اتمنى الاقي عندكم الحل لاهل زوجي وتدخلهم في حياتي

[التائبة لله(ام محمد باذن الله)]

السلام عليكم و رحمة الله و بركاته
بنات انا ترددت كتير قبل ما اكتب الموضوع بس اتمنى الاقي عندكم حل
مشكلتي هي حماتي و اختها و زوجي
حماتي عاطية نفسها الحق تدخل في كل صغيرة و كبيرة في حياتي حتى لبسي و انا ساكتة و اقول مالها الا اكبر مني و تعرف شو يصلح فيني لكن هي تمادت في هالشي لانعا صارت ما تخليني اجلس بالبيت مع زوجي لحالنا يا تكلمني وتجلس تحكي بالتليفون ساعتين او تجي لعندي او تبعثلي حدا ياخذني لعندها انا تعبت من هالعيشة و مرة قررت اني اقلها لا ما رح اجي لاني تعبانة زعلت و ضلت تصرخ علي وتقلي انتي تكرهيني ما تحبي تجي مو لانك تعبانة لانك تحبي تبعدي و تبعدي ابني و انا يشهد الله اني اعاملها احسن من امي و هي تضلها تتأمر علي و شو ما اسوي تضلني مامقصرة مع اني اروح لعندها و اطبخ و اجلى و اغسل و ما اخلي شي ما اسويه مع ان عندها كناين ثانيين و هي من الناس اللي تحب المظاهر و دايما تطبخ لصديقاتها في الاعراس او النفاس تلاقيها هي الاولى و انا متل الخادمة معاها في كل اللي تسويه اذا وحدة من صديقاتها مريضة او عندها عزيمة او شي تقلي روحي ساعديها و لما اقول لا الاقي زوجي يجبرني

مشكلتي الثانية هي اختها هي كمان تدخل في كل شي فيني او في بيتي تدخل حتى بيني و بين زوجي و تدخل في علاقاتي مع صديقاتي اللي تعجها تقلي ضلك معها و اللي ما تعجبها ما تخلي شي سىئ ما تقولو عليها كم مرة حبيت ااصارحها و اقلنا تبعد عن حياتي بس انا تربيت هيك ما عندي الشجاعة لمواجهة اي حدا حتى و لو كان اصغر مني و هالصفة تعبتني كتير. اتمنى لو اشيلها
اما مشكلتي الثالثة هي زوجي الحقيقة هو طيب و حنون بس احس ما عنده شخصية اي شي بدو يسويه يستشير امه حتى لو كنت مريضة اقله خذلي موعد عند الدكتور يقلي رح اطلب من امي تجي تشوفك اذا كانت حالتك تطلب دكتور او لا و لو حابة اطلع اغير جو يقلي ستني اشوف امي اذا حابة تروح و اذا خرجت اتسوق يقلي خذي امي معك والله هاذا قطرة من يللي بعنيه لو حكيتلكم كل موضوع واحد ما يكفي
بنات انا نفسيتي تعبت كتير حتى الحمل ما عاد بدي احمل مع انه كان اول شي افكر فيه بس ما عاد بدي
مو عارفة شو اسوي افكر اني اطلب الطلاق