تجمع الجزائريات الغاليات المتأخرات في الحمل ‏

[الشاكرة -لله]

المشاركة الأصلية كتبت بواسطة صبورة

السلام عليكم لبنات واش راكم يا رب تكونوا كامل بخير
بسومة26
شكرا على الدعوة الزينة
واش راكي؟ راكي تدخلي و تغيبي..راني عاذراتك مع الوحم ربي يكون في العون..
20 سنة انتظار
حبيبتي رانا كامل كيف كيف..و انظن اي وحدة متاخرة فالحمل سنين طويلة كي حالتنا يبدا المورال انتاعها في الزيرو حتى انا ما راهش يطلع ..اذا طلع نهار يهبط من غدوة..الحمد لله على كل حال...شعور صعييييييب و كانه النار تحرق فالقلب..يا رب رحمتك..
لبنات اللي راهم متاخرين فالحمل عام و عامين و 3 سنين و راكم صغار فالسن نقولكم الله لا يوصلكم للشعور القاتل اللي رانا نحسوا به و الله قد ما نوصف قليل....الحمد لله الحمد لله الحمد لله و ربي يرزقكم و يرزقنا في القريب العاجل...

ايييي يا اختي صبورة راكي كيفي و يقولك ما يحس بالجمرة غير لي كواتو ,,تاخرت عام و قلت والو جا التاني و قلنا نورمال ,, 3 و 4 و 5 و حملنا و قلنا معليش .. يا ختي وصلت حتى ل 10 سنين و انا نستنى فالحلم يتحقق ,, زادو ماتو يما و بابا الله يرحمه في هداك العام و في يوم واحد اسخايلي تعرفي انهارت كلياااا 10 < سنين تاخر و زيد تفقدي الابوين تاعك في حادث مؤلم و في نفس اليوم ,,, يا يما العزيزة و شحال سوفريت سنة مرررة عدات علينا و الحمد لله ... ايه من تم و انا نستنى فالحمل و كل عام بعشرة امثالو عذاب و معاناة ربي يلطف بينا انشاء الله و يرزقنا ,,,,البنات لي متاخرين عام و عامين و حتى تلاتة ربي يرزقكم ما نتمنى لحتى وحدة تعاني لي عانيت ,,,, بصح خليكم من التخمام حوسو و زهاو مع رجالكم بصح فنفس الوقت ما تضيعوش الوقت و اجريو على رواحكم بدون ما تقلقو رواحيكم راهو ربي الرزاق ,,, كيما انا كي قلقت و دايما نبكي و ,,,, واش درت ياك كيما حابها ربي تسير راهي تسير