تجمع الجزائريات الغاليات المتأخرات في الحمل ‏

[alma021]

السلام عليكم لبنات والله غير توحشتكم ههههه امة راني نقرا فالارشيف بغيت تترفهي بالبروسيات ههه والله ماخسارة فيك راني نقرا فالارشيف نكملو ونولي اوكي

[أمة الرحمان السلفية]

المشاركة الأصلية كتبت بواسطة bassouma

صبورة كيراكي ليوم لاباس حنونة
أمة يعطيك صحة حبيبة
أمومة كيراكي لاباس ريحتي شوية من دوخة حبيت نسقسيك على ألم صدر كي تحسي درت موضوع في أعراض وحام ردي عليا ربي يخليك ربي يثبت حملك و تشوفي طفلك بين يديك

بسومة ماتمرضيش روحك بالم الصدر تصدقي غير سعات يولي فيه وحد الم قبل الدورة وحلمة تولي سوداء انولي ستيان مانلبسوش وكل مرة نعيط سعات انكون راقدة كي نتقلب نعيط من سطر ويولو حساسين بزاف وثقال وكل شهر تشرف لالة انا قاع مانديرش على هذ الاعراض

[صبورة]

امومة
واش راكي حبيبة راكي تحسنت شوية من الوحم؟

[أمة الرحمان السلفية]

المشاركة الأصلية كتبت بواسطة alma021

السلام عليكم لبنات والله غير توحشتكم ههههه امة راني نقرا فالارشيف بغيت تترفهي بالبروسيات ههه والله ماخسارة فيك راني نقرا فالارشيف نكملو ونولي اوكي

وعليكم السلام ااهلا بالقمر الما كيفاش راكي يتوحشك الخير حنونة وتع صح المعيشة غلاات وانا جوني المنسبات بزاف دورتها بروسيات بصح نقسم مع بسومتي نص نص

[احلى شيء الاموموة]

اهلا الما وبسومة ...امة تعيشي عمري علابالي ما تتتيريش عليا نحبك وتحبيبني....ربي يحفظك من كل سووء..راسي والدوخة مازالو مي حاجة قليلة اليوم ان شااء الله خير مرات يقولو الوحام يظهر ويروح وربي يكتب الخير ان شااء الله....
بسومة كيف قالت اسا ما تعمليش على الام الصدر انا تاني حسيت نفس اعراض الدورة يعني ما تعرفي حمل ما تعرفي دورة ...خليها على ربي وان شااء الله ربي يفرحك هذا الشهر انت و لبنات الكل ياا رب...

[صبورة]

المشاركة الأصلية كتبت بواسطة أمة الرحمان السلفية

بسومة ماتمرضيش روحك بالم الصدر تصدقي غير سعات يولي فيه وحد الم قبل الدورة وحلمة تولي سوداء انولي ستيان مانلبسوش وكل مرة نعيط سعات انكون راقدة كي نتقلب نعيط من سطر ويولو حساسين بزاف وثقال وكل شهر تشرف لالة انا قاع مانديرش على هذ الاعراض

امة الرحمان
كلامك صح مئة بالمئة
انا مانصدقش انه كاينة اعراض الحمل قبل الدورة
لان الاعراض الحقيقية تبان في شهر ونص حتى للشهرين من الحمل..و الله جميع الاعراض اللي يحكيو عليها كل شهر نحس انواع و انواع..تخيلي الصدر مرة الحلمة كيما قلتي..مرة كامل ينتفخ و يضرب كي التريسيتي..و حتى مرارة الفم و كثرة الريق..و خلي و خلي..و حتى الافرازات اللي يحكيوا عليها يقولوا كريمية و تشبه فالجبن او الحليب شفتهاا ..يعني اكاذيب..و اعراض الحمل و الدورة في وقت الدورة او قبلها متشابهة تماما..الاحستن الوحدة ما تستغلش بالاعراض هادي راهي تمرض نفسيا..و في الاخير تشرف الدورة

[أمة الرحمان السلفية]

صبورة علبلك انتي على الاموموة وانا قريتها امة قلت هذي واش بيها بدات تخرف واش من الوحم رهي غير ضربة الدورات ربي يفرج على جميع

[احلى شيء الاموموة]

المشاركة الأصلية كتبت بواسطة صبورة

امومة
واش راكي حبيبة راكي تحسنت شوية من الوحم؟

تعيشي صبورة يسال عليك الخير والله نحمد ربي حنا النساء ما يتفهم فينا والو ....كي يجي الوحام قوي نعود نطلبو في ربي يخفو شوية ...وكي يخف شوية نخاوفو نقولو بلاك الحمل بيه حاجة ربي يستر وان شااء الله خير ...ادعيوا لي غدوا نفرح فرحتي نتاع الصح...يااا رب ان شااء الله

[lamia zina]

بسومة شوفي الم الصدر علامة اكيدة للحمل
امة الرحمان لما حسيتي بالم الثدي اكيد كان تلقيح البويضة ربما ما قدرتش تنغرس في بطانة الرحم و لهذا جاتك الدورة
امومة و صبورة كيف الاحوال

[صبورة]

المشاركة الأصلية كتبت بواسطة alma021

السلام عليكم لبنات والله غير توحشتكم ههههه امة راني نقرا فالارشيف بغيت تترفهي بالبروسيات ههه والله ماخسارة فيك راني نقرا فالارشيف نكملو ونولي اوكي

الما
و عليكم السلام
اهلا بالعميرة واش راكي ؟