الله يخليكم ابغاكم ضروري

[فديت قلب ملكني]

السلام عليكم ورحمة الله وبركاته







اخباركم جميعا

طبعا انا عضوة جديده وهذا اول موضوع لي

وحابه اسألكم في شي محيرني وماني قادره انطر

ادخل في صلب الموضوع

الله يسلمكم انا حامل ولي الان يمكن لي 12 اسبوع ...وقبله 3 اسابيع ادكتوره

عملت لي سونار وطلع لي كيسين واحد فيه جنين والثاني مافي جنين او مو مبين

مدري وش القصه طبعا انا اراجع في مركز حكومي المهم عطتني تحويله على مستشفى الولاده عشان اسوي اشعه الصوتيه

وعطوني الموعد بعد العيد واحس اني ناطره على نار ابغى اعرف وش قصه الكيس الثاني لاني سالت الدكتوره اللي انا اراجع عندها تقول محتمل يكونوا توأم بس ليه مافيه جنين

والله يخليكم اللي عندها خلفيه عن الموضع ترد علي الله يجزاكم كل خير ترى مررره

نفسيتي تعبانه دايم افكر اقول انشاء الله يطلع جنين ثاني ولا يكون كيس فاضي

والله يوفق ويسهل على اللي ترد علي

[**سماسم**]

حياج الله ويانا يالغاليه ..
ولاتخافين إذا كان الكيس فاضي راح يحلله الجسم وينزل بروحه ..
وحتى ترتاحين روحي حق دكتوره ثانيه ..
وربي يثبت حملج ويسهل عليج
,,

[فديت قلب ملكني]

مشكوره ياقلبي ع الرد

بس ياريت اللي عندها خلفيه ترد علي

[somia]

أختي انا كان الأول الجنين عندي مو مبين في الكيس بس الحين الحمد لله بين انتي حاولي تروحي تسوي سونار في أي مكان ثاني وان شاء الله تطمني وتطمنينا

[فديت قلب ملكني]

مشكوره يابعد عمري ع الرد

يعني يكون محتمل انهم توأم بس مابين عدل

لان انا وزوجي خاطرنا بتوأم

[كآبتشينو]

ان شاء الله يارب يكونو تؤام ..

انتي انتظري يالغلآ .. وراجعي بعد العيد وان شاء الله يوضح

انتي انتبهي ع نفسك وارتاحي ..~

وبشرينـآ عنك ..

[طبيبة القلوب]

غاليتي قد يكون بدأ تكون الحمل في الكيس الاخر ولكن لسبب معين توقف نموه مع تواجد الكيس ...في هذه الحالة سيهضم جسمك هذا الكيس ويستفيد منها الطفل الاخر ,, وقد يكون فيه جنين ولكن غير واضح وهذا الامر مستبعد ,,,لكن حبيبتي احمدي ربك ع كل شي
وانو اهم حاجة يكون سليم ومعافى ومو مهم واحد ولا اتنين ............

ربي يغفر ذنوبنا في يوم عرفة