تجمع الجزائريات الغاليات المتأخرات في الحمل ‏

[احلى شيء الاموموة]

‫زغرودة جزائرية‬‎ - YouTube

[bassouma]

هدى بدلي إسمك 20 سنة إنتظار
هدى عبري عن إحساسك و زوجك كيفات تلقى خبر و كل العائلة

[صبورة]

الله اكبر الله اكبر
اجمل خبر سمعتوا في حياتي..راهم عيني ويدان من البكا..ما اعظمك و ما اكرمك ما ارحمك بعبادك يا الله
الف الف مبروك عليك يا نور الهدى و الله يثبت حملك و تشوفي ابنك اللي انتظرتيه 20 سنة بين يديك سليم معافى

[الشاكرة -لله]

نور الهدى اخر دورة نورمالمون تجي 22 فيفري بصح جاتني في 28 فيفري دارتلي 6 ايام روطار

[الشاكرة -لله]

ام مصعب ربي يبارك فيك و يخليلك مصعب و يرزقك باخوته و اخواته

[الشاكرة -لله]

بسومة اكيد رايحة نبدل اسمي ان شاء الله و راجلي واش نقلك كيما دخل لقاني طايحة نبكي نبكي و هو مسكين دهشان ساكت ملقى واش يقول غير انا نعانق فيه و نبكي بصح الحمد لله فرحتو باحلى خبر سمعوو

[الشاكرة -لله]

صبورة يا عمري راهم عينيا و تشوفو حالتي ورمو خلاص و فشلت منيش قادرة نتحرك علابالك ثالمون عندي ما بكيت .... كنت حابة نلم كامل خواتاتي و نسا خوتي و خواتاتو ونسا خوتو نديرلهم عشا و سهرة و نخبرهم بصح هكذا ماقادراش ندير حاجة علابيها عيطت لمرت لوسي وحدة تتهلى فالحالة و توجد العشا
ربي يرزقك ما تتمناي و يفرحك انت و كل البنات بالحمل السليم في لقريب العاجل

[احلى شيء الاموموة]

هدى قوليلي وين دارك برك اعطيني لادراس نجي نطيبلك ونقيملك بالحالة انت ريحي ما تمسي والو ...تهلاي في روحك حنونة ربي يثبت حملك ياااا رب

[basouma26]

لبنات راني رجعت لداري و الحمد لله و دخلت عندكم لقيت احلى خبر اللهم لك الحمد و الشكر يااااااااااااااااااا رب يا كريم يا ارحم الراحمين الف شكر يا رب اللي فرحت حبيبتي نور الهدى الف مليون مبروك نور الهدى و عقبال للبنات اجمعين

نور الهدى و الله قلبي طار و بغيت نعنقك يا ريت كنتي حداية الله يثبت حملك و يفرحك بزوج او ثلاثة توائم يا رب يعوضوك صبر السنين كثري من الحمد و الاستغفار بصح بغيت نوصيك و ان شاء الله ديري علي حبسي الخدمة راه قريب العطلة ديري ملادي و ريحي في الدار و ما تخدمي حتى حاجة و كولي مليح يا ريت لو كان راكي حداية و الله ما نخليك تنوضي ارجوكي ارجوكي حافظي على روحك قد ما تقدري

عقبالكم يا لبنات كاملين يا رب تجي فرحة مور ختها يااااااااااا رب راني ملي كنت في السبيطار و انا ندعي ان شاء الله يجي رمضان و كاملين خواتاتي حوامل يا رب

[الشاكرة -لله]

المشاركة الأصلية كتبت بواسطة احلى شيء الاموموة

هدى قوليلي وين دارك برك اعطيني لادراس نجي نطيبلك ونقيملك بالحالة انت ريحي ما تمسي والو ...تهلاي في روحك حنونة ربي يثبت حملك ياااا رب

هدى حنونة ربي يعطيك ما تتمناي علابالي كون قريبة ليكم ما نطيحش من يد لاخرى ترفدني بصح صدقوني هادي الوقفة معايا الدنيا و ما فيها
انا نسكن في ولاية جيجل بلدية جيجل حي كونشوفاليي و كي توصلي تم وقفي جنب الحي الاداري نجي انا ديك لداري هههههه