السلام عليكم
كيفكم اخواتي ؟ ان شاءالله كلكم بخير ؟!
بدخل بالموضوع على طول
انا كنت بهذا المنتدى من قبل 6 سنوات وتحمست اني احمل لاول بيبي لي
واخواتي هنا ماقصرو يحمسو ويشجعو ان يخلو الوحده تحممل
والحمدلله طبقت تجارب هنا كثيره لين حملت ورزقت بولد
ولكن بعد نفاستي ربي كتب لي اني اتطلق والحمدلله على كل حال
مرت سنوات واختفيت من هنا والنفسيه تعبت وكبرت ولدي لما 5 سنوات
والان تزوجت للمره الثانيه ولي 4 شهور من الزواج توني عروسه ،
وزوجي فتح معاي موضوع الحمل
لكن اتضايق وارفض لاني صرت اخاف مره
صرت اخاف اجيب طفل وربي يكتب لي الانفصال او شي
والان نفسيتي جداً تعبانه
وتذكرت هذا المنتدى واشتقت اني ادخل واشوف اخواتي الي كانو هنا
هل بحصل احد منهم او لا ودخلت عشان ارفع من معنوياتي واتحمس لما اشوفكم متحمسين للحمل
قلت يمكن تفيدوني وافيدكم
واتمنى التشجيع صح بتقولو بدري على الحمل واستانسي لكن خايفه من ضغط زوجي علي ان يبي عيال قلت ابي اتحمس عشان لما يجيب طاري الموضوع اكون رايقه ومتقبله
لان كل مره يلاحظ علي الحزن والزعل والضيقه لما يجيب الموضوع ذا
وسلامتكم
ادعو لي بحياه سعيده واستقرار بحياتي الجديده وان ربي يرزقني لي ولكم الذريه الصالحه