مشكلتي مع اخت زوجي( مشكله ولها حل)

[كاريزما السيبانيه]

بسم الله الرحمن الرحيم
السلام وعليكم ورحمة الله وبركاته
مشكلتي هي اخت زوجي ربي يهديها ويزوجها ويخلصني منها
مايمر يوم والا المشاكل تزيد بسببها في كل مشكله تقع بالبيت
والا لها يد فيها تحرض مره حماتي علي ومره زوجة اخ زوجي
كل يوم تختلق لي مشكله مره اخذت مفتاح غرفتي وقالت لي ممنوع
تغلقي الغرفه وتحلف على الكذب وتسب اهلي
بدون سبب مابعرف ليش وبعدين انا اعاملها معامله كويسه
حتى بناتها لدرجه انهم يحبوني ويقولو لي ترى امي كل يوم تتكلم عليك امام حماتي
ويكرهون امهم يقؤلون احنا نحبك ياريتك انتي امي ياعمه نحبك اكثر من امي
حرضت حماتي علي كانت علاقتي مع حماتي كويسه كاني بنتها
والحين صارت ماتطيقني وتسبني زعلت منهم ولااكلمهم وكلمت زوجي عليهم
وجمعنا وقال لاامه ايش سوت زوجتي معك ماعملت الك شي تطلبينه
قالت لا مافيها شي غلط بنت ناس محترمه
مابعرف ليش ماتطيقني وهي تعرف ااني احبها
واعاملها مثل امي واحسن الحمدلله ان زوجي يحبني ويموووت فيني
طلب زوجي من حماتي اننا نستقيل ببيت لحالنا مارضيت قالت له اذا نزلت من البيت انت
انا راح انزل وماراح تشوفني نهائيا
قال لها طيب راح ابني شقه فوق البيت نفسه لنا انا وزوجتي وانتي حيث ماتبين اجلسي
قالت الشقه اللي راح تبنيها فوق ابنها لااختك المطلقه هذي اللي كل يوم تسؤي لي مشاكل
والحين يبنون فوق البيت شقه لااخته وتحتنا بنفس البيت طابق فيه اخته الثانيه ساكنه هي وزوجها
اما انا وزوجي ساكنين بالطابق الاوسط انا وزوجي وحماتي واخ زوجي وزوجة اخ زوجي والمطلقه اختهم بس انا حالتي النفسيه مو مستقره وحساسه من اي كلمه مااحب اجرح احد ولااحب احد يجرحني ومااحب الكذب نهائيا ياليت تلاقوا حل لمشكلتي اخوااااااااتي
اختكم كاريزما