تنصحوني بالمنظار إقرأو قصتي وقولو لي إيش العمل يابنات لو سمحتم حبيباتي

[marocchina 1988]

صباحكم / مساءكم سعيد بنات
بتمنى تكونو بصحة وعافية يارب
بدي أستشيركم حبيباتي
مثل مابعض البنات عارفين قصتي بس معلش أوضح للبنات إلي مو عارفين ورح أسرد القصة وبإختصار وقولو لي شو رأيكم
أنا متزوجة من خمس سنين عمري 25
أبدأ من دورتي هي منتظمة ولله الحمد 28 من يوم بلغت وهي تجي مظبوطة
بالنسبة للحمل كنت حملت بأول زواجي بس عملت التنظيف بالأسبوع العاشر الحمد لله عكل حال
والدكتور قال لنا مافي مشاكل وتوقف الحمل للمرة الأولى لايستدعي القلق
بعديها دخلنا في دوامة التحاليل والكشوفات ورحت بلدي عملت هونيك الصبغة وكل تحاليل هرموناتي بيقولو سليمة زوجي كمان تحليله منيح والله يابنات قالت لنا هون الدكتورة من شي خمس شهور العجب ماحملتي طول هالفترة وسائل زوجك عال العال وإنتي كمان كل شي عندك نشيط ماشاء الله خصوصا لما قلت لها إننا عملنا التلقيح عدة مرات استغربت ليش مابينجح مادام إنها شافت كل شي سليم بس لأنها أجنبية طبيعي تستغرب وبالنسبة لي بقول ربي لسة ماراد والحمد لله
المهم بقول لكم ليش عملنا التلقيح لأنه ماوجدوا سبب يمنع الحمل حتى فحص الجينات طلبوه قبل لايلتجئون لفكرة التلقيح والحمد لله طلعت سليمة ولما جمعنا الفحوصات كلها إلي طلبو منّا رحنا لهم وعرضوا علينا مافي شي وإذا بدكم تعملون التلقيح خلاص فوضت أمري لله وعملته صار لي سنتين وأنا كل مرة مابينجح بستناهم يكلموني مشان أبدأ تجربة جديدة الحين أنا خلصت التجارب بتاع التلقيح الصناعي آخر تجربة كانت من شهرين ولما إجا موعد الدورة نزلت إفرازات قلت إنها دورة قمت شرب المسكنات والمسخنات لأن الوجع بيجيني بشوف الموت منه لهيك قلت أشرب هالأشياء مشان ماأخلي مجال للوجع بس اليوم الثاني نزل أشياء إتضح إنه إجهاض والبنات قالو لي كذا وجلست الدورة أكثر من المعتاد جلست فيني عشرة أيام إقترحت علي بعض الأخوات بتعليقها المنظار وهذا الشئ الوحيد فعلا الي لساتني مافكرت فيه والحين حطيته براسي خصوصا وحدة من الأخوات هون بنفس الشهر حملت ماشاء الله بعد ثماني سنوات الله يتمم لها يارب
وبدي إستشارتكم بنات بعد ماقريتو قصتي ينفع أتوكل على الله وأعمله لأن يمكن بعد حملي الأول إلي كان طبيعي بعد ماعملت التنظيف والحمل كان بس الكيس والجنين صغيييير يعني قلت يمكن وقع شي إلتصاق المنظار وحده رح يكتشفه ويعالجه بنفس الوقت
بدي فكرة أكثر عنه يابنات في أي وقت لازم أعمله
وهل ينفع لمثل حالتي أو مايستدعي أعمله
وهل له آثار جانبية
لسة مو آخذة فكرة كبيرة عنه ياريت ألقى إجابة شافية من عندكم أخواتي والله من هون لشهرين رح يكلموني مشان أطفال الأنابيب وصراحة تعبت خفت لتكون مثل تجاربي بالتلقيح وأنا موناقصة نفسيتي صارت فكرة توديني وأخرى تجيبني ومحتارة شو أعمل في إلي بيقول لي ليش أصلا بتعملي التلقيح وتبويضك وفحوصاتك وزوجك كل شي سليم وسبق حملتي مالازم تعملي تلاقيح بس هذا مقدر علي الحمد لله

رأيكم بنات بيهمني شو أعمل ومثلا لوعملت المنظار وماحملت وإجت عملية الأنابيب أتوكل على الله ولا أروح بلدي بسمع بدكاترة ممتازين يمكن أتابع مع شي دكتورة هونيك لأن هون حتى المتابعة مابدهم كنت بروح بيفحصو الرحم ويقولو مافي شي روحي حتى تحملي
شو أعمل إنصحوني وسامحوني طولت عليكم مالي الا الله وأنتم في هالغربة