شنو افضل طريقة للتمنيع

[حـورية]

السلام عليكم و رحمة الله و بركاته

بنات برايكم شنو افضل طريقة للتمنيع من بعد الطفل الاول
لاني انا توني والدة و ما ابغى احمل بسرعة
انا افكر ان احمل باذن الله عقب اربع سنين
عشان ابغى استانس برعاية مولودي الاول
ابغى اهتم فيه و اعطيه حقه و اعطي روحي حقها و اعطي زوجي حقه
عشان كذا ابغى من تجاربكم شنو افضل طريقة للتمنيع
ما ابغى لولب لان سمعت انه ما ينفع بعد المولود الاول فيه خطورة ان ما ارجع احمل مرة ثانية

[المستحيله]

فيه الحبوب او الابره او اللصقه او زوجك يستخدم الكاندوم...
اختاري اي وسيله بتريحك

[جوووودي]

أنا مثلك حامل وعلى وشك أولد وانتي نفس تفكيري بالضبط أبغى اجلس اربع سنين وما عندي اي فكره عن الموانع وكيف طريقتها كمان ياليت الأخوات يفيدونا بتجاربهم ولو سمحتي أختي انتي والده طبيعي ولا قيصري أبغى اعرف تجربتك لأني مرررره خائفه ومحتاره

[wody]

اهلين انا ولدي عمره 9 شهور الله يحفظه واستخدم طريقة العد بس لازم تكون دورتك منتظمه

[حـورية]

مشكورين على المرور

بس شنو يعني طريقة اللصقة ؟؟

جوووودي

لا تحاتين من الولادة صدقيني تيسير من رب العالمين
لما تكوني بالولادة تحسين روحج بغير عالم سبحان الله
ولما تطلعي من الولادة ما رح تصدقي انج ولدتي
انا الحمد لله ولدت طبيعي مع اني كنت مو متخيلة روحي بولد طبيعي لاني اولا خوافة
ثانيا جسمي كاني بيبي الممرضات لما شافوني بغرفة الولادة عبالهم عمري 12 سنة كلهم يقولون مسكينة وايد صغنتوتة و انا عمري 20 سنة لووووول
ان شاء الله يا رب تولدي طبيعي
و لا تفكري بالموضوع لان الخوف الي خفته كله كان اكبر الم من الولادة
لاني كنت من خوفي ما انام الليل و احيانا اتوهم الالم و كذا