اناشيد للبيبي

[لوللا]

هذه لا جا صحي البيبي من نومته ...ولا طلعت سنته كمان .. او لا بدأ يقرأ ويحفظ القران ..

صباحك زين ..
لا هو وحش ولا هو شين ..

صباحك الصباحي ..
واللولو والتفاحي ..

و(( اسم البيبي )) يقول يايمه .. طلع لي اليوم ضرسين ..
و(( اسم البيبي )) يقول يايمه .. حفظت اليوم جزوين ..

وصباحك الصباحي .. واللولو والتفاحي ..

كمان للصباح .. جدتي الله يديها طولة العمر وحسن الخاتمه .كانت تقولها لنا ..

صباح الخير اصطبحنا ..
ورز ولبن طبخنا ..
واكلنا وانسدحنا ..
واكلنا الوقت بدري ..

وهذه العرب كانو يرقصون اطفالهم عليها ..
ممكن تقولينها له وقت ما تلبسي البيبي وتعطريه ..تقولي ..

يا حبذا ريح الولد .. ريح الخزامى في البلد ..
اهكذا كل ولد .. ام لم يلد مثلي أحد ..

وقت الحمام .. غني له اغنية كانت تجي ومان في افتح ياسمسم ..

مرحى مرحى للحمام ..انت صديقي ياحمام ..
كل الناس غدت تهواني .. خين خرجت من الحمام ..
مرحى .. مرحى .. للحمام ..

واهلي الله يعطيهم العافيه يقولوا للبيبي لا جاته (( زغطه بالمصري )) (( فهيقه او فهاقة بلغتنا )) وبالعربيه (( الحازوقه ))

يا فهاقه روحي للناقه ..

ويقولو عشان يشجعو البيبي عالتصفيق واللعب ..

صفق صفق يامرجان .. ستي خديجه في الدرجان ..

هذا اللي يحضرني الان .. ولو افتكرت شي .. حأكتبه هون ..
واللي شايفاه انو كل اللي كتبوه البنات الله يحفظهم يختلف من منطقه لأخرى ..


حلو موضوعك .. ربنا يحط حملك على خير ..