تعالو شوفو اخو زوجي شنو سوى

[همسات ام]

تعالو شوفو يابنات والله الرجال مالهم امان ويامامنه للرجال يا مامنه للميه في الغربااااااااال ويلي*
هذا اخو زوجي متزوج من اكثر من سبع سنوات عنده ثلاث اطفال وربي فاتح باب الرزق عليه*
هو لما كان يريد يتزوج كان عنده مواصفات خاصه للبنت اللي يتزوجها يريدها بيضه طويله رشيقه *كذا يعني فووووووول اوبشن مثل مايقولو المهم وصفوله وحده قال اشوفها راح يشوفها بمكان عملها مادري سوتله سحر والا هو انعمى والا القسمه والنصيب المهم قال هذي وبس اجمممل وحده بالدنيا*
قلنا ربي يسعدك ويهنيك قال اجمل من كل زوجات اخواني قلنا ريييييتها*
وبيوم العقد رحنا بقينا ندور عالعروس*
استغفر الله ربي لاتحسبها غيبه بس البنت كانت النقيض لكل المواصفات اللي كانت في باله مافيها بس عيونها حلوات*
المهم اول ايام الزواج كلما كلمها قال لها غشيتيني خدعتيني لبستي كعب عالي وحطيتي مكياج يقول لها هالكلام قدامنا والله لو زوجي يقولي كذا قدام اهله كنت تطلقت منننننه بس هي تضحك وتسكت ولاترد وين الكرامه!! طبعا تسكت قدامنا ولما تقعد معاه لوحدهم تقعد تنق تنق تنق
*ياما كادتلي واشتغلت غيرتها وعذبتني ومرمرتني وخربت بيني وبين اهل زوجي وزوجي حتى لما كنت اطلع مع زوجي تتخانق مع زوجها يجي يقول لاخوه لاتطلعون خلي مرتك بالبيت لان مرتي ماترضى! ومرات توقفلي بالباب تقولي ليش تطلعين اليوم انا اريد اطلع وكاني طالعه مع زوجها مو مع زوجي!!!! المهم انا عمري مارديتها ولا تخانقت معاها لانها اكبر مني وانا ماحب ارادد الاكبر مني حتى لو بسنه وحده كنت اطنشششششش*
وبعدين طلعنا كل واحد ابيت وكل واحد عايش حياته مع انها كانت مستمره تسببلي مشاكل حتى وهي بعيده وحتى زوجي تحاول تخليه يصير ضدي سلمتها بيد الله والله يابنات احكيلكم اللي سواه زوجها صدمنا كلنا في العائله والله لاتظنو اني متشمته والله يعلم انا يوم سمعت الخبر للصبح مانمت حتى لو مو حزينه عليها انا خفت على حالي لايطلع زوجي مثل اخوه بعد
قبل فتره لقت رقم في جواله دقت طلعت بنت من جنسيه ثانيه راحت واجهته قال لها اي متزوج صرلي 3 سنواااات!!!! وانا مو باقي عليكي
زواج في السر كمان مو رسمي وهو دائم السفر بره يقول متعرف عالبنت وهي مغربيه بره ومتزوجها ويحبها وكلما يسافر يروحلها يعني عالاقل من حقها عليه انه يبلغها ولايطعنها في الظهر ولو بحق عشرة السنين والاطفال*
بناااات 3 سنوات وهذي نايمه على ذانها انا من يوم ماسمعت واحس بحالي دايخه والله وزوجي بعد كثير السفر ويوميه بلد ويقولي شغل والخوف كاتلني خلص مابقت فيه اعصااااب خاف يطلع مثل اخوه خااااااااف يكون عاملها وانا بعد نايمه على ذاني *
بس تعرفو هي فيها عيب بغض النظر عن شكلها عيب لايغتفر بالنسبه للرجال هي نقاقه ولسانها طويل *طماعه وشنو يسوي ولا ترضى ياناس اربعه وعشرين ساعه بس تنق براسه وتاكل بقلبه وشوف فلان وشوف فلانه حتى قبل فتره صارت عنده مشاكل بالقلب وهو لسه مادخل الاربعين طيب حتى لو كانت فيها صفات سلبيه اكيد هو بعد فيه صفات سلبيه وكافي انها صابره على سفره ومتحمله مسؤولية الاطفال لوحدها والله مادري وين الحق والباطل انتم شنو رايكم؟؟
والله مو عارفه شنو اقول ربي لاتبتلينا يالله استر علينا*