تجمع الجزائريات الغاليات المتأخرات في الحمل ‏

[Nourelhouda]

البنات قلنا نحلو صفحة جديدة خلاص العتاب ،،،،،،
اختي شكران واش معناتها واش كتبتي مافهمتش

[أم نهى الجزائرية]

لبنات اعرف اني اخر وحدة دخلت للتجمع اليوم لكن و الله من قبيل و انا نقرا في الارشيف تقلقت لدرجة ما تتخيلوهاش

سبحان الله اول مرة نشوف هاد الطريقة في الكلام و الرد على الاخوات و صح حسيت بلي كاين اقصاء للاخوات الجديدات "و مانقولوش ما شفناهمش لانهم حطو اكثر من رد و لا من رد عليهم "؟؟؟؟؟؟؟؟؟؟؟؟؟؟؟؟؟؟

ثانيا كاين اخوات والله استعملو بعض الالفاظ و العبارة مخزية ما كناش نتوقعوها منهم بالرغم من انو احنا العضوات الجديدات ما نعرفوكمش مليح لاكن والله دايما يسقسيو على لبنات كامل مجرد يسمعو اساميهم و لا يعرفو بيهم ادنى حاجة او مرض

ف من رايي ماكانتش هادي انسب طريقة للرد على البنات الجدد

و عن مشاركة الاخت امل فانا لو كنت مكانها كنت قلت نفس الشي لاني بديت نقرا الرشيف من اخر مشاركة لي و صراحة تفاجاة من تصرف الاخوات قبل اصلا لا نقرا مشاركتها عن القوانين

و لي تقول المنتدى ولا يسد النفس و ما عرف واه سبحان الله من تواضع لله رفعه واش يعني هاد الكلام انو العضوات الجديدات يسدو النفس ؟؟؟؟؟؟؟؟ لاني تقريبا دايما هنا و مطلعة على الارشيف و حتى وحدة ما دارت مشاركة ماشي مليحة بالعكس غير ضحك وموانسة و ندعيو لبعضانا ؟؟؟؟؟؟؟؟

اما التعليق على عبارة تستعملها بعض الاخوات و هادي حرية شخصية ما فيها حتى حساسية لاننو حتى العضوات لخرين يستعملو عبارات مش شرط نحبوها كامل لاكن حتى واحد ما علق على الامر عادي جدا

نرجع لعبارة " راني شفافة , و معلاه ما رديتوش علي ,,,,,,,,,," و انا وحدة نقولها و نزيد نعاودها و ما فيها حتى حاجة وحنا ما قلناهاش لاي واحد قلناها لحباباتنا و خياتنا بضحك و دعابة وروح مرحة مافيها والو انا حتى في حياتي نستخدمها و حتى واحد ما علق عليها وكون ما جيناش نحبو بعضانا بزاف حتى وحدة ما تلوم علاه ماردوش عليها او ما شافوهاش ؟؟؟؟؟؟؟؟؟؟؟

و لكن حرية الظن كل ولحد يظن على حساب واش كاين في قلبو ,,,,,,,,,,,,,,,,,,,,,,,

اما اخر حاجة و لي قلقتني تاع الصح و شوكاتني حكاية سيناريوهات الجن و السحر و,,,,و,,,,,, سبحان الله

اذا كنتو تقولو هاد التجمع ماشي مخصص لهاد الامر وعندكم الحق فهو ماشي مخصص ايضا للطبخ و للضحك و للفرفشة و ,,,,,,,,,
لانو كل حاجة من هاد الامور عندها منتدى خاص بيها و الالتزام يشمل الجميع

و كلامي ليس لاني لا مشرفة و لا هم يحزنون انا عضوة بسيطة في هاد التجمع حبيتو من قلبيو لقيت فيه راحتي مع خياتي لاكن انصدمت فيه في اخر صفحاته نهايته كانت غير ما كنت نتوقع

[أم نهى الجزائرية]

و اما عن حكاية السحرو الجن وانا خوافناكم و اعرف اني المقصودة لاني الوحيدة الي حكيتلكم حكايتي من الاول و يظهرلي كنت غالطة ماشي اي حاجة في القلب تنحكى خاصة اذا غلطت في الناس الي تحكيلهم سرك سامحوني اسفة من كل قلبي على كل رعب او خوف سببتو لاي وحدة منكم عن غير قصد

و الي قالت سيناريوهات و قصص مارعف خرافية و لا لا اساس لها من الصحة نقولها ما يحس بالجمرة غير الي عفس عليها و انا كون لقيت راني لاباس علي وشي ما يخصني لاه ناقصة هم و مشاكل حتى نبلي روحي بحاجة ماكاش منها ؟؟؟؟؟؟؟؟؟؟؟؟

لاكن الله غالب خيرت المكان الخطأ و كنت متمنيا من الاخوات الي كانت عندهم ملاحظة علي كون بعثولي في الخاص و نبهوني بكل لباقة ماشي كامل حاكمينها في قلبوكم و ما صدقتو فتحتو الموضوع و بديتو كل وحدة واش تقول

سبحان الله و الله غير تشوكيت في التجمع لدرجة ما يعلمها غير ربي سبحانه

و اسفة قلتو بلا عتاب لاكن ما قدرتش نفوت الشي الي صرا اليومكي شغل ماكان والو

و في الاخير سامحوني كامل الى غلطت في حق اي وحدة منكم ولا جرحت مشاعرها بكلمة ولا نفرتها من التجمع عن غير قصد ولا سديت نفسها ,,,,,,,,,,,,,,,لكن الناس معادن و اليوم بان معدن كل واحد

و الله راني نكتب و نبكي نهار الي كنت محتاجة فيه اكثر من اي وقت لمساندتكم لقيت شي الي زاد جرحني اكثر من الي في

لكن ربي معايا و ان شاء الله ما يخليني محتاجة لاي احد مهما كان و لو كان اقرب الناس لي

مع السلامة مع فائق اسفي و اعتذاري للجميع

غلطة و ندمانة عليها

[Nourelhouda]

ام نهى علاش جاتك الهدرة في جنابك!؟!؟
اولا انت راكي عضوة قديمة معانا ماكيش حديدة
ثانيا قضية الجن ماشي غير انت اللي حكيتي عليهم راهم بنات بزاف من قبلك و راهم عارفين روحهم،،،،
احنا في الاول صدقنا قصتك و تفاعلنا معاها بصح يا اختي كاين حكايات لاتدخل للعقل رانا نعرفو و نشوفو،،،،،،
المشكل في الاول حكيتيلنا على مسلم و انا وخدة و صدقتك،،،،، و تفاعلت معاك لدرجة اني انا وحدة صدقت حكايتك كي قالك راكي بالحمل و عند ثلاث توائم و درتلك حتى شريط الحمل
بصح بعدها الحكايات تطورت و تغيرت، و السيناريوهات ماشي عليك انت،،،، لان اكتشفنا بلي كاين بنات مايهدروش الحقيقة راهم يديرو افلام و مسلسلات مافهمتش اللازم منها،اليوم تهدر هدرة غدوة تهدر هدرة اخرى ،،،،، و قضية الجن و السحر رانا مصدقينها لكن في حدود المعقول و كم من مرة قلنا ان هذ الامر يخلعنا و كاين بنات تناقشو فيه معاك و هكذاك و رديتيهم و ماقلنا والو،،،،،
احنا اول ناس رحبنا بيك و بحكايتك و دعينالك، بصح الحكاية راهي كل ما راهي تطور و احيانا ماتدخلش للعقل ،،،،،، درك انت تقولي الحقيقة او غيرها الله اعلم بصح مادابينا نبدلو الحكايات في التجمع و نرجع للاصل تاعو اذا سمحتو،،،،،
وربي يشافي و يعافي جميع المسلمين و نحن نرحب بجميع اخواتنا اللي راهم يعانيو من تاخر الحمل و ان شاء الله نفرحو في القريب العاجل،،،،،

[Nourelhouda]

و اذا على مواضيع الخرى خارجة عن الممل افضل ان اناقشها مثل الخياطة و الفرفشة و غيرها عن مواضيع الجن و غيرها،،،،،،
و رانا ننتضروك ترجعي ام نهى لبيبة التجمع النشيطة المرحة الفرفوشة طيبة القلب و تنساي شوية موضوع الجن ،،،،،،،،،نستناو ابداعاتك في الخياطة ،،،،
و راكي دايما اخت عزيزة على قلبنا

[bassouma]

صباح الخير لبنات واش هذا الكلام لي راكم تكتبوه لحق راكم كامل كبارات و متفهمات ما شاء الله و كل وحدة والمشكل ديالها حنا رانا متلايمين باش نونسو بعضنا بعض و نفرجو على رواحنا مشي نزيدو على بعضنا و علاش حساسية الزائدة و لي راهي تكذب و تزيد في كلامها هذيك طبيعتها و شخصيتها و على عضوات جدد أم نهى أنا ما نوافقكش رأي أنا ملي دخلت تجمع و كل رحبو بيا المهم أنا نحبكم كامل دون إستثناء رحم والدكم مديروش عنصرية في تجمع

[امال3]

صباح الخير لبنات خلتوني نزغف انا كي اتخلت لي المنتدا كان مكتوب لي الجزائريات انا في الغربا حسي بي الوحدة مع اني عندي رجلي او اولدي ادخلت انونس روحي او انخفف اعلى خياتى خيات اعرفتهم من حكيتهم وطعطفت امعهم او كين لي افرحتلهم او. بكوني كما انتظار مكنش عرفا بلي لبنات اقدم ميعجبهمش يدخلو ابنات اجدد انا عندي هذه عنصرية كي اطلبت لا تقبلوني في المنتد ا كنتو اتقولو بلي هذا المنتدا لي البنات القدم هكذاك ما ندخل ما انعيي روحي او علي القصص تاع الجن الانسان ميهدرش خطرش الدنيا وعرية او ميحس بي الجمرة غير لي اكوتو او لي يضحك اعلي اشي ايجيه يمشي او وسعي خطرك ام نهي او ربي الفرج اعليك

[Nourelhouda]

المشاركة الأصلية كتبت بواسطة امال3

صباح الخير لبنات خلتوني نزغف انا كي اتخلت لي المنتدا كان مكتوب لي الجزائريات انا في الغربا حسي بي الوحدة مع اني عندي رجلي او اولدي ادخلت انونس روحي او انخفف اعلى خياتى خيات اعرفتهم من حكيتهم وطعطفت امعهم او كين لي افرحتلهم او. بكوني كما انتظار مكنش عرفا بلي لبنات اقدم ميعجبهمش يدخلو ابنات اجدد انا عندي هذه عنصرية كي اطلبت لا تقبلوني في المنتد ا كنتو اتقولو بلي هذا المنتدا لي البنات القدم هكذاك ما ندخل ما انعيي روحي او علي القصص تاع الجن الانسان ميهدرش خطرش الدنيا وعرية او ميحس بي الجمرة غير لي اكوتو او لي يضحك اعلي اشي ايجيه يمشي او وسعي خطرك ام نهي او ربي الفرج اعليك

صباح الخير اختي ام امال
اختي الف مبروك الحمل ربي يتمملك على خير و يرزقك التوأم السليم المعافى يارب،،،
يابنتي علاش راكي تزيدي الطين بلة. ؟؟!؟ شكون اللي ضحك على ام نهى !؟!؟! واحد ماضحك!؟!؟ اذا ترجعي للارشيف كنا معاها في كل احداثها مع الجن مسلم لحقت حتى حطيتلها شريط الحنل كي قاللها الجن راكي حامل،،، و من بعد كي تحطمت و جاتها الدورة نهيناها قوللنالها اخطيك من هذ الحكايات انسايها و عيشي حياتك نورمال،،،،،،و الحكايات و الروايات و الخرطي اللي هدرنا عليها هي من عضوات حوامل كانو معانا و خباو خبر حملهم على هذو اللي رانا نقولو راهم دارو سيناريوهات عجيبة غريبة ،،،ديريها في روحك انت متاخرة في الحمل شحال من سنة تجي وحدة تهدر معاك كل يوم و هي حامل و تشتكي و تبكي و من بعد تكتشفي انها حامل و فوقها قريب تولد والهايلة كامل تزيد تكذب تقوللنا راني في الاشهر الاوولى قوليلي كيفاش راح يكون رد فعلك !؟!؟!؟!
احنا رانا نعانيو مع المجتمع تاعناالمحيط من هذ الهدات و كرهنا نهدرو مع ناس بهاذ العقلية ،،،،،تدخلي للتجمع وين تلقاي ناس و تعرفيهم و يفهموك يديرولك هكذا اسمحيلي انا وحدة انقست و غاضتني عمري
و ماناش نميزو عنصريا ابدا ماكان بيناتنا تمييز عنصري و حتى واحد ماجاب سيرة الغربي و الشرقي و العاصمي رانا كامل ولاد بلاد وحدة و رانا كامل مشكلتنا وحدة
و اليوم قلت نحلو صفحة جديدة و بدون عتاب الله يرحم الوالدين خلونا من النش

[alma021]

صباح الخير بسومة واش راكي

[bassouma]

صباح النور ألما واش جديدك