¤ô§ô ~أحلى تجمع حوامل التوأم 2011~ ô§ô

[دموع الشوق]

اهلين روعه ن حلوووووو مره هذا حق اللي في بطنك؟

[روعة ن]

اي والله هدا صورته الحين ونزلته عشان اجرب كيف تنزيل الصور بس لسه ما اشتريت غير شويييية اغراض انا لسا بكرية وما عندي خلفية عن الاغراض عم جرب شوي شوي

[طوق الياسمينا]

اهلين بنات
كيفكم ؟
ماشاء الله روعة حلو البربتوز الله يجيبهم بالسلامة يارب




نات اليوم اكلت فجعة قوية
واحد صدمنا بالسيارة من الخلف كنا واقفين عند الاشارة
وجا الاخ مسرع وخبط فينا بقوة
قلبي بيطلع وجلست اصارخ وزوجي انفجع
والله خايفة كل شوي اراقب بطني واتحسس
بديت اوسوس الله يستر يارب
------------------------------------------------------

[روعة ن]

عليك الف سلامة حبيبتي الله يحميكي ويحمي التوينز اذا بدك روحي اتطمني عند الدكتور وانشالله خير

[دموع الشوق]

سلامااااااات طوق الياسمينا الحمدلله جات على كذا اهم شي انتي بخير
شوفي الليله لازم تطلعي صدقه احسن

[طوق الياسمينا]

يسلمكم ربي روعة ودموع
--------------------------

[عذب]

أهلين كروشات
كيفكم جميعا؟
مشكوره أول غرام عالسؤال كلك ذوق
أنا الحمدلله بخير

[عشمانة في ربنا]

مساء الخير علي احلي كروشات
طوق الياسمينا الف حمدا لله علي سلامتك
روعة ن اظن ولادتك هتكون في الصيف ليه ماخدة شتوي

[الياه]

مسااااكم خير وسرور
أخبار الكروشاااات العسولااااات

وبدون ذكر أي أسم
عشااان محد يزعل

أخباري طيبة والحمدلله على كل حال
تذكرووون أمس شو كان هاااجس أغلب العضوااات

الســـــــكر

وقلت لكم .. اللي يخااااف من البع بع يطلع له

وكان عندي اليوم موعد شوفوا شو صار

موعدي الساعة 8 ونادوني لغرفة الكشف
وسألتني السستر شو مشكلتك
قلت لها الحمدلله ما عندي مشكلة
قالت: عندك مشكلة في تنظيم الدورة أو حابه تحملي؟؟؟
قلت لها أنا حامل؟؟؟؟
قالت كيف عاطينج موعد عند دكتورة نسائية مب الحوامل
" شفتوا كيف النظام عندنا"
قلت لها والحين شو الحل؟؟
قالت مب مشكلة بما أنج وصلتي راح تشوفك الدكتورة
قلت لها : ولا مستأذنه من دوامي بعد طلوع رووح
المهم سويت التحاليل المعتادة ضغط وزن ....ألخ
ودخلت على الدكتورة
شافت تحاليلي، وملفي وقالت ماشاءالله توأم
سألتها مثل ماقلت لكم عن تحليل السكر
قالت بدري توج الأسبوع 17 وما نسويه إلا في الأسبوع 24
وقالت للسستر تسوي لي سونار عشان نبض البيبي
السستر راوتني النبض وأنا أشوف حبايبي واضحين الأثنين
قالت لي هذا الراس والقلب
قلت لها والثاني؟؟ استغربت كيف ما شافته؟؟
قالت twins??
ولو تشوفون فرحتها جنها هي اللي حامل
وسارت تنادي الدكتورة وهي طايرة من الفرح وأنا أقولها
الدكتورة تعرف
الدكتورة ماحبت تكسر بخاطرها وجت وأونها متفاجئة
وأنا أقول الحمدلله محصني عمري
وحليلها السستر قالت كان خاطرها يكون عندها توأم
وفي عيلتهم توأم بس ما يابت وتعرفون الأجانب يكتفون بطفلين
تعالوا مب هذا المهم!!!
نرجع للأهم
المهم عطتني الدكتورة موعد على عيادة التوأم بعد اسبوعين
بعد ما أكدت لي أن كل تحاليلي أوكي
وسرت اسجل الموعد وأذكرت أني ما سألتها عن تحليل
"البول" وأنتم بكرامة لأنه قبل كان عندي جفاف
عند التسجيل قالولي رجعي للدكتورة لأنه أخصائية التوائم
أجازة لين نص شهر 2
قلت فرصة اسألها عن التحليل
قالت لي الحمد لله ما عندي جفااف
بس لحظه!!!!
قلت شووو قاااالت:
عندج سكـــــــر
على طووول تذكرتكم وتذكرت خوفكم من السكر
وقالت لازم الحين تسوين تحليلن السكر!!!!!!

سبحان الله يعني هي شو وظيفتها أذا ماشافت التحاليل من الاساس، على أي اساس تقول لي كل شي أوكي!!!!
في هالزمن لازم الوحدة تكون دكتورة نفسها

وشربت المحلوول"ماحبه مثل الميرندا"
وانتظرت ساعة، وخذوا مني تحليل دم
قلت لهم والنتيجة قالوا إذا في شي
بنتصل عليج
وإذا ما اتصلنا يعني مافيني شي
بس شو يضمن لي أنهم يتصلون علي وما يطنشوني
والوسواااس اشتغل عندي
مع أني ما حب السكر
دومي أقول لصديقاتي الحلو ما ياكل حلوو
وسبحان الله، على كثر ما آكل موااالح
صرت أقطر عسل

باجر بحاول اسير المسى وأشوف النتيجة

دعواااااتكم النتيجة تكووون سلبية

[ام سولي]

هده عربية سولي من رد تاغ صراحة ما عجبتني ودي اغيرها