السلام عليكم ورحمة الله
مساء سعيد على الجميع ♥
حبيباتي المنتظرات وصاحبات التجارب السابقة
سؤالي لكم من العنوان - كيف تقبلتوا فشل العملية ؟ 🥺
أول تجربة لي كانت الشهر الماضي والتحليل يوم الاحد أظهر فشلها
ونزول العذر الله يكرمكم
في البداية حسيت براحه بعد رحلة شهر من التعب والقلق والانتظار
لكن هذي اليومين كأني بديت أصحى 🥺 صرت بس افكر وأحزن
كل تفكيري بالتعب النفسي والجسمي والخسائر المالية والأمل الكبير الي كنت متخيلته
خصوصًا اني كنت حريصه جدًا والأمور من البداية كانت تبشر بالخير
لانه من جهتي كنت سليمة الحمدلله والعائق من جهة زوجي
فكنت ماتوقعت أبدًا الفشل 🥺 حتى رسالة التبشير للأهل مجهزتها
أدري خطأ مني المفروض مايكون عندي هالأمل
كنت ادعي واصلي صلاة الحاجة اكثر من مره باليوم وأحوقل كثير
كنت اقول مستحيل ربي يخيب تعبي ودعائي ورجائي
لكن الشيطان شاطر بعد الفشل دخل علي من هالمدخل
صار عندي شوية جزع وعتب
ومالي اي رغبة دعاء او ذكر او حتى اعادة تجربة او تفكير بالحمل والأطفال !
ودي يكون عندي رضا وصبر وتفاؤل بس حرفيًا مو قادرة
بالله كيف خففتوا من مُر الصدمة والفشل !
كيف تقبلتوا وضعكم ؟
الله يرضينا بالدبرة ويعوضنا ويخلف علينا 🥺♥