك راح تولدي طبيعي والاولى راسها تحت والثانية بالعرض قالت لي الدكتورة راح تنزل الاولى طبيعي والثانية نحاول نغير وضعيتها نجبيها تحت ما وافقت قلتها لها خلاص أنا أبغي ولادة قيصرية لسلامتي وسلامة أجنتي والله جعل سبب حق اسوي لي قيصرية جاني طلق بدون ما ينفتح الرحم وتعب قلب بنتي الثانية ورجع ينزل نبضها مباشرة ودوني العمليات عملوا قيصرية بناتي الحمد الله بخير.
والقرار لك وشوفي وش الانسب.

ريماس والله عينك والمستشفات الحكومية هذي سوالفها تعب في تعب .أما عن الحركة أنا بالتوأم حسيت بحركتهم في الاسبوع 21 يعني في نهاية الخامس وتركي عنك الوسواس مو بليس شاطر في هل الامور أنا بعد يوسوس لي الوحم يوم إلي يخف عني شوي أقول يمكن الجنين وقف نبضة وأستعيذ بالله منه وأستودع جنين رب العالمين وأنا مطمئنه واللى الله كاتبة راح أصير.

[ريتاج2009]

المشاركة الأصلية كتبت بواسطة شنتوره

احلى ايام العمر
ياااربي هذي الاخباااار اللي تخوف بس لو انا قالت لي نفس الكلاااام بقول لالالاء خلاااااص ما بي الا قيصري مع هذا استخيري واللي ترتاحي له توكلي على الله
انا زيك ودي بطبيعي بس اذا حدت الامور وقالولي زي كلااااامك بختااار القيصري وباصرررر عليييييييييييييييييييييييه بس اذا قال لي الدكتور ان الروس تحت بتوكل على الله واختار طبيعي عااادي بس المغااامره ما فيه انا هلكاااانه من الحمل خلقه بس لازم يكون عندنا يقين بان الله رحييييييييييييم بعباااده وبيرحم حااالنااااااااااااااااااااااااااااااااا
ريتاااااااااااااااااج
يا مرحبا ومبروك النقل ومنزل مباااارك عليكم ونورتينا برجعتك ونورتينا بالجدول من زمااان ما شفنااااااااااااااااااه ههههههههههههههههه

ياهلا فيك أختي ربي يبارك فيك وعقبال ماتجين تبشرينا بالولاده الطبيعيه .....وحده تخاف من العمليات يمــــــــــــــــــــــــــــه

[ريتاج2009]

المشاركة الأصلية كتبت بواسطة رضاك ربي

ريتاج يارب يكرمك بحمل سليم ونشوفك بأعلى الجدول بالقمة بالشهر التاسع بخير وسلامة الله يكرمك ويكرم اخوي وكل من تمنى الذرية الصالحة

ياهلا بأم ندى وجنى أخبارك وأخبار الكتاكيت
وربي يسمع منك ياااااااارب

[ريتاج2009]

المشاركة الأصلية كتبت بواسطة ضوء السحر

صباح الخييير


شلونكم يا بنات


ريتاااج انا زعلللت


وين اسمي رااااح :( :(

كل شي ولا زعلك دقايق ونازل أسمك

[ريتاج2009]

أم منصور وأسماء ف والورده النرجسيه مشكورين على الدعوات الحلوه وربي يسهل عليكم وتقومون بالسلامه
أم عمر ربي يبارك فيك وعقبال مانبارك لبعض بالحمل السليم ياااااااااااارب