الادويه المناسبه في فترة النفاس؟

[ملكتني بهمسك]

السلام عليكم
انا لي كم يوم مشتركه بمنتدى وذحين شفت موضوعك وبارد عليك بكل شي اعرفه وسويته بولاداتي

في الصباح ابلع ملعقه عسل مخلوط معاه حبه سوداء+مر+(حلبه 20 يوم الاوله)

كاس منقوع المر

تمر مع سمن وحب الرشاد وشويه حبه البركه مع قهوه قشر

بعد الفطور او معه مطحونه حلبه+فلفل اسود+ماش(الماش وحلبه 20يوم الاوله)

عد الغداء بربع ساعه شرب منقوع
( م.ك.عنزروت+م.ص.مره+ شوي محلب ..لاتكثرين المحلب بس نتفه) 20الايام الاخيره
في كوب ماء وسط

العصر شاهي (ينسون+كراويه+كمون+شمر+نخوه)

اوشاهي قرفة + نعناع + زنجبيل + كمون << تعمل مثل الشاي وتوضع بترمس اشربيه كل يوم لمدة اسبوعين

المغرب تمر مع سمن وحب الرشاد وحبه البركه
مع قهوه قشر

المغرب تمر مع سمن وحب الرشاد وحبه البركه
مع قهوه قشر

شاي اوراق الزعتر في الليل قبل النوم طول فترت النفاس ملعقه زعتر ورق نصب فوقها ماء مغلي

(شرب عشبة المدينة او القشعه) 5 ايام الاوله
اول يوم من النفاس وتستمر لمدة 5 ايام مطحونة مقدار ملعقة صغيرة على الريق لهم (سف) او مع كوب حليب وملعقة صغيرة قبل النوم لهم(سف) ايضا او مخلوطة مع شوربة أو أي شيء دافئ او حار ... ( وهي مرة جدا ) عشان يمنع الحدا وينظف كل الدم المتجمد في الرحم

(شرب عشبه عباءه السيده)
3 مرات في اليوم ملعقه وعليها كاس ماء حار 20 يوم الاخيره عشان التضييق ويقولو يشد الجسم بس انا استخدمه عشان التضيق

وبعد 21 يوم من نفاستك استخدمي البردقوش مع الزنجبيل مع اليانسون اغليها واشربيها عشان يطرد الهواء اللي داخل الرحم مهم جدا

حطي (كوبين زيت زيتون على النار +ومعاه ربع كوب مر +كوب خواجو)
5دقايق بعدين يترك ليبرد تدهن به الفوطه

غسول قرض +قشر الرمان +ملح خشن+خواجو
او غسول مر او ملح خشن
غسول البيتادين بعد الاربعين او العشره الايام الاخيره

بخور(عفص +نوى تمر) في العشرين الوله
_بخور (كمون +قشر بصل +خواجو +مر) في العشرين الاخيره

قشر الرمان يبلع مع عصير بعد ماينشف الدم

تجمعين نوى التمر وتغسلينه زين وتجففينه وتتركينه يومين في مكان جيد التهويه وبعدين تحمصينه زين على نار هاديه لمدةساعة او ساعتين... الين يستوي وبعدها اطحنية وحطيه بعلبه ..
اخر العشره الايام الاخيره او اليومين الاخيره في اول دوره بعد النفاس خذي ملعقه على الريق مع حليب دافي او مويه دافيه واشربيه

والفلفل الاسود والمحلب افضل شي الايام الاخيره

والحلبه والماش والقرنفل افضل شي الايام الاوله بس لانه لو استخدمتيه الايام الاخيره عن تجربه شخصيه ينفخ الجسم ويجمع المويه في الجسم

واهم شي كلي لاتجوعي وابعدي عن الاكلات اللزجه وابعدين عن المويه الباره والغازات اربعين يوم ولو تقدري شهرين ودفي نفسك كويس ولاتمشي على البلاط البارد او تجلسي عليه وحطي طرحه على راسك عشان مايوجعك راسك ونشفي المنطق بعد ما تستعملي الحمام وانتبهي من الامساك لانه ينزل الرحم ويسير يخليكي تحسي وقت الجماع بالم في رحمك وادهني بطن باي زيت انتي حابه انا استخدم جنين القمح او زيت السمسم الي متوفر عندي وقتها واربطي بطنك انا والله ما افك بطني المن اخلص الاربعين ومشاءالله قولو مشاءالله محد يصدق ان عندي 4 اطفال الله يخليهم لي والخامس في بطني وهذا بيكون نظامي لاني متعوده عليه من اول نفاس لي

وشفي دوري في النت عندك كثير انضمه حقت النفاس

ونصييييييييييييييييييحه لوجه الله

كل شي يزيد عن حده ينقلب ضده والي تعرفيه ويناسبك خذيه والي ماتعرفيه سيبيه ودوري عن فائده ومضار كل عشبه سمعتي عنها انها مفيده لنفاس وحابه تستخدميها قبل لاتبلعيها لان الاجسام تختلف من وحده لوحده ممكن يفيد وحده ويضر وحده ثانيه وهذا والله العظيم نظامي في نفاسي والي متوفر عندي وقتها من النظام ابلعه والي مو متوفر خلاص واهم اهم اهم شي عندي ولازم منه اكل كويس وادفي نفسي واكل التمر مع الرشاد والعسل مع حبه البركه واشرب منقوع المر واهتم بخياطه لين تطيح والي تقول الاجانب مايستخدمو شي صح كلامهم لان طبيعه اجسامهم تختلف عنا وبيئتهم تختلف واكلهم يختلف وشوفو كيف شكل اجسامهم من لحم الخنازير

هذا كل شي عندي اعرفه واستخدمه شخصين واعذريني على الاطاله القصور

وربي يهون علينا ويسهل ولادتنا ويجعل الامنا في موازين حسنتنا

وانا مشتركه في تجمع الحوامل اللاتي سيلدن بشهر ربيع الثاني 1432

وشفتك تسالي عن شي يهدي الم ضرس العقل ورديت عليك انك تستخدمي القرنفل مطحون او زيت القرنفل من الصيدليه تحطيه على الضرس عشان يهديلك الالم اهم شي لا تبلعيه

ما ابغا منك الادعوه في ظهر الغيب ان ربي ييسر ولادتي ويهديلي زوجي وعيالي ويفرج همي واذا بغيتي شي انا حاظر لايردك الا لسانك