نزيف بعد الولاده

[مرتقى]

السلام عليكم ورحمة الله

كيف حالكم أخواتي أنا ما بعرف فين أنزل استفساري حاسه تعبت كثير
أنا ولدت لي كم شهر و الحمدلله بعد أربعين يوم جتني أخت النفاس و كان بشكل فضيع نزيف تعبت و أنا رايحه جايه على دورة المياة و خفت لا يكون في شي و حسيت كمان بدوخه رحت لطوارئ الدولة اللي أنا فيها أنا في الخارج و سويت تحاليل من إلى الوضع سليم و على الرحم كمان الحمدلله سليم وقالوا هذا شي طبيعي بعد الولاده و اللي ما خرج فيخرج الأن

و طلعت من عندهم و الحمدلله بعد أسبوع وقف الدم و أرتحت الأن بعد شهر و كم أسبوع الأسبوع اللي فات كان عندي موعد عند الطبيبه اللي ولدتني فعملت لي مسحه من عنق الرحم ما أعرف ليش و قالت تاخذوا التقرير من طبيب العائله و بعدها نزل علي الدم أعتقد أنه الدورة الشهرية لكن ما تصدقوا نزيف و أتعبني ما أقدر أقوم بشغل بيتي و طفلتي شايله همي بس من القرف و المسح و أعصابي مولعه و منرفزه

و اليوم مافي احد بالعياده و لا بكره ما اقدر استنى اكثر من كذا

على فكرة ما أكل حبوب منع حمل و لا ركبت لولب أموري طبيعيه ماني عارفه من ايش هالنزيف و هو دم أحمر كأنه دم الجروح العاديه
فمن خبرتكم بنات في شي طبيعي من أعشاب يوقفه تعبت كثير ؟

لا تقول روحي على الطوارئ الله وكيلكم أجلس استنى تسع ساعات عشان أشوف النتيجه تعبت أنا و تعبت زوجي و بنتي معي في الطوارئ