محبطة جداً ساعدوني وادعولي

[مها المصري]

السلام عليكم ورحمه الله وبركاته

انا متزوجه من سنه ونص ولا مره حصل حمل حتى لما كنت بشك في شهور اني حامل والدورة تتأخر عن ميعادها يومين تلاته كانت بتنزل واكتشف اني عشمت نفسي على الفاضي
دلوقتي انا كنت رحت لدكتوره قبل جوازي واطمنت ان مفيش شيء مقلق بالسونار ونصحتني اخد فوليك اسيد قبل الزواج ب٦ شهور .
انا خايفه جداً اكون عندي حاجه تمنع الحمل خصوصاً أن سني مش صغير ٣٥ سنه ، وشايله الغدة الدرقية كامله من سنه .

كل الناس اللي اتجوزوا معايا وبعدي اللهم بارك خلفوا دلوقتي وببقى محرجه من أسئلة الأهل والاقارب والأصدقاء مع اني بحاول اتعامل عادي ومش بحسس حد إني بتضايق من الضغط والأسئلة السخيفه بتاعة شدي حيلك ولازم تروحي لدكتور كده كتير ، وبيتهموني بالتراخي والبرود .



انا زوجي سبق له الزواج ولم ينجب وعلى حسب كلامه أنه بفضل الله لا يعاني من شيء يمنع الانجاب ، وهو معظم الوقت مسافر مش متواجد وكتير بيكون عندي الدورة اوقات إجازته 🙄🙄

تنصحوني بإيه ، اتصرف ازاي ؟

ادعولي ربنا يسعد قلبي ويرزقني بالذرية الصالحة السليمه المعافاه .